مقارنة بين النترا، سيراتو 2014، شارك، كروز وتيريوس

**4bram** · 03-10-2013 05:50 PM

شارك عربية جميلة وواسعه وثابتة علي الطريق ... بالتوفيق

**devil_storm** · 07-10-2013 10:11 AM

سيراتو افضلهم اكيد ... الكورى بقى نفس جودة اليبانى مع افضليه فى الكماليات و الاوبشن و التصميمات
بس لازم تجيب الفئات العالية ... sx او الهاى لاين و ابعد عن الفئات الاولى فى الكورى

**M I D O** · 07-10-2013 08:59 PM

المشاركة الأصلية كتبت بواسطة devil_storm

سيراتو افضلهم اكيد ... الكورى بقى نفس جودة اليبانى مع افضليه فى الكماليات و الاوبشن و التصميمات
بس لازم تجيب الفئات العالية ... Sx او الهاى لاين و ابعد عن الفئات الاولى فى الكورى

ازاي يا باشا الكلام دة ... يبقي الياباني ياباني و الكوري كوري اينعم التصميم في الكوري افضل لاكن اعتمادية وقطع غيار معمرة وسمعة الياباني افضل بمراحل

**Ahmed TRAVCO** · 08-10-2013 12:04 AM

المشاركة الأصلية كتبت بواسطة devil_storm

الكلام ده مش مظبوط ... اعتماديه الكوري ذي اليباني ان لم تكن تفوقت ... سيبك من الكوري زمان
ضمان الكوري زمان كان سنتين فقط دلوقتي كل العربيات الكوري هيونداي او كيا عليها ضمان ٥ سنين، مين العربيات الياباني او الالماني اللي بتدي ٥ سنوات؟؟ مدام اليباني اعتمادي اوي كده ليه ميديش ضمان ٧ سنين بقي!!!

متخليش حد يضحك عليك و يقولك اعتماديه الماني و اوربي و الكلام ده .. لو اعتمادي قوي كده بيدي ليه ضمان سنتين بس!!!. اكتر عربيات بتعطل و اقل العربيات اعتماديه هي الالماني و الاوربي و شوف فتيسات و تكيفات فولكس و بيجو و ستروين عملا ايه في ملاكها!!!

أحب أقول لحضرتك ان ميتسوبيشي كانت لحد أول اكتوبر الحالي بتنزل جميع موديلاتها في أوروبا وأمريكا وأستراليا بضمان 10 سنين!!!!!!! أيوة 10 سنين... ولسة يادوب موقفين الموضوع ده من أول الشهر علشان الاقبال عليه مكانش كبير... وبيقولوا انه مكنش مشجع قوي للزباين وان الاحصائيات بتقول ان 1.5 من كل 10 اشخاص كانوا بيطلبوا نظام الضمان ده (مقابل زيادة في السعر طبعا) وان ده مش كفاية بالنسبة لرواج العرض من الشركة... خصوصا انهم بيقولوا ان الغالبية الكاسحة من الزباين بيبيعوا عربياتهم في خلال اول 3 سنين...

انما في النهاية دي شركة يابانية واثقة في جودة صناعتها بدرجة تخليها تسلم حضرتك العربية ومعاها ضمان 10 سنين!!!

وبصراحة معنديش خلفية خالص عن أي شركة كورية اتجرأت تعمل ده...

**hugan** · 08-10-2013 12:13 AM

الراجل عنده 45 سنه
وحضراتكم بتختارو برغباتكم الشبابيه
يعني بتختارو ليكم مش ليه
الموضوع اتحول بقدره قادر لاوروبي وياباني وكوري وهندي
لو مكانه هاختار الجراند تريوس

**semsem5144** · 08-10-2013 12:24 AM

المشاركة الأصلية كتبت بواسطة devil_storm

الكلام ده مش مظبوط ... اعتماديه الكوري ذي اليباني ان لم تكن تفوقت ... سيبك من الكوري زمان
ضمان الكوري زمان كان سنتين فقط دلوقتي كل العربيات الكوري هيونداي او كيا عليها ضمان ٥ سنين، مين العربيات الياباني او الالماني اللي بتدي ٥ سنوات؟؟ مدام اليباني اعتمادي اوي كده ليه ميديش ضمان ٧ سنين بقي!!!

متخليش حد يضحك عليك و يقولك اعتماديه الماني و اوربي و الكلام ده .. لو اعتمادي قوي كده بيدي ليه ضمان سنتين بس!!!. اكتر عربيات بتعطل و اقل العربيات اعتماديه هي الالماني و الاوربي و شوف فتيسات و تكيفات فولكس و بيجو و ستروين عملا ايه في ملاكها!!!

انا معاك ان الكوري اتقدم كتير اوى اوى السنين اللى فاتت بس الاهتمام الواضح بالكماليات انما لو هتقارن اساسيات زي الشاسيه والموتور والفتيس والعفشه حتى وحدة التكييف لسه بدري لما ينافسوا الالماني والياباني
الجو والمسافات فى مصر بتحافظ نسبيا على العربيات تعالا السعودية اتفرج على العربيات اللى مشيت اكتر من 200 الف كيلو هتلاقي الموتور صوته اتغير الفتيس بدأت مشاكله تظهر المكيف لازم يكون مغير كومبريسور والكلام ده فى عربيات كبيره زي السوناتا والازيرا والكيا اوبيروس او كادينزا
وانا معاك ان الاوروبي فيه مشاكل بس اركب عربية مرسيدس عيون مثلا موديل 2000 هتلاقيها احسن بكتير من الكوري زيرو موتور وفتيس واليابانى نفس الكلام الكامري والافالون بيكسروا فيها ورغم كده ماسكه نفسها وعلى فكره البيجو فى السعوديه كانت عامله عرض ضمان 5 سنين او مليون كيلو
والمشكله التانيه ان اسعار الكوري عدت اليابانى وده اثر على مبيعاتها
عن تجربة كان معايا مرسيدس s500 موديل 94 فتيسها عملته صيانه فى 2010 كلفتني 3000 جنيه رجع زي الزيرو وكان لسه علية شمع المصنع مختوم من الشركه
اي صناعه معتمده على الابحاث والابحاث اللى بتمتلكها اليابان والمانيا وامريكا فى صناعة العربيات عمرها سنين طويله صعب كوريا توصلها

اسف لو طولت عليك انا اتمنى يكون كلامك انت الصح لان كله فى مصلحة المستهلك

**Ahmed TRAVCO** · 08-10-2013 02:24 AM

المشاركة الأصلية كتبت بواسطة hunting_eagle

مع اني موافق تماما ان الألماني (مش كل الأوروبي) أحسن من الياباني و الياباني أحسن من الكوري .. وده طبعا في العربيات بتاعتنا مش السوبر كارز و الفئات دي

بس أحب اقولك ان هيونداي منزلة جنيسيس بضمان ( مدى الحياة ) !!! هي أغلى عربية عندهم بس واضح ان الكوريين جايين بقوة و عربياتهم بقت محل ثقة اكتر من الاول

بالنسبة لصاحب الموضوع انا بردو بميل للشارك و ان كانت شبابي و ممكن ما تعجبش قريبك

بالتوفيق

وانا مش مختلف مع حضرتك... وحنى لسة كاتب في مشاركة ليا في موضوع عن اعتمادية الكوري والأوروبي وقايل اننا لازم نقارن في نفس الفئة السعرية... يعني اعتمادية السوناتا والأزيرا والإيكواس والجينيسس مثلا لازم وحتما ولابد اعتماديتهم اعلى من الالنترا والأكسنت... انما برضه هتلاقي اعتماديتهم أقل من الكامري والأفالون والليكزس والبي إم والمرسيدس والجاجوار على سبيل المثال...

مع الاعتراف -والاحترام الكامل- للكوري اللي بيتقدم بسرعة... بس احنا بنقول انه لسه أقل من الياباني والأوروبي...

**تامر.محمد** · 08-10-2013 02:38 AM

حيث انه مش محتاج حاجة شبابية فاسمح لي اضيف اقتراح مش موجود اظنه الانسب
الفلوينس

فخامة و خامات , اتساع كابينة و شنطة , كماليات , عفشة كويسة
باور مريح , توكيل كويس, قطع غيار مش رخيصة لكنها معقولة جدا في الفئة دي
اعادة بيع مش ممتاز لكنها معقولة برده في الفئة دي
في السوق من 2011 ماحدش اشتكى من مشاكل و اعطال فيها , اعتماديتها معقولة
و الموتور و الفتيس الجداد متجربين في التيدا و ماحدش اشتكى منهم

العربية بالنسبة لحد مش شاب فعلا اختيار امثل

في رأيي يليها الكروز من نفس المنظور

-

-

الموضوع: مقارنة بين النترا، سيراتو 2014، شارك، كروز وتيريوس

LinkBack

أدوات الموضوع

عرض

-

-

-

-

-

-

المواضيع المتشابهه

كورولا 2014-النترا 2014-لانسر شارك -فلوانس

مقارنة شكلية كيا سيراتو 2014 vs هيونداي النترا 2014

مقارنة بين كيا سول وتيريوس وفوكس هاتشباك

مقارنة تفصيلية بين الكورولا-لانسر-سيراتو-مازدا-هوندا-النترا-كروز...لوز اللوز

مقارنة تفصيلية بين الكورولا-لانسر-سيراتو-مازدا-هوندا-النترا-كروز...لوز اللوز

الكلمات الدلالية لهذا الموضوع

المفضلات

المفضلات

ضوابط المشاركة