عندك حق والله ... عندنا نفس الكلام النيل شح خلاص مبقاش فيه سمك زي زمان
عرض للطباعة
عندك حق والله ... عندنا نفس الكلام النيل شح خلاص مبقاش فيه سمك زي زمان
سبحان الله على هوايات الناس
انا واحد من الناس ميجيليش صبر افضل قاعد مستنى سمكة عبيطة جعانة عشان تاكل الطعم
انا اروح اشترية جاهز واريح نفسى
هههههههههههههه
لو حضرتك جربت الصيد ومتعة محايلة السمكة وسحبها من المية واللحظة اللى بتسلك السن منها والقعدة نفسها مع شوية تفكير وتامل مش هتبطل صيد .. اللى بيصيد مش حد جعان عايز ياكل الصيد ده فن الصبر والتامل (والرضا بالمقسوم)
الرجل دة بيقول كلام ذى الفل
بس دا ميمنعش برضه ان الخير دا ربنا باعتهولك عشان تاكله والا كان المفروض بعد ما نصطاد ونطلع عين السمكه نرميها فى الميه تانى :)
ده اساسى ياباشا ... منا مش هصطاد يعنى وبعد كل ده ارمى السمك لا طبعاً انا كنت بقول بس للمعلم اللى بيقولك اصطاد واوجع دماغى وسمكة عبيطة واشترى جاهز واكل ... الصيد بالنسبالى متعة اساساً وحب وهواية وصبر وحاجات كتير لكن اساس الصيد بالنسبالى برضه مش عشان الأكل عشان الصيد نفسة وكدة كده اكيد اللى بصطاده باكله طبعاً :fish5: :_Alshmokh15[1]:... تعالى كل :shine[1]:
الله يسامحه العضو احمد جود ويف
اعيش فى مدينه ساحليه منذ صغرى و كل اصحابى بيصطادوا و باسمع منهم و اطنش
لحد ما بقى عندى 31 سنه و انا عمرى ما مسكت صناره , الى ان تكلمنا فى موضوع زى ده على المنتدى هنا
و ارشدنى الى منتدى اخر لصيد السمك , و قالى خلى بالك دا زى الادمان بالضبط فلو مش هاتقدر بلاش
و قولت هاجرب اول مره مع نفسى بخيط و رصاص كان عباره عن بطاريتين قلم و نصف كيلو جمبرى ب 5 جنيه و قلت اخرى ساعه
و لو زهقت هارمى الحاجه و اروح , قعدت يومها من 6 الصبح و ماحستش الا و الضهر بيأذن الساعه 12
و رجعت على السوق من برا برا , اشترى القصبه و المكنه و الرصاص
و بقيت مدمن و فعلا بابقى زعلان جدا لما اقعد فتره من غير ما اطلع
مش هاقلكم انى محترف و لا حاجه انا باصطاد سمك صغير بس طلعه البحر و عيشتك وسط الماء لفتره و يا سلام بقى لو شويه درافيل تنتطط حواليك
هاترجع ناسى الدنيا باللى فيها