كنت ماشي في امان الله واحد ربنا يسامحه معايا قعد يلعب في التكييف وانا مشغله فجأه الحرارة زادت قفلت التكييف رجعت للطبيعة تاني
فهل ده ممكن المروحة تكون معلقة مرة ولا حاجة ولا الفيوز خلاص راح ؟
عرض للطباعة
كنت ماشي في امان الله واحد ربنا يسامحه معايا قعد يلعب في التكييف وانا مشغله فجأه الحرارة زادت قفلت التكييف رجعت للطبيعة تاني
فهل ده ممكن المروحة تكون معلقة مرة ولا حاجة ولا الفيوز خلاص راح ؟
اللعب في التكييف من جوة مش هيبوظ المروحة,
بعدين أنت بتقول رجعت للطبيعي تاني يعني مفيش حاجة,
لو لسه قلقان وانا مش فاهم مشكلتك بالظبط ممكن تفتح علبة الفيوزات وتكشف علي الفيوز والريلاي بتاعها لو ليها.
المشكلة انها رجعت لطبيعتها لما قفلت التكييف مش و هو شغال ف متهيألي الفيوز بتاع مروحة التكييف حصله حاجة و مجربتش التكييف تاني
و اعرف ازاي الفيوز فيه حاجة ولا لا اكشف عليه ازاي ؟
معلش أنا لسة مبتدأ :d
ولا يهمك, بص هتبطل العربية, وهتفتح الكبوت وهتلاقي قدامك علبة سودا مقفولة دي علبة الفيوزات,
هتشوف فين الفيوزات اللي مكتوب عليها 20A أمبير,
وهتطلعهم تبص عليهم تشوف واصلين من جوا ولا مقطوع, وبتاع المروحة المفروض أن هوا رقم 24 في الصورة
وسيبك من اللي أنا معلم عليهم,, دول كانو من موضوع تاني هنا,,
http://www.nilemotors.net/Nile/37335...post3875133150
http://img822.imageshack.us/img822/8122/4soa.png
بس هوا عمتاً لو مقطوع مكنتش هتشتغل معاك تاني, بس أنت شوف السلك ممكن يكون ملمس, وتبقي عرفت تكشف عليهم أزاي بعد كدا.
دا شكل الفيوز, وفيه حتة جواه واصلة بين الطرفين عاملة زي حرف n,
دي لو مقطوعة أو مش موجودة, يبقي الفيوز بايظ.
http://robomatter.com/images/ifi/fuse-20a-ato.jpg
تمام يا باشا الصبح هجرب ان شاء الله
عزيزي
الفيوز لو ضرب مايرجعش يشتغل تاني ولازم يتغير ومدام التكييف رجع يشتغل تاني يبقا الفيوز سليم . ومدام المشكله حصلت لما صاحبك لعب في التكييف يبقا موش موضوع فيوز ممكن تكون حاجه تانيه زي بلف عاكس الدوره مثلا . نصيحتي مدام كل حاجه رجعت زي الاول ماتفكرش وانسي
وعموما مدام المروحه بتطلع هواء سخن او بارد يبقا المروحه سليمه وفيوزها سليم
طيب امبارح حصل نفس الكلام و برضو اول ما اقفلت التكييف الحرارة رجعت طبيعي و المروحة شفتها شغالة تمام
ممكن يكون عيب فى المروحه نفسها شغاله بس ضعيفة مش بتبرد كويس ..وممكن يكون نقص مية فى الرداتير انسداد بسيط فبيظهر مع تحميل التكييف ... شيك على دورة التبريد بالكامل
الموضوع ده بيحصل معايا بالظبط
هاروح لعصام صفا يوم السبت ان شاء الله
نسيت أقولك تفك الرادياتير وتنضف السربنتينة بتاعت التكييف من ورا, يعني الهواء يكون من ناحية الموتور مش من ناحية وش العربية,, وطبعاً تبقي تزود الرادياتير تاني مية مقطرة أو بنفس اللون والنوع اللي كان فيها وتسحب الهواء,,
لأن المسافة اللي ما بين الرادياتير والسربنتينة صغيرة جداً وهتلاقي بلاوي كتير محشورة ما بينهم من أول التراب لحد قصاصيش ورق وريش وهري كتير كدا.
دا في حالة لو الموضوع دا بيحصل معاك بعد فترة من المشي مع فتح التكييف, وبيروح أول لما بتفصل التكييف والحرارة بترجع طبيعية.
وأبقي قولي عال فرق.