ايهما افضل فى وجهة نظرك من حيث كل شيئ ؟
هيونداى سوناتا
تويوتا كورولا الجديدة
فولكس جيتا
و اخترت التلاتة دول لتقاربهم فى السعر
عرض للطباعة
ايهما افضل فى وجهة نظرك من حيث كل شيئ ؟
هيونداى سوناتا
تويوتا كورولا الجديدة
فولكس جيتا
و اخترت التلاتة دول لتقاربهم فى السعر
مبدئيا الكورلا حطلعها بره المقارنة
نيجي للسوناتا والجيتا أعتقد الجيتا أحسن من السوناتا لأنها ألماني ولو إن شكلها الخارجي زبالة مقانة بالسوناتا
ياريت اللى يختار يقول الاسباب
ســــــــــــونــــاتــــ ـا
شكل جميل
سعر معقول
جودة معقولة جدا جدا وواخدة جوايز برة مصر
عربية فخمة
و امانها عالي
-------------------------
و شكرا يا باشمهندس على الموضوع :punk: :punk:
السوناتا أكيد
فئة أعلى كتير من الاتنين بنفس السعر أو يمكن أرخص من الجيتا
فخامة
ثبات
أوسع بكتير
أمان
موتور قوي
أساسا تقارن بالكامري و الباسات على الأقل
برضه بعد تجنيب الكوكو لوحدها
الجيتا و السوناتا
الموتور : سوناتا طبعا
الرحابة : سوناتا طبعا
السعر مقابل القيمة: سوناتا برضه
استهلاك الوقود: جيتا
الحجم الخارجي : جيتا لأنها أصغر السوناتا مركبة بصراحة
الثبات : ماجربتش السوناتا في الجري بس الجيتا كويسة قوي و أسمع ان السوناتا كويسة قوي برضه
التوكيل : أعتقد غبور السوناتا غير غبور الفيرنا و الله أعلم
الشكل الخارجي : التنين حلوين بس السوناتا شيك و هاديه
انا بالنسبة ليا السوناتا أقوى يعيبها فقط بالنسبة ليا نقطتين (الحجم الخارجي-استهلاك الوقود)
terkab almany wala kory ?!
لا دى كورى ولا دى المانى ولا دى يابانى
دى كورى تجميع مصرى
ودى المانى تجميع مكسيكى
ودى يابانى تجميع جنوب أفريقى
انا شخصيآ لا أدفع 150 الف فى عربيه جمعها مصريين (باتعجب من اللى بيشتروا البى ام والمرسيدس)..
ٍرائى المتواضع ..ولا واحده!..... انا أجيب اوكتافيا
اما لو لازم واحده من التلاته دول.. تبقى الجيتا.. الكورولا غاليه قوى !!
طيب فين السيفيك من المقارنة دي ؟؟؟؟؟؟؟؟؟؟؟؟ انا بستعجب ليه مش حاططها معاهم
بس للعربيات اللي انت عارضها --- الجيتا تكسب
بصراحة حفكر جدا جدا جدا فى السوناتا
فئة اعلى
موتور اقوى
اوسع
كل حاجة احسن بصراحة
لا لا
اسمحلي
الأوكتافيا سيارة لها كل الإحترام طبعا و لكن للأغراض العسكرية
العربية دبابة بجد عالية و صاجها قوي و عضمها ناشف و بتشنير اي عربية بصراحة لو خبطتها
بس في المقابل تقيلة و ناشفة و بتقطم وسطي في السفر
الجيتا أنعم منها شويتين تلاته و السوناتا ناعمة قوي (عن تجربة اصحابها)
اما بخصوص اننا ماندفعش 150 الف في سيارة جمعها مصريين ...
احب اقوللك اننا بندفع 70 الف في توكتوك بيجمعه مصريين و فيه تكييف و باور
اظن معروفه
طيب بُص يا باشا على الصورة دي
و أقرأ الكلام اللي فيها و قولي رأيك أيه ؟؟؟؟
ده كمان مش ثلاثة سنوات
72 شهر ......... يعني 6 سنوات متصلة أفضل سيارة متجمعة في مصانع أوبل ( جنرال موتورز ) حول العالم
الكلام ده من موقع جي إم العالمي
http://i36.tinypic.com/2uj5xfp.jpg
مع احترامى لحضرتك ايه تجربتك فى التجميع المصرىاقتباس:
لا دى كورى ولا دى المانى ولا دى يابانى
دى كورى تجميع مصرى
ودى المانى تجميع مكسيكى
ودى يابانى تجميع جنوب أفريقى
انا شخصيآ لا أدفع 150 الف فى عربيه جمعها مصريين (باتعجب من اللى بيشتروا البى ام والمرسيدس)..
ٍرائى المتواضع ..ولا واحده!..... انا أجيب اوكتافيا
اما لو لازم واحده من التلاته دول.. تبقى الجيتا.. الكورولا غاليه قوى !!
هل مثلا اشتريت مرسيدس s500 وطلع عيب فى الباور ولا حاجه مثلا على اساس انها تجميع مصرى
هل اشتريت bmw تجميع مصرى ولقيت الكاسيت بايظ ولا حاجه
كلامك ده على اساس ايه مش عارف
مش عارف ليه الناس بتهاجم وخلاص التجميع المصرى
مع ان لسه فى موضوع عن سوبارو ماليانه عيوب تصنيع والناس عماله تاخد العذر وتقول كل الشركات بتطلع تحت ايدها عيوب تصنيع وكده
لكن مثلا لقدر الله انها تجميع مصرى كنت لقيت كل دخل ويقول شفتوا التجميع شفتوا اخر اللى يدفع فلوسه فى التجميع المصرى
معلش نرجع تانى للموضوع راى ان افضل عربيه بينهم الجيتا
عربيه محترمه وبحب شكلها وبدفع فلوس واخد قدمها قيمه
سوناتا أكيد...
أعلى فخامة و أكبر مساحة وأكبر و أقوى محرك (قد تكون نقطة سلبية علشان الرخصة و البنزين).
هي أصلاً فئة أعلى من ناحية التصنيف (Midsize و ليس Compact) و أعتقد كمان من ناحية الفخامة و الكماليات.
رأيي الكورولا (بس الياباني - مش الجنوب أفريقي)
السوناتا يعيبها أنها 2000cc و ده غير استهلاك البنزين العالي كمان داخل في شريحة ضريبة عالية يعني الRunning Costs هتكون كتيرة أوي
الجيتا عربية جميلة ولا اعتراض الا على توكيلها فقط
التويوتا عمر طويل و اعتمادية و توكيل و انتشار
تمام يا جميل .. يعنى التقفيل المصرى مش وحش و لا حاجة زى ما معظم الناس فى المنتدى بتقول
عيب على اى حد يبقى مصري و يقعد يعيب على بلده و يقلل من شأنها مش عاجباك مصر سافر و ابعد عنها و ابقى اشتمها فى الغربة
تانى حاجة و الله و الله انا خالى كان معاه تويوتا كامرى باعها و اشترى سوناتا و العربية بقالها معاه دلوقتى 3 سنين عمره ما اشتكى منها فى حاجة صعبان عليه يغيرها و يجيب حاجة احدث لانه مش شايف فيها اى عيب
حكاية انها 2000 سي سي ديه تحسبلها مش تحسب عليها معنى كده انها عربية دبابة موتورها جبار و كمان شكلها احسن الموجودين
الجيتا انا بحبها اوى برده بس مش بحب شكلها من قدام و تويوتا كورولا مستحيل اشتريها لان سعرها غالى عليها و فيها مشاكل كتيرة
يبقى بالنسبة لى سوناتا تكسب خصوصا ان فى تقرير ال jd power سوناتا خلت هيونداى تتقدم فى المراكز مش اقل من خمس مراكز او اكتر مش فاكر بالظبط
و مفيش حاجة اسمها كورى و يابانى بقى زى ما قولنا ميت مرة قبل كده .. طالما العربية مناسباك و فيها كل حاجة ما تدورش هى مصنوعة فين و متفكرش من قبل ما تشتريها هتبيعها بكام بعد كده
رمضان كريم
م/ ايهاب نصار
ماشى يا جماعه
انا غلطان والتجميع المصرى ممتاز
ممكن بس واحد يقوللى فيه كام سوناتا فى الشوارع؟؟
العربيه بقالها ييجى سنتين نازله ولا اراها الا كل كام يوم مره.. مع العلم انى باعمل 100 كم فى اليوم على الطرق
السلام عليكم يا أستاذ نايل هارت
هو حضرتك مش غلطان ........ بس أنت عممت و لذلك وجب التوضيح
و شكرا لحسن الحوار و هذا أولا
ثانيا يا باشا موضوع الإنتشار مش دليل على شئ قوي
خصوصا إن العربية تجميع غبور يعني تجميع مصري يعني أكيد هايوفر قطع غيارها
و برضه الجيتا مش منتشرة قوي !!!!
و متنساش إن السوناتا .......... 2000 سي سي
على فكرة أنا شوفت العربية ........ فخمة قوي من برة و من و جوة
و كل سنة و أنت طيب .......... و رمضان كريم
و شكرا مرة أخرى
من وسط التلاتة دول السوناتا اكيد
محرك واتساع وفئة اعلى وفخامة وثبات ، كما ان هيونداى النهاردة اسم قوى وموجودة بقوة فى اوروبا وامريكا
سوناتا بدون تفكير
فئة أعلى وحجم أكبر وأمان أكثر وبنفس السعر
جيتا تتفوق فى مستوى جودة التشطيبات ولكن بفارق بسيط
الالماني مفيش بعده !!
سوناتا مستوى مختلف عن السيارتين وفئه اعلى
الجيتا نفس فئة الكورولا
اولا العربية مكملتش سنه (اقل بكتير كمان) مع الناس الا اللى استلموا بدرى و انا منهم مكملتش سنة و ثلاث شهور.اقتباس:
ممكن بس واحد يقوللى فيه كام سوناتا فى الشوارع؟؟
العربيه بقالها ييجى سنتين نازله ولا اراها الا كل كام يوم مره.. مع العلم انى باعمل 100 كم فى اليوم على الطرق
ثانيا بالنسبة للانتشار فى السنة دى , العربية انتشرت بشكل رهيب و ال100 كيلو دول مش مقياس , لو حضرتك طلعت كوبرى اكتوبر او المحور عد كام عربية سوناتا شفتها.
العربية انتشرت انتشار رهيب جدا فى فترة صغيرة و اراهن انها انتشرت اكتر من الفكترا اللى نزلت قبلها ب 6 شهور
بعدين الضريبة الجديدة بره لها تاثير كبير اوى على مبيعات ال2400 لان عليها 3700 جنيه سنويا ترخيص بس غير البنزين و التامين و قطع الغيار
للعلم قطع غيارها غالية جدا زى الالمانى او اغلى و اتاكد بنفسك (تيل امامى 1000 بالتركيب + الضريبة , تيل خلفى 650 جنيه), فانوس امامى 1750 جنيه مش عارف دا شامل الضريبة و التهليب (المصنعية ) و لا لأ
الناس برده بتخاف من استهلاك البنزين و بتخاف من سمعة غبور فى الصيانة و بتخاف من التقفيل المصرى و خصوصا ان ناس كتير شافوا عيبو الفرنا فخافوا , دا غير ان ناس كتير يقولك المانى و مش المانى و الكلام دا و خصوصا انهم بيقولوا المانى و كورى و الحاجات دى.
للعلم انا بحب الجيتا جدااااااااا بس برده بفضل السوناتا بكتير.
عموما العربيتين حلوين اوى
على فكرة و عن تجربة (عربيتى عامل بيها 33000 كيلو ) السوناتا ممتازة فى كل حاجة و فعلا حاسس ان اختيارى كان سليم جدا
اكيد السوناتا جميلة جدا بس صعب انها تقران مع تويوتا او جيتا لانها تعتبر فئه مختلفه تماما ولو دورت مثلا فتقارنها بالكامرى او الباسات مثلا فى نفس فئتها تقريبا فا معتقدش انها هتكون ليها مكان بينهم
وبصراحه فعلا هى مش منتشرة كتير بعكس الجيتا ودة دليل على انها عملية بالدرجه الاولى واعتقد انها اكثرهم اقتصادية وشكل قوى
ومسألة الشكل دى اذواق يعنى مثلا الجيتا تحس انها وحش على الطريق بعكس السوناتا تحس انها ملكة
وشخصيا اختار جيتا بالتأكيد
واعتقد انك بمقارنتك دى بتقلل من شأن السوناتا لانها ليس فى نفس الفئه
مين فينا يقارن سوناتا بسيارة مثل الباسات فلا وجه للمقارنة اطلاقا
ومسألة الموتور القوى اعتقد انك مش هتشترى سوناتا علشان تشد وتجرى بيها فا 2400 سىسى او 2000 مش مفيد على اد ماهوغير اقتصادى بالمرة
وفى الاخر تقريبا الكل اجمع على ان التلاتة عربيات محترمة ولك الاختيار
بس يا جماعة ازاي بتقارنوا التجميع المصري في شركات معروفة بجودتها العالمية مثل BMW و Mercedez بتجميع Hyundai
مع احترامي , مهما انتجت Hyundai حتى لو كانت Genesis اللي تفوقت على عربيات مثل Lexus , ما زال ده اسم و BMW و حتى GM اسم تاني
و يا ريت اللي يعرف الضريبة السنوية على 2000 cc كام ؟
و شكرا
معروف ان شركه Vw عندها خبره فى العربيات من سنوات كبيره مينفعش تقارن منتجاتها مع منتجات عربيه كوريه مبقالهاش 30 سنه خبره اكيد الخبره بتفرق هو ده رأىى
بخصوص ضريبة ال2000 سى سى أعتقد إنها 1000 جم وذلك للفئة من 1630 سى سى وحتى 2030 سى سى
ايوه مظبوطاقتباس:
بخصوص ضريبة ال2000 سى سى أعتقد إنها 1000 جم وذلك للفئة من 1630 سى سى وحتى 2030 سى سى
اللى اتاثرت هى ال2400 علشان عليها 3700
طبعا و انت مغمض معروفة هى اية
جيتااااااااااا
الجيتا هتكون اقوى على ما اظن و لكن السوناتا بصراحه فخمه جدا
نرجع للأغنية القديمة ... تركب عربية بلدها اية ؟؟
مفيش فايدة ... و لو فضلنا كدا مكنش حد جرب الكوري ولا الماليزي ...
انا شايف ان الموضوع فى الشوارع المصرية مش مستاهل نتكلم عن حوار العربية مصنوعة فين .... لأن بصراحة إحنا معندناش طرق محترمة مطابفة للمواصفات عشان امشي عليها بألمانى و اتكلف مصاريف صيانة غالية ...
لو بس فى بروتون فى الفئة دى ....
السوناتا تتقارن بإيه في مصر :
مازدا 6 ( تبدأ من 320000 جنيه )
فورد مونديو ( تبدأ من 200000 جنيه )
فولكسفاجن باسات ( تبدأ من 230000 )
بيجو 407 ( تبدأ من 198000 )
أوبل فيكترا ( تبدأ من 167000 )
BMW 3 series ( تبدأ من 275000 )
مرسيدس C ( تبدأ من 298000 )
أودي A4 ( تبدأ من 395000 )
السوناتا : 155000 جنيه ( يدوي ) & 170000 ( أتوماتيك )
طبعا الموديلات السابقة مختلفة السعات :
1.6 ( مونديو - باسات - 407 - فيكترا - 316 - c 180 )
1.8 ( A 4 )
2 ( مازدا 6 )
وكمان ملاحظين فرق السعر لصالح السوناتا وكمان المحرك متناسب مع حجم ووزن وفئة السيارة .
أنا لو بدور على عربية متوسطة وفخمة وكبيرة من الداخل وعزمها شديد وقوية وتنقل 5 أفراد براحة تامة ( تبقى السوناتا أفضل إختيار )
ده في حالة مقارنتها بنفس سيارات فئتها
طبعا كده النتيجة معروفة مع مقارنتها بمن هو أقل فئه منها
وشكرا
أعتقد هاخد السوناتا طبعا .عربيه فخمه و سعرها حلو أوي
جيتا طبعا وبمكن السوناتا :U_thin1[1]:
ربنا يوفق