بسم الله ما شاء الله ......ألف مبروك على العربية و ألف شكر على التقييم الشامل
عرض للطباعة
بسم الله ما شاء الله ......ألف مبروك على العربية و ألف شكر على التقييم الشامل
أولاً شكراً على التعليقات الجميلة لكل الأعضاء المحترمين
ثانياً أنا عربيتى السابقة كانت 128 موديل 83 بس جربت أكتر من عربية قبل ما أشترى السيريون زى الإلنترا وال Gen 2 و ال Spark وكان إختيارى حاجة ماجربتهاش خالص بس ماندمتش خالص إلا على حاجة واحد كان نفسى تبقى مانيوال و 1500 و فول أوبشن (طبعا مافيش حاجة كدا إلا بطلبات خاصة)
بخصوص الصوت اللى عند معاذ لأ الحمد لله ماعنديش الصوت دة
أما بخصوص إستهلاك البنزين فا دى أكتر حاجة بتخليني مضايق من العربية وأحياناً ببقى مش عايز أركبها
فيه كمان عيب و ميزة فى نفس الوقت نسيت أذكرها وهي إن العربية قريبة من الأرض وسهل إنها تحك فى أى مطب عالي شوية بس دي ميزة فى ثبات العربية
وربنا يبارك فيكم جميعاً و ربنا يتقبل منا ومنكم صالح الأعمال
اقتباس:
أنا عربيتى السابقة كانت 128 موديل 83
زيي يعني . أنا كمان 128 موديل 1986 :)
اقتباس:
أما بخصوص إستهلاك البنزين فا دى أكتر حاجة بتخليني مضايق من العربية وأحياناً ببقى مش عايز أركبها
هو استهلاك العربية بصراحة متغير معايا
بس في معظم الاوقات كويس
مساعدني في ده ان معظم المشاوير بتاعتي في طرق طوالي مش وسط البلد وده اللي خلاني عامل 10 آلاف كيلو بالعربية في 3 شهور. أكتر حاجة ملاحظها في موضوع الاستهلاك ده اني لما بافول من اي بنزينة غير بنزينة امارات مصر اللي عند داندي مول الاستهلاك بيكون عالي أوي عندي.
باتفق معاك تمامااقتباس:
فيه كمان عيب و ميزة فى نفس الوقت نسيت أذكرها وهي إن العربية قريبة من الأرض وسهل إنها تحك فى أى مطب عالي شوية بس دي ميزة فى ثبات العربية
ويمكن دي من الحاجات القليلة اللي كنت باختلف مع ابو عبد الله فيها بخصوص السيريون :)
العربية فعلاً بتحك معايا في المطبات من وقت للتاني وفيه أوقات كتير من الحكات دي باكون مفيش غيري في العربية ومش محملة كمان.
وإياك يارباقتباس:
وربنا يبارك فيكم جميعاً و ربنا يتقبل منا ومنكم صالح الأعمال
من أحسن و أشمل التقييمات اللي شفتها على المنتدى... شكراً عى مجهودك و ألف مبروك على العربية الجميلة و ربنا يديك خيرها و يكفيك شرها.
أولا الف مبروك وربنا يعطيك خيرها ويكفي عنك شرها ان شاء الله
النقطه دي مختلف تماما معاك فيهااقتباس:
العيوب
====
عيوب العربية قليلة جداً و فى منها عيب و ميزة فى نفس الوت بي للأمانة هقول كل حاجة
1- الصاج ضعيف شويه ودا كعادة العربيات اليابانى كلها بس دا بيكون كويس فى حالة لو بترد صاج على البارد
وعاوزك تعطيني مثال للكلام ده
العربيه كل الصاج اللي فيها يعتبر الأبواب تقريبا وانا شايف انهم جامدين جدا
لدرجة ان تم حكهم عندي مرتين ولم يحدث اي ميول في الصاج غير مكان خط صغير في الصاج وداخل في الصاج ولكن مش مأثر على الصاج من حواليه مع ان المفروض تخلي الصاج معووج يعني من حواليه ولكن الخبطه على اد الخط الرفيع ده بس
ومره تانيه والله عربيه وانا واقف بجوار عربيتي دخل في العربيه كلها من الجمب ولكن كان براحه ولكن ريح على عربيتي خالص وقولت بس هلاقي البيبان اتفرمت
والله ولا الهوا بجد يعني
مفيش اثر لأي حاجه في الحته اللي دخل فيها فعلا
أولا موضوع الاكصدامات ده انا قولت قبل ذلكاقتباس:
2- الإكصدامات مرنة و مثبتة بكلبسات ودا عيب إنها سهل تطبق أو تخدش بس الميزة إنها معمولة كدا لحماية المشاة فى حالة التصادمات الخفيفة
3- صوت العربية عالى و عزلها للصوت ضعيف
4- مكان زرار الإنتظار سئ جداً و من الصعب توصله بسرعة من غير ما تبص عليه ودا ماينفعش فى ساعة الخطر كان المفروض يبقى أعلى من كدا و أوضح من كدا بس هوا حجمه مناسب
5- إداء العربية بحس إنه بيقل كتير لو طالعة كوبرى أو طريق مرتفع شويه
الأكصدامات دي لما بتطبق بتعدلها بأيدك وانت واقف
ولا أكن في حاجه حصلت
كذلك مش بتحتاج لتسخين والكلام ده وكمان مش بيبان عليها انها معوجه زي اكصدامات عربيات تانيه كتير
صوت العزل الداخلي للعربيه انا شايفه جميل جدا
يعني انا لما بقف الزجاج ببقى حاسس اني في جو تاني لوحدي خالص وكذلك على السرعات العالية وصوت الهوا مش بيبقى للدرجه
أداء العربيه في المطالع دي مشكلة الأتوماتيك عموما
علشان كده في زرار الأوفر درايف معمول علشان الحاجات دي
لما تحس ان العربيه بتبطئ اضغط عليها هتلاقي العربيه اخدت راحتها لأنه بيبقى عامل زي الكيك داون كده ولكن محمل على النقلة المناسبة للعربيه
أما بخصوص الفيوز
فأنا عاوز اعرف من حضرتك فيوز ايه بالظبط ومكانها فين علشان تاخد نص ساعة تركيب
وايه المشكلة اصلا اللي حصلت
لأن لو الموضوع مسالة فيوز بتتشال وبتتحط بس
واخدوا 35 جنيه
ده يبقى اسمه استهبال واستعباط كمان
لأن الفيوز عمرها ما تاخد دقيقه مش 30 دقيقة
بس لو الكلام ده طلع فعلا تركيب فيوز وبس من اللي هيا في الكابوت او تحت الدركسيون اين كان
بص يا على خلينا نبتدى من الصفراقتباس:
اقتباس:
فيه كمان عيب و ميزة فى نفس الوقت نسيت أذكرها وهي إن العربية قريبة من الأرض وسهل إنها تحك فى أى مطب عالي شوية بس دي ميزة فى ثبات العربية
باتفق معاك تماما
ويمكن دي من الحاجات القليلة اللي كنت باختلف مع ابو عبد الله فيها بخصوص السيريون :)
العربية فعلاً بتحك معايا في المطبات من وقت للتاني وفيه أوقات كتير من الحكات دي باكون مفيش غيري في العربية ومش محملة كمان.
طبعا بما اننا بنتكلم على مصر يبقى طبعا لازم لو عربيتك حتى ربع نقل هتحك في مطبات الحروسة
اي انه لازم هيقابلك مطب ابن ناس شاطره وجدعه ويحكك حكه محترمه
ولكن انا كلامي على العربيه انها من ابعد العربيات عن المطبات
يعني مثلا عندك في اكتوبر ولا مطب بحك فيه حتى وانا محمل العربيه على الأخر
انا مش عارف المطب اللي انت حكيت فيه ده فين
ولكن انا أؤكدلك اني متحكتشي من زمان قوي قوي
والمره الأخيره اللي اتحكيت فيها كان بسببي انا
لأن العربيه كانت محمله على الأخر اكبر من الطبيعي وأخدت مطب بجمبي و
سبق وانا ذكرت ان العربيه دي لما تاخد اي مطب بجمبك هتحك اما لو أخدت نفس المطب بطريقه مستقيمه مش هتحك ... ليه والله مش عارف
ولكن ده اللي بيحصل
لأني عديت تاني في نفس اليوم على نفس المطب واخدت عدل محكتشي
ومثلا مطب تلاقي نزلته في نقره فلازم العربيه طبعا تنزل عن الطبيعي لنزولها في النقره
حاجات زي كده
اما انا لا افكر مطب عادي عديت عليه وانا محمل كمان وحكني ابدا
والنقطه دي انا مجرب عربيات كتير ومطبات بالهبل مش هقولك عندنا في الدلتا الطرق عامله ازاي
اي واحد مش عاجبه نفسه وكاره نفسه يروح يجيب عربية اسفلت ويرزعها زي الجيل كده
فالنقطه دي انا مختلف تماما وكليا عرضيا معاكم فيها
الا بقه لو كانت عربياتكم غير العربيه اللي معايا اصل مالهاش حل تاني خالص بصراحه
تقيم ممتاز يا استاذي الفاضل و ربنا يديك خيرها و يكفيك شرها
السلام عليكم يابو عبد الله وكل سنة وانت طيب
ماهو انا باقول في أول كلامي اني مختلف معاك في النقطة دي :)اقتباس:
فالنقطه دي انا مختلف تماما وكليا عرضيا معاكم فيها
الا بقه لو كانت عربياتكم غير العربيه اللي معايا اصل مالهاش حل تاني خالص بصراحه
محدش قال العربية مختلفة ولا حاجة
وانا نفسي مش خبير
بس انا باحكي على اللي بيحصل معايا وخبرتي مش مساعداني على تفسير اللي بيحصل
وللأمانة مسألة حكها في المطبات مش بتحصل معايا في أكتوبر خالص لان المنطقة اللي ساكن فيها مفيهاش مطبات ولا نقر غلسة خالص بفضل الله
هي بتحصل معايا دايماً في اسكندرية ومن يومين كنت في طريق المنصورة (حتى كلمتك يومها على أرقامك وكنت قافل موبايلاتك) :)
وحكت معايا يومها يمكن 3 مرات وبتحصل معايا دايماً كمان في الهرم
وعلى فكرة انا عمري ما باخد المطب بالعرض
انا فعلاً مقارنتهاش بأي عربية تانية لأني مركبتش غيرها كتيراقتباس:
ولكن انا كلامي على العربيه انها من ابعد العربيات عن المطبات
يعني مثلا عندك في اكتوبر ولا مطب بحك فيه حتى وانا محمل العربيه على الأخر
نفس الشئ معايااقتباس:
اما انا لا افكر مطب عادي عديت عليه وانا محمل كمان وحكني ابدا
لأن المطب العادي بيبقى معمول باحترام شوية فعمرها ما حكت معايا في مطب إلا لما كانت محملة زيادة عن اللزوم زي ما بيحصل معاك
دايماً الحكات في النقر
انت كده زعلتني بجد
ازاي تبقى على طريق المنصورة ومتقولشي
وبعدين ازاي موبايلاتي تبقى مقفولة ده كلام
لا لا بجد امتى طيب
والله زعلتني ده انا نفسي اشوفك بجد يا اخي والله
عالعموم ان شاء الله نقدر نجيلك احنا بإذن الله
بس عالعموم موضوع المطبات دي انا مجربه والله وعن تجربه كتير
يعني عندنا في المنصورة كان من فتره قريبه في مطبين عند الجامعه امام كلية الحقوق
أول واحد كان عادي تاني واحد مكنشي عادي وكانت عربيات كتير تعدي من عليه وتحك زي البي ام واللانسر مثلا وانا بعدي عليه وانا محمل ولا الهوا والله
بس هقولك على حاجه يمكن انت بتضرب فرامل على المطب مثلا
اصل انا سبق وقولت الموضوع ده من فتره
ان المفروض متضغطشي فرامل على اول المطب او وانت بتعديه
يعني لازم تكون ضاغط على الفرامل قبل المطب
بحيث لما تيجي تعديه منتبقاش تضغط على الفرامل بعد ما تعدي العجل الامامي علشان تهدي شويه يعني لأن ده بيخلي العربيه تنزل لتحت شويه عن الطبيعي
يعني مثلا عاوزك تجرب انك تبقى ماشي سلانسيه بالعربيه وتشد الهاندبريك هتلاقي العربيه بتزل من الخلف لتحت
او مثلا وقف العربيه وشد الهاندبريك وابتدي امشي براحه بالعربيه هتلاقي العربيه بتنزل لتحت
وهو ده ممكن اللي يكون بيحصل معاك فعلا
او العكس انك لما تعدي العجل الامامي للعربيه تروح دايس بنزين هتروح العربيه نازله لتحت برضه من الخلف
هيا الفكره ان اي شد او توقف اقرب للمفاجأ للعربيه بيخلي المساعدين اللي في الخلف يتحركوا وده اللي بيخلي العربيه تنزل من ارتفاعها الطبيعي الى الاقل
جرب وقولي ان شاء الله