الموضوع: انا ندمان علي بيع النوبيرا:d

المشاركة الأصلية كتبت بواسطة MMamdouh

اللى بيشكك فى النوبيرا يجى يورينا نفسة مع النوبيرا دى... ولما يتقطع يحمد ربنا ان التربو متشال منها



مش كل واحد ضحك عليه التوكيل يكتب كلمتين هايفين على العربية و يعيط و يدبدب فى الارض زى العيال... لو كان راجل جدع كان خد حقة من اتخن تخين فى التوكيل... بس واضح انه مش جدع

و لو كانت العربية اى كلام لا كانت استحملت ال 2000 ولا استحملت التربو... العربية دى دليل حى على قوة النوبيرا

خلص الكلام

MMamdouh

ممدوح باشا هدي نفسك بس:):)

سيبك من الراجل نفسه و التوكيل

يعني ايه لو العربية دي اي كلام لا كانت استحملت ال 2000 ولا كانت استحملت التربو اي عربية ممكن يتسقط فيها 2000 سي سي وتتربن كمان ايه المشكلة في كده و الموتور ال 2000 طبعا بتعدله في العفشة و الفرامل عشان يتلائموا مع بعض
مش فاهم معني كلمة لو كانت اي كلام مكانتش استحملت ال 2000 ولا التربو!! زيها زي اي عربية معدلة عادي طب ما في عربيات اقدم و اصغر منها و محطوط فيهم 2000 لنفترض عربيتي مثلا كان معروض عليه واحدة زيها بس 2000 سي سي و عفشة سبور و اهي ابيزا 94 يعني قديمة و اد العلبة كمان ممكن تفهمني قصدك بالجملة دي

المشاركة الأصلية كتبت بواسطة mahamedaraby

طيب والله انا شفت عربيه اوبل كورسا هاتش باك موديل 95 تقريبا

ومسقطلها موتور 2000 سى سى

تخيل انت بقى !!!!

اى عربيه ممكن يتحط فيها اى موتور بس المهم الحوض والشياسه يستحملوا

اديك قلتها يا باشا و كورسا يعني حوضها اد كده!! و الشاسيه لو اتحمل عليه زيادة بيتحطلوا شدادات شاسيه عادي يبقي النوبيرا دي مش معجزة ولا حاجة عربية معدلة عادية جدا

المشاركة الأصلية كتبت بواسطة MMamdouh

هو الموضوع انك ترمى مكنة فى حوض و خلاص؟؟ ما نا ممكن احط اى مكنة فى حوض 127 بس هل هى حتستحمل؟؟
الحوض حيشيل المكنة؟
الشاسية حيستحمل العزم؟
الفتيس حيستحمل العزم؟
العفشة حستحمل الوزن الزيادة؟
الفرامل حتستحمل الجرى الزيادة؟

انا قصدى واضح... العربية لو هى مخلعة و كل حاجة فيها بايظة زى ما صاحبنا اللى بيعيط و كاتب على كل سنتى فى العربية انها بايظة مكانتش تستحمل كل العزم اللى بيطلعة الموتور ال2000 بالتربو و لا كانت استحملت الشد و الجرى اللى جريتة

انت بتقول ابيزا فيها 2000 و متعدل عفشتها و فراملها... طيب ايه رائيك ان النوبيرا ال2000 اللى بتنزل فى كل حتة فى الدنيا فيها نفس الفرامل و العفشة اللى فى العربية ال1600 يعنى التصميم الاساسى للعربية من ناحية العفشة و الفرامل يتحمل موتور اكبر بكتير من ال 1600... و لما نحطلة تربو و برضة نفس العفشة و الفرامل متشتكيش من القوة الزيادة يبقى اكيد قوة تحمل المكونات دى عالية

و يبقى اكيد اللى بيشتكى من العربية و الحاجات اللى بتبوظ فيها اما معندوش فكرة اصلا عن العربيات و ايه الصيانات المطلوبة ليها و ازاى يستعمل العربية بطريقة ادميه

و اما انضحك عليه فى التوكيل بكلمتين و معرفش ياخد حقة و قعد يعيط جنب العربية

انما نرمى المشكلة على العربية و نقول انها اى كلام فا دا مش منطقى لان العربية دى مالية شوارع مصر و مشوفناش حد بيشتكى منها بالمنظر دة و لا بيعيط و بيدبدب فى الارض كدة

ارجو ان الكلام فى الموضوع ميطولش عن كدة لان شكلة حيقلب زى حوار الجين 2 اللى حصل قبل كدة خصوصا ان الموضوع فاتحة واحد معهوش العربية اصلا و لا يعرف عنها حاجة و فاتحة بالنيابة عن واحد كانت معاه العربية و باعها من زمان و كان بيشتكى من حاجات عجيبة عمرى ما شوفت حد اشتكى منها فى اى عربية دايو

MMamdouh

برضه انا مش عارف انت متعصب ليه:):)
كلامك كله علي عيني و راسي بس انا عايز اسألك سؤال انت سقطت 2000 في نوبيرا 1600 و انت قلت ان العفشة زي ما هي عايز تفهمني انك حتي مغيرتش مساعدين و سوست!!

الابيزا اللي بقولك عليها مغيرش في اساسيات عفشتها بس غير مساعدين سبور و سوست سبور طبعا و عدل في الفرامل عربية 1300 سي سي اساسا مستحيل فرامل ال 1300 هتحجم ال 2000 سي سي ولا ايه

انا مبرميش المشكلة علي العربية انا كنت عايز اعرف الراجل ده كاتب كده ليه و ليا كلمة النوبيرا منتشرة و كل حاجة بس في ناس بتشتكي منها احنا نفسنا من 3 سنين كنا هنشتري نوبيرا سودا و صاحبها كان امين معانا جدااااااااااااا و قال لوالدي ارخم حاجة فيها الطنابير و المقصات اللي بتتدغدغ مع شوارع مصر

للعلم انا جربت النوبيرا و عارفها كويس:):) و لو مش عايز تكلم براحتك بس احنا هنا في منتدي سيارات يعني كل اللي عنده تعليق علي عربية يقدر يكلم و يقول براحته