دايما سعر النت اغلي بكتير من بره .. ليه ؟

السلام عليكم
-------------
انا لاحظت ان دايما سعر النت اغلي من بره بفرق كبير ممكن يوصل ل 5000 جنيه
يعني مثلا علي النت العربيه الكريستالة حاله نطيفة بتعملها 50000 وبره فيه عربيات كويسه جدا وبتبقي ب 45000 او اقل كمان ..
للاسف الموضوع ده بيقفل باب التعاملات رغم انها بتبقي ممتازة لانها بعيده عن السمسره وعن التجار
وللاسف انا لقيت ده كمان هنا في المنتدى
الناس بتعرض عربيات باسعار خياليه وكأنهم جايبيين العربيه لو اتباعت ماشي ولو متباعتش اهى موجوده مش هتخسر !!
مش حاسس ان اللى بيبيع بيقول الرقم اللى هو عايزة فعلا
وياريت يكون فيه مشرف او اكتر مسئول عن القسم بيسعر العربيه ويكون كل المواضييع مزوده بالصور والتفاصيل اكتر .. عشان منلجأش للتجار بره
شكرا

الفصال

كلو بيفاصل ده غير الواحد بيبقي زهقان يقوم عارض عربيتو وهو مش عايز يبعها
فعادي يعني

اقتباس:

---

المشاركة الأصلية كتبت بواسطة saforyaa

كلو بيفاصل ده غير الواحد بيبقي زهقان يقوم عارض عربيتو وهو مش عايز يبعها
فعادي يعني

---

مهو ده اللى انا عايز اقوله
الناس تحولت لتجار وهما مش حاسيين
المفروض ان الواحد وهو بيبع عربيته يكون عنده ضمير ويقيمها صح ويقول كلمه واحده ولا يتنازل عن السعر
لكن انا كنت هاشتري ويرا وفي التليفون الراجل قالي نهائي 40 الف وهو كاتب 43 الف من غير ما اروح واشوفها اصلا
معني كده ان كل خطوة انا هاعملها هو ممكن ينزل الفين تلاته اومال لما يشوف الفلوس ؟؟
للاسف الواحد بقي محتار جدا وحاسس انه بيتعامل مع تجار رغم انهم اصحاب عربيات بالعكس دول بقوا اشطر منهم كمان ..
ادعولي ربنا يوقفلي واحد ابن حلال مبيغشش ويكون عنده ضمير

صديقي المواطن
دلوأتي بقت عادة عند الشعب المصري ولو شلت تلفون على واحد بيبيع وقال لك كلام نهائي لا إراديا حتزعل منو وتقفل التلفون في وشو وتقول اﻹنسان ده لا يقدر رغم إنو حقه ولكن خلاص تعودنا لازم تسمع سعرين ونتعايش ودمتم للنضال

انت زعلان علشان السعر
انال بقى لما تشوف عربيه وتعجبك وتجى تتصل تلاقى التلفون مقفول على طوول
او ميردش عليك
او تتفقوا وبعد كدا ميردش عليك
او يقعد يعمل حورات
او يقول كلام وتروح مشوار تقعد فيه 5 ساعات وتروح تلاقى العربيه فيها كلام تانى خالص
او ناس بتستهبل تحط رقم تليفون ناس تانيه ودى كتير :uuuup:
او تيجى تكلم واحد يكلمك بقرف ((هو انا بشحت منك يابن التيييييييت ))
وفى الاخر هو ده الشعب المصرى ولازم تتعامل مع انك مصرى :satelite::satelite:

الفصال بقي ثقافة عامة علاشان كدة بيحط تمن اغلي بكتير من التمن الاصلي

اقتباس:

---

المشاركة الأصلية كتبت بواسطة mohammedabdallh

وفى الاخر هو ده الشعب المصرى ولازم تتعامل مع انك مصرى :satelite::satelite:

---

هو ده الكلام

هو موضوع البيع عندنا بيبقي له دوره حياه : يعني بيبدأ بفكره البيع و ساعتها بيتم وضع سعر مبدأي اكتر زياده من سعر العربيه لعل و عسي يلاقي مشتري بالسعر ده خاصه و ان كانت العربيه حالتها نادره و تستأهل و من الموديلات المطلوبه في السوق او حتي لو كانت عاديه او فيها مشاكل برضه صاحبها بيبقي عايز يبيعها بأعلي سعر يمكن يلاقي حد يدبس فيها او مبيفهمش قوي في العربيات.

المرحله التانيه : تأتي بعد عدم نجاح المرحله الأولي و عده تليفونات و معاينات للعربيه و إجماع المشترين علي ان الرقم ده بعيد قوي عن تمنها فبيبدأ ساعتها صاحب العربيه يتنبه الي رينج سعرها الحقيقي و حسب احتياجه للفلوس اللي بيتوقف علي سبب البيع يشوف هيتصرف أزاي يعني هينزل السعر او هيلغي او يؤجل فكره البيع علشان ما يخسرش جامد

الخلاصه ان السعر اللي حضرتك بتشوفه زياده ده بيبقي بتاع المرحله الأولي و اذا العربيه اتباعت به احيانا الإعلان بتلاقيه لسه موجود فصاحب العربيه بيكسل يرد علي التليفونات او بيسافر مثلا فبيقفل التليفون. و تستنتج من كده انها اتباعت و إلا هتلاقيها معروضه في كل حته و سعرها كل شويه عمال ينزل نتيجه لعدم الاقبال عليها بسبب السعر او الحاله الفعليه

الفكرة ان اللي بيشتري من النت بيبقى معتقد ان السعر هيكون أرخص من التجار .. لكن على العكس اللي بيبيع على النت خاصة لو العربية حالتها كويسة بيبقى أغلى .. لان التجار بيقللوا سعر العربية جدا عشان يطلعوا بأكبر مكسب ساعة البيع ...واكتر العربيات المعروضة على مواقع البيع زي كونتاكت كار تجار اللي بيعرضوها وبيقللوا السعر عشان لما حضرتك تيجي تبيع يقوللك ادخل على النت وشوف الأسعار ... لكن لما تيجي تشتري منه هتشوف كلام تاني خالص ... وبالتالي صاحب العربية يلجأ لعرضها على النت بحثا عن من يقدر حالة العربية ويديها حقها ....
اقولك مثال ... تاجر اشترى من واحد قريبي عربية كرولا ب 120 الف وكان مستعجل شويتين في بيعها... وبعد مليون حلفان ان ده سعرها وانه كده مش هيكسب فيها حاجة لما يبيعها ... وبالعافية زود كمان الفين ... وبعد كده قريبي اكتشف بالصدفة البحتة وعن طريقي"انا شفت العقد بالصدفة" ان التاجر باعها ب 134 الف وبعدها بكام يوم ... يعني التاجر لقى واحد عارف قيمة العربية لانها كانت اعلى فئة وعاملة اقل من 30 الف كم ...
وانا دلوقت عارض عربيتي للبيع ... ولما جيت احدد السعر روحت لكذا تاجر وعرفت هايخدوها مني بكام وذودت على السعر ده مبلغ معقول بحيث اقتسم المكسب اللي كان هايخده التاجر بيني وبين الشاري ... وبالتالي لما حد هيشتري مني لا يمكن هانزل عن سعر معين لاني بكده هكون خسران ...

اعتقد ان البيع والشراء يحتاج الى صبر ... وفيه ناس وانا منهم مبحبش ابخس الناس قيمة حاجتها ... يعني لو حد بيبيع حاجة والسعر مش مناسبني بتفاوض معاه لكن مش لدرجة اني اشتري وهو كاره البيعة ... وأغلب الناس اللي بتحاول تضغط على الناس في سعر الحاجة بيروحوا للتاجر ويدفعوا المبلغ اللي بيطلبه وهم راضيين رغم انهم بيبقوا شاكين في العربية ...

وأخيرا المقياس هو حالة العربية .. لوحالتها ممتازة تستاهل يبقى فرق الفلوس هيهون ساعتها لأن العربية مش هتحتاج مصاريف ... ولو الحالة مش قد كده يبقى حرام كل مليم هيتحط فيها ولو ببلاش ... لأن اعطالها بتكون متسلسلة .. عطل يؤدي الى عطل وبالوعة مصاريف لا نهاية لها ... واللي اتوفر في السعر ساعة الشراء اتصرف اضعافة ساعة في التصليحات.

اصلا الفصال مضر بالصحة بس تعمل ايه بقى سمة 2ك خيار تشتريهم لاااااااااااازم تفاصل فيهم
لو معملتش كدة تحس انك اتضحك عليك ومش ودك
ولو البايع مزودلوش شويتين تلاتة ورجع تانى ينزلهم مش حيبقى راضى ولا مستكنيف مالبيعة !

النت مليان تجار وسماسره .......العربيه اللى سعرها محطوط صح على النت ........مبتكملش .....خمس دقايق ........وتلاقى الاعلان طار

( فيه حالات زى اللى يبقى حاطط سعر قليل موش طبيعى .....دى غالبا ممكن تكون نمره واحده ست ومعمول فيها مقلب ...او يقوللك ارسل ايميل ...ده بيبقى بيتسهبل رسمى لانه موش هيرد طبعا .....او نمره غير موجوده بالخدمه ....وده غالبا ...تجار بيضربوا فى بعض بالاسعار )

كان زمان النت ده معمول علشان يوفر الاستغلال بتاع السماسره والتجار
انما دلوقتى ....اللى بيحط عربيته على النت بيبقى موش محتاج يبيع ....ده بيرمى حته .....جابت كان بها مجابتش اهى شغاله وبيركبها كل يوم .....بس هوه ميعرفش انه معدش فيه ناس هبله اليومين دول وكله ...بيسال السماسره والتجار وعارف السعر الحقيقى

هوه جشع الناس ...اللى ضرب سعر النت فى الارض ومعدش له قيه ....واللى يقولك بص على سعرها على النت ...قوله ......قديمه العب غيرها

وبدل ماكان النت بيخدم الناس ....السماسره والتجار ....وقعوا الناس فى شر اعمالهم ....

التاجر قاعد على النت ليل نهار ......ومعاه الفلوس جاهزه ( لعبته بقى وعارف ماشيه ازاى ) اول ما بيلاقى حاجه حلوه بيخص وقتى .....زى سوق العاشر بالظبط ......اصبح النت امتداد لسوق العاشر ......والتجار كلهم عارفين ان زى ما فيه مكسب فى سوق العاشر فيه مكسب على النت ...
واحد صاحبى بيقوللى ....كان فيه اعلان تيدا على النت بالصدفه شافه اتحط 2 باليل ....هوه قالك طبعا انا عمرى ماهتصل على الراجل الا الصبح ....الصبح بيتصل ...قاله اتباعت ....لتاجر وش

انا كان واحد بيقوللى فيه واحد بيبع نوبيرا 97 ....على 31 الف .....والتاجر خدها وباعها تانى يوم على 37 الف ...طبعا انت ممكن تدخل على النت دلوقتى .....تلاقى فيه واحد طالب فيها 60 الف ...وكااااااااااااااااتب نهاااااااااااااااااائ ......تهريج طبعا .....( نظريه الهبل و الفصال )

انا كنت وصلت لمرحله انه كنت فاكر انه سعرها بين 35 و 40 .....بس لما تيجى تشترى على الطبيعه وتسمع 31 و 33 و34 ................وتقول كل دى عربيات اتباعت فبريكه جوه ........تقول ايه الهبل اللى انا كنت هعمله ده


الصبر حلو مفيش كلام ......والمستعجل هيلبس تمااااااااااااااااااام

المشكله انه هنا فى المنتدى ....بقى فيه استهبال برضه ....واحد يخش باحترام ويقول برجاء مراجعه السعر .......التانى .....يقولك هوه ده سعرها ياباشا .....حتى لو مش عربيته ...قال يعنى علشان لما يجى يبيع عربيته اللى هيا زيها .....يبقوا وقفوا جنب بعض .............استهبال برضه

اللى متابع النت .....تلاقى نفس العربيات هيا هيا بقالها شهرين وثلاته واكتر كمان .....على كل الموواااااااااااااااقع .....وبرضه موش هتتباع ....والتاجر بيزن عليه وفى الاخر ياخدها منه برخص التراب ...ويبعها تانى يوم باعلى سعر...........

انت اعمل اللى عليك .....وقدر سعر العربيه مظبوط .....واوعى تستهبل وتقول سعرها عالى عالى موش مشكله ....اصلى مستعجل .....لانك لما هتيجى تبيع يا معلم ....هتلبس فى الحيطه وهتخسر كتيييييييييييييييير فى جاحه ماتستاهلش

بص هقول لحضرتك حاجه حط نفسك مكان اللي بيبيع هو بيبقي عارف سعرها كام واقعيا وبيزود عليها الفين تلاته اربعه علشان عارف انه لازم هيبقي فيه فصال.. .......اسعار النت غريبه جدا. .......علشان كده لما بلتقي حاجه عاجباني فيه هنا خبير تسعبر في المنتديات محترم وخبير فعلا بساله هنا او علي صفحته علي الفيس وهو بيسعرها بدقه ماشاء الله وبالتالي ببقي مطمن ومرتاح نفسيا وانا بتكلم مع البائع

يا ريت تكون العربيه غاليه 5000 جنيه وتروح تلاقى عربيه محترمه !!! سعر العربيه عمره ما كان مقياس .. الواحد بيبقى مستعد يشترى غالى بس تكون العربيه حاله ... لكن للاسف فى ناس عربياتهم بتبقى مغتصبه ويحط سعر عربيه فابريكا !!!!

مش مهم تكون العربيه غاليه المهم تكون سليمه :)

للأسف الشديد وبقولها بمنتهى الضيق ان دى طبيعة المصريين: الملاوعة واللف والدوران. المصرى مش دوغرى بطبعه فى كل انواع التعاملات وعلشان كدة المصرى مكروه فى الشعوب التانية واللى سافر عارف كدة كويس. مش كل المصريين كدة لكن أغلب المصريين كدة واللى دوغرى بيبقى حاسس انه غريب وعجيب ومشروع زبون يتضحك عليه فى كل الأوقات وبيتعب مع الناس. للأسف :(

بعد التحيه ...

السبب ان اغلب المعروض على النت اصحبها ليس عندهم النيه الفعليه للبيع لذلك بيحطوا ارقام اعلى يتمنوه لعل و عسى !!! بيع غناوه يعنى بالمفهوم القديم لما كانت العربيه البيجو فى اواخر السبعينات 304 مستورده بجماركها ب 3500جم !!! و بعد 10 سنوات صاحبها بيعها ب 6/7 الاف ...

طبعا كلهم بيتصدمو على ارض الواقع لان الموضوع مش سهل اوى كما يتخيلون ... لان الناس مش لاقيا فلوسها ...

ايضا من الملاحظ و العجيب انهم بيقارنو بالزيرو مع ان الشكل خلاص اتغير ... و اكبر مثال الفانتازيا 2012/2013 الكسر بيطلبوا بال 190/200 مع ان الزيرو ال a7 ب 223 و عربيه تانيه خالص و ضمان و ممكن تسهيلات .... الخ ..
كذلك الكورولا 2012/2013 الكسر بيطلبوا 160 مع ان الزيرو الجديده تبدأ من 175 !!!!

الى بيبيع فعلا لازم يرضى و يقتنع بوضع السوق ...

تحياتى ...

اقتباس:

---

المشاركة الأصلية كتبت بواسطة bashat1980

يا ريت تكون العربيه غاليه 5000 جنيه وتروح تلاقى عربيه محترمه !!! سعر العربيه عمره ما كان مقياس .. الواحد بيبقى مستعد يشترى غالى بس تكون العربيه حاله ... لكن للاسف فى ناس عربياتهم بتبقى مغتصبه ويحط سعر عربيه فابريكا !!!!

مش مهم تكون العربيه غاليه المهم تكون سليمه :)

---

+++111
اوافقك وجه نظرك ...
و ياريت تكون الزياده فقط 5 الاف على حاله ممتازه ....
دى اصغر اسبرانزا 113 بيزودا فيها بال 7 الاف !!!
تحياتى ..ز

طب انا مبتديء ياجماعه ونفسى اجيب ابيزا 94 لان شكلها عجبنى اوى احسن من مازدا 323 او 31 والفر ق فى السعر مش كبير

اية رايكم فيها واهم حاجه لانى مش عارف بجد هى سعرها كاااااااااااااااااااام لو حاله نظيفه لانى بلاقى عربية فى ال 32 وبلاقى فى ال 26 فمش فاهم ..ممكن نصيحه

للاسف السوق بتاعنا ده ملوش مقياس الناس تشتري وتغرق بعد ما تشتري ولما تيجي تبيع عاوز يحط كل تعريفة صرفها والبنزين والصيانة ده بالاضافة للي هواصلا اتضحك عليه في ثمن العربية عند شراؤها بتاع 5000 جنيهزياده ويعقد يحلف انه كده خسران
وتعقد تقولو عاوزة عمرة عاوزة عغشة عاوزة شغل يقولك انا كده خسران وعاوز يبيع بفرق 5 او 6 الاف زياده
وللاسف دي طبيعة بقت عندنا الفهلوة كلو بيدور على الزبون

اقتباس:

---

المشاركة الأصلية كتبت بواسطة Mohamed_Hamid

للأسف الشديد وبقولها بمنتهى الضيق ان دى طبيعة المصريين: الملاوعة واللف والدوران. المصرى مش دوغرى بطبعه فى كل انواع التعاملات وعلشان كدة المصرى مكروه فى الشعوب التانية واللى سافر عارف كدة كويس. مش كل المصريين كدة لكن أغلب المصريين كدة واللى دوغرى بيبقى حاسس انه غريب وعجيب ومشروع زبون يتضحك عليه فى كل الأوقات وبيتعب مع الناس. للأسف :(

---

كلامك اصلي....الواحد تعب انا بقالي شهرين بدور وجبت جاز وحاسس اني هشتري بالغالي وخلاص

التجار قاعدين طول النهار فاتحين كل المواقع واي عربية بتنزل بتتباع في لحظة....الواحد ولا عارف يشتري بسببهم وعايز يشتري منهم...نروح فين!!!
لسة كان في فرنا 2010 ب42000 الاعلان بقالة 10 ساعات من بليل للصبح كلمت الراجل الصبح عل الظهر كده قالي اتباعت من نص ساعة...احنا بقي المفروض نعمل اية ناخد الفلوس في جيبنا ونقف في الشارع ومعانا الابتوب ونقعد نعمل رفريش :argue1:

اقتباس:

---

المشاركة الأصلية كتبت بواسطة uniform

كلامك اصلي....الواحد تعب انا بقالي شهرين بدور وجبت جاز وحاسس اني هشتري بالغالي وخلاص

التجار قاعدين طول النهار فاتحين كل المواقع واي عربية بتنزل بتتباع في لحظة....الواحد ولا عارف يشتري بسببهم وعايز يشتري منهم...نروح فين!!!
لسة كان في فرنا 2010 ب42000 الاعلان بقالة 10 ساعات من بليل للصبح كلمت الراجل الصبح عل الظهر كده قالي اتباعت من نص ساعة...احنا بقي المفروض نعمل اية ناخد الفلوس في جيبنا ونقف في الشارع ومعانا الابتوب ونقعد نعمل رفريش :argue1:

---

بالنسبة لموضوع التجار كان فى عربية معروضة للبيع بـ 38,500 , كلمت الراجل لقيته مش بيرد
قولت اكلمه تانى يوم الصبح بردو الرقم يا مشغول يا مش بيرد
بعدها بيومين لقيت نفس العربية بنفس الصور شخص آخر عارضها بـ 55,000 وبعدها بيومين قلل السعر لـ 48,500

بس انا عندى مبدأ , عمرى ما أشترى من تاجر

اقتباس:

---

المشاركة الأصلية كتبت بواسطة asbeats

الفكرة ان اللي بيشتري من النت بيبقى معتقد ان السعر هيكون أرخص من التجار .. لكن على العكس اللي بيبيع على النت خاصة لو العربية حالتها كويسة بيبقى أغلى .. لان التجار بيقللوا سعر العربية جدا عشان يطلعوا بأكبر مكسب ساعة البيع ...واكتر العربيات المعروضة على مواقع البيع زي كونتاكت كار تجار اللي بيعرضوها وبيقللوا السعر عشان لما حضرتك تيجي تبيع يقوللك ادخل على النت وشوف الأسعار ... لكن لما تيجي تشتري منه هتشوف كلام تاني خالص ... وبالتالي صاحب العربية يلجأ لعرضها على النت بحثا عن من يقدر حالة العربية ويديها حقها ....
اقولك مثال ... تاجر اشترى من واحد قريبي عربية كرولا ب 120 الف وكان مستعجل شويتين في بيعها... وبعد مليون حلفان ان ده سعرها وانه كده مش هيكسب فيها حاجة لما يبيعها ... وبالعافية زود كمان الفين ... وبعد كده قريبي اكتشف بالصدفة البحتة وعن طريقي"انا شفت العقد بالصدفة" ان التاجر باعها ب 134 الف وبعدها بكام يوم ... يعني التاجر لقى واحد عارف قيمة العربية لانها كانت اعلى فئة وعاملة اقل من 30 الف كم ...
وانا دلوقت عارض عربيتي للبيع ... ولما جيت احدد السعر روحت لكذا تاجر وعرفت هايخدوها مني بكام وذودت على السعر ده مبلغ معقول بحيث اقتسم المكسب اللي كان هايخده التاجر بيني وبين الشاري ... وبالتالي لما حد هيشتري مني لا يمكن هانزل عن سعر معين لاني بكده هكون خسران ...

اعتقد ان البيع والشراء يحتاج الى صبر ... وفيه ناس وانا منهم مبحبش ابخس الناس قيمة حاجتها ... يعني لو حد بيبيع حاجة والسعر مش مناسبني بتفاوض معاه لكن مش لدرجة اني اشتري وهو كاره البيعة ... وأغلب الناس اللي بتحاول تضغط على الناس في سعر الحاجة بيروحوا للتاجر ويدفعوا المبلغ اللي بيطلبه وهم راضيين رغم انهم بيبقوا شاكين في العربية ...

وأخيرا المقياس هو حالة العربية .. لوحالتها ممتازة تستاهل يبقى فرق الفلوس هيهون ساعتها لأن العربية مش هتحتاج مصاريف ... ولو الحالة مش قد كده يبقى حرام كل مليم هيتحط فيها ولو ببلاش ... لأن اعطالها بتكون متسلسلة .. عطل يؤدي الى عطل وبالوعة مصاريف لا نهاية لها ... واللي اتوفر في السعر ساعة الشراء اتصرف اضعافة ساعة في التصليحات.

---

كلام سليم جدا احييك عليه....

واحد تاني عل كونتاكت الاعلان فات علية 9 دقائق....كلمت الواد قالي اتباعت..حد يفهمني ازاي؟!؟؟
انا اتخنفت من التجار

اقتباس:

---

المشاركة الأصلية كتبت بواسطة uniform

واحد تاني عل كونتاكت الاعلان فات علية 9 دقائق....كلمت الواد قالي اتباعت..حد يفهمني ازاي؟!؟؟
انا اتخنفت من التجار

---

كل ده شغل تجارى .. ال يعنى السوق ماشى و الحاله فل !!! لكن الحقيقه ان سوق السيارات سواء زيرو او مستعمل به شلل تام ...
و الدليل ان كيا عامله خصومات من شهر حتى اليوم تبدء من 6 الاف للسيراتو و 10 الاف للكارينز بعد ما كان فيه حجز 4/6 شهور و اوفر برايس للزيرو !!!
كل العربيات فى المعارض استعمال بتقعد بالشهر و الشهرين مركونه بسبب المبالغه الشديده فى الاسعار ... و اغلب معارض القاهره و الاسكندريه المشهوره بيبدلوا العربيات بينهم ال يعنى بيبيعوا ... و اغلب المعارض الان بتقسط و طبعا ده افضل لهم من البيع الكاش ...
لكن تاكد تماما ان حاله العربيه الممتازه و السعر العقلانى و المعقول هما الى بيخلوا البيعه تتم بسرعه ... غير كده بيبقى حالات فرديه ...
تحياتى ...

فيه ناس بتحط اعلانات وهمية علشان تليفوناتها تفضل ترن علشان يعمل مهم ادام ناس معينة او ادام بنات
دى حقيقة مش بهزر

اقتباس:

---

المشاركة الأصلية كتبت بواسطة saddam

صديقي المواطن
دلوأتي بقت عادة عند الشعب المصري ولو شلت تلفون على واحد بيبيع وقال لك كلام نهائي لا إراديا حتزعل منو وتقفل التلفون في وشو وتقول اﻹنسان ده لا يقدر رغم إنو حقه ولكن خلاص تعودنا لازم تسمع سعرين ونتعايش ودمتم للنضال

---

فعلا كلام مضبوط انا كنت بييع عربيتي وطلبت رقم لاني مبحبش الفصال كل الي يتصل يقولي انت خلاص كلمتك واحده (كانه عيب ) وتعبت علي مبعتها

اقتباس:

---

المشاركة الأصلية كتبت بواسطة uniform

كلامك اصلي....الواحد تعب انا بقالي شهرين بدور وجبت جاز وحاسس اني هشتري بالغالي وخلاص

التجار قاعدين طول النهار فاتحين كل المواقع واي عربية بتنزل بتتباع في لحظة....الواحد ولا عارف يشتري بسببهم وعايز يشتري منهم...نروح فين!!!
لسة كان في فرنا 2010 ب42000 الاعلان بقالة 10 ساعات من بليل للصبح كلمت الراجل الصبح عل الظهر كده قالي اتباعت من نص ساعة...احنا بقي المفروض نعمل اية ناخد الفلوس في جيبنا ونقف في الشارع ومعانا الابتوب ونقعد نعمل رفريش :argue1:

---

مع احترامي لحضرتك انت عاوز فيرنا 2010 ب 42000 ازاي وعاوزها اكيد سليمه مش كده ( المعرض هلبسها لحد علي انها سليمه ) وانت احمد ربنا انك ماخدتهاش

اقتباس:

---

المشاركة الأصلية كتبت بواسطة uniform

كلامك اصلي....الواحد تعب انا بقالي شهرين بدور وجبت جاز وحاسس اني هشتري بالغالي وخلاص

التجار قاعدين طول النهار فاتحين كل المواقع واي عربية بتنزل بتتباع في لحظة....الواحد ولا عارف يشتري بسببهم وعايز يشتري منهم...نروح فين!!!
لسة كان في فرنا 2010 ب42000 الاعلان بقالة 10 ساعات من بليل للصبح كلمت الراجل الصبح عل الظهر كده قالي اتباعت من نص ساعة...احنا بقي المفروض نعمل اية ناخد الفلوس في جيبنا ونقف في الشارع ومعانا الابتوب ونقعد نعمل رفريش :argue1:

---

انا اشتريت لانوس من صاحبي 2008 ماشيه 60000 استخدام من الزيرو فابريكه بره وجوه كامله مانوال ب 50000 واغلب الاعضاء الي علقوا قالوا انها فرصه حقيقيه تبقي ازاي فرنا 2008 ب42000 وتكون سليمه ليه صاحبها بيرميها ولا ده سعرها الطبيعي وانا اضحك علي

اقتباس:

---

المشاركة الأصلية كتبت بواسطة alpoka779

انا اشتريت لانوس من صاحبي 2008 ماشيه 60000 استخدام من الزيرو فابريكه بره وجوه كامله مانوال ب 50000 واغلب الاعضاء الي علقوا قالوا انها فرصه حقيقيه تبقي ازاي فرنا 2008 ب42000 وتكون سليمه ليه صاحبها بيرميها ولا ده سعرها الطبيعي وانا اضحك علي

---

صدقني ماعارف....مفيش اي معايير منطقية تعرف بيها الصح من الغلط.....بس انا رائيي ان وده مجرد راي ان مثلا عربية زي الفرنا دي سعرها الطبيعي يكون في حدود ال 50 بالكتير وتكون حالتها نضيفة....بس السوق لية راي تاني وبنسمع ارقام اعلي من كده.....وعلي فكرة صاحب الفرنا ده لما قالي اتباعت سالتة فقال اتباعت علي 45 وده طبعا لان واقف قدامة كذا واحد وكلة عايز يشيل....
بس الحقيقة احيانا بتكون فرص حقيقية لناس بتبيع للاحتياج السريع للفلوس وبينزلوا السعر جامد للانجاز

فعلا للاسف
باتصل على واحد عارض عربيته ليجانزا على موقع نت
باقوله العربيه موجوده لسه قالى ايوه قولتله المعاينه فين
قالى لا دا أنا مش بابيع انا كنت عارضها اشوفها هاتجيب كام
كنت ههزقه والله
وواحد تانى حاطط صوره عربيه وكاتب مواصفاتها
واتصل عليها يقولى لا العربيه بمواصفات تانيه نهائيا لدرجه انها نوع غير النوووووع ههههههههههههههههههههههههه ههههههههههههههههه
سبحان الله