يا ريت والله وان شاء الله رأيك حيفرق معايا جامد فى قرار الشراء
عرض للطباعة
مفيش. حد هيقول دلوقتي ان الفتيس في حاجه لأن معظم العيوب كانت بتبتدي تظهر علي ٢٠٠٠٠ ك فلسه محدش عارف حاجه غير كلام الشركه من ان الفتيس هوا الجيل الرابع ومفهوش مشاكل اما بقي العربيه فلا خلاف يذكر عليها غير ان تعليقها مش ملتي لينك وان كان موضع الثبات الخاص بالعفشه التي عليها لم يتم تجربته من احد الاعضاء لأعطائنا رأيه في الثبات علي نظام التعليق الموجود فيها
أنا كلمت خدمة العملاء بتوع أرتوك و سألت عن الأوكتافيا a7 سعرها و إمكانيتها..... و خليت السؤال الصعب للأخر.... و أخبار الفيتيس ال dsg الجديد أيه.....أنا سامع أنه فيه مشاكل جامدة مع فولكس.....قام قايلي أنا ما عنديش فكرة ممكن تكلم المهندس المختص و عطاني نمرته......
المهم كلمته و سألته شوية عن العربية و بعدين عن الفتيس ال dsg و مشاكله في عربيات فولكس..... تتخيلوا قالي أيه.....قالي المشاكل دي عند فولكس بس..... اكن إحنا الفتيس بتاعنا تمام و مظهرتش فيه مشاكل......قلتله اللي أنا أعرفه إن إسكودا تابعة لفولكس و جايبه منها الفتيس ده زيه زي الموتور ال tsi بتاع فولكس.... رد علي و قال زي ما بقول لحضرتك الفتيس بتاعنا مفبهوش مشاكل
مردتش أطول معاه و قفلت لانه شغال سكة مندوب مبيعات مش سكة واحد بيفهم