ربنا يبارك فيك يا أبو عبد الله و انا ليا عظيم الشرف إنك علقت على تقييمى المتواضع
بالنسبة لموضوع الصاج
العربية فعلاً فى أجزاء كتير منها صاجها ضعيف ربما يكون مرن ويبدو إنه ضعيف و ممكن تحس بنفسك دا لو ضغط بكف إيدك بالراحة على أى مكان فى العربية و تعمل نفس الموضوع على عربيات تانة فى نفس موضع الضغط هتحس بالفرق بس دا فى نفس الوقت ميزة كبيرة دا كمان إتجاه شركات إنتاج السيارات إنها تخلى الصاج بالمرونة دى علشان إمتصاص الصدمات فى الحوادث لا قدر الله و عدم تأثيرها على الراكبين و الكلام دا كان فى برنامج تليفزيون بيقارن الصاج المرن من الصاج المحمل أو التقيل فى الصدمات و دا اللى حصل فى باب عربيتك ( ربنا يباركلك فيها ) وكمان فى الباب فية الدعامات الصلب و أعتقد إنها كان ليها دور
أنا معاك فى موضوع الإكصدامات وأهم ميزة فى مرونتها زى ما قلت هى حماية المشاة و دا حصل معاية لما موتوسيكل دخل فى العربية من الخلف و الراجل رجله دخلت فى الإكصادام بس الحمد لله قام سليم
بس واحد ركن أمام عربيتى و نسي يرفع الهاند بريك لقيت الإكصدام بتاعي قرب يبتلع عربيته وكده يبقى الإكصدامات مالهاش أي دور فى حماية العربية تبقى مجرد ديكور و كمان لمرونة الإكصدام عندي جزء فى طرف الإكصام الخلفى إتنى وعلشان الإكصدام مرن مش راضى يتعدل تانى
بالنسبة لعزل العربية للصوت أكيد طبعاً العزل موجود ولما بتقفل الزجاج وانت ماشى فى الزحمة هتحس بفرق كبير بس النقطة إنى مش بقارنها بعربية 128 أنا بتكلم على عربية صناعة وتقفيل ياباني أعتقد لو قارنتها بعربيات تانية فى نفس الفئة هيبقى عزلها ضعيف
وكمان نقطة نسيت أذكرها فى التقييم إن تصميم العربية بيخلى صوت الهوا على و مزعج عالي سرعات نوعاً ما مش عالية قوى 90 - 100 ودا بيخلينى دايما أقفل الزجاج وأشغل التكييف بدون داعى فقط لتجنب صوت الهوا
الأداء بيقل كتير فى المطالع ودا حاجة مزعجة لو بتحب تحس بقوة العربية أثناء القيادة
بس زرار الأوفر دريف بيخلى العربية تنقل 3 غيارات فقط وأكيد دا ماينفعش لمسافات طويلة أو لسرعات عالية و إلا هيبقى دمار للموتور
بالنسبة لإرتفاع العربية
هيا إرتفاعها مناسب بس لو عديت لحضرتك كام مطب العربية حكت فيهم فى الأيام الأخيرة بس هتعرف أنا شايف إن إرتفاعها مش كبير ليه و غالباً بيبقى معايا شخص أو شخصين فى العربية وبتحك فى حوالى 30% من المطبات الهاند ميد طبعاً مش المطبات الشرعية وانا بكون مهدي قبل المطب و مش دايس فرامل ورغم كدا بتحك
بس أنا شايف إن ارتفاعها ميزة كبيرة فى ثبات العربية على سرعات عالية وفى المناورات
بخصوص الفيوز
أنا دخلت فيشة مكنسة للعربية وعملت قفلة أنا ماكنتش لسه أعرف إن الموضوع بسيط وهوا مجرد فيوز ورحت التوكيل وانا لسه باحكى اللى حصل قاللى دا أكيد فيوز و ساعة إستلام العربية قاللى إن الفيوز إتغير بواحد إحتياطى من اللى موجود و الفيشة بتاعت المكنسة وهى داخلة زقت سلك فى مكان الولاعة و عدلوا السلك و دفعت ال50 جنيه دا كل الموضوع :k20:
اسف للإطالة و لكن دا للتوضيح فقط مش علشان بحب الرغي الكتير :k47:
المفضلات