السلام عليكم ورحمة الله وبركاته
انا معايا فى حدود 130 الف جنيه
عاوز اعرف اجيب ايه مستعمل ولا جديد؟؟؟
انا كنت بفكر فى التيدا الهاتشابك بس ناس كتير قالتلى متدفعش فلوسك فى هاتشباك علشان لما تتجوز وكده وكمان التيدا قليله اوى
وبعدين فكرت فى البيجو 301 بس خايف منها علشان لسه جديده وكمان موضوع عداد الحراره ده قالقنى
بعدين بقى قلت افكر فى المستعمل .. اجيب اوكتافيا a5 ولا جولف 5 ولا سيفيك ولا كورولا ولا مازدا ولا ايه؟؟؟
انا عاوز عربيه تكون مش واطيه على الارض علشان ساعات كتير بحمل معايا وتكون كويسه فى البنزين طبعا وقطع الغيار
بس الواحد ممكن مثلا يتنازل عن البنزين وقطع الغيار فى سبيل انه يجيب عربيه كويسه
بجد انا محتار جداااااا وعاوز اشترى عربيه فى اسرع وقت
ياريت كل واحد يقول رأيه اجيب جديد ولا مستعمل واجيب ايه والاسباب؟؟؟
انا عارف ان اسألتى كتير بس مفيش الا اعضاء نايل موتورز اللى هيستحملونى
وشكرا مقدما