الموضوع: اظبط عفشة عربيتي سكودا اوكتافيا ٢٠٠٨ فيين ؟

المشاركة الأصلية كتبت بواسطة engahmedsayed

لو هو كان متابع مع مركز وهدان الصيانة الخاصة بعربية سياتك
يبقى سياتك كمل المسيرة و تابع معاهم و اعرف منهم هو المركز كويس و له
بس انتا مقولتش العربية عاملة عداد كام علشان تحكم على المركز كويس و تعرف عمل اية و هو وواقف على اية فى الصيانة علشان متابع
بالتوفيق ان شاء الله
ربك المستعان


نسيت اقولك حاجة الف مبرررررررررررررروك على عربيتك و اهلا بيك معانا فى القسم وربنا يارب يكفيك شرها و يستر طريقك يارب العالمين

الف شكر لكم جميعا و انا فعلا حاسس اني وسط اخواتي بجد .. بجد القسم فسه تفاعل و جدعنة ما شاء الله .، ربنا يحفظكم جميعا

العربية انا كونت كاتب كل ظروفها قبل كده في موضوع لسه قريب اسمه ( معروض عليا سكودا اوكتافيا a5 موديل ٢٠٠٨ )


العربية بتاعة حد قريبي و هي اليجانس اعلي فئة ماعدا الزينون .. عاملة ١٥٠ الف كم و هو المالك من الزيرو.. و هايغير عشان هايجيب a7 .. المهم العربية اتوضبت في التوكيل من حيث السمكرة لانه عامل تأمين شامل .. و انت عارف التوكيل ما بيصدق .. كان الاكصطدام في خبطة غيروه و غيروا فوانيس و غيروا كبوت كانت مدكوك برضه بسيط من اثر خبطة سابقة و كان الرفارف محكوكة عادي و غيروها برضه عاي حساب التأمين الشامل .. اللي الموظف بتاعه اساسا مراحش التوكيل و قاللهم اعملوا كل الازم .. المهم العربية خارجيا و في الصالون عروسة .. فاضل حاجتين موضوع التكييف اللي قولته فوق .. و موضوع انه عاوز اظبط العفشة الامامية بتاعتها لانها محتاجة تتظبط كويس برضه و التوكيل كان كاتب حاجات بعشر الاف جنيه .. فمن هنا الحيرة ..


١- اروح التوكيل و اتظبط بعشرة الاف جنيه علي الاقل
٢- اروح مركز الخدمة اللي كانت بتابع فيه العربية اللي هو وهدان اكتوبر ( لو حد ليه تجارب معاه يقول ) مع ملاحظة انه قريب علي مكان صديقي اللي بيظبطلي العربية
٣- اروح عند حد زي المهندس خالد اسماعيل او مركز محمد سمير


و لا اعمل ايه ؟؟؟ ماذا تغعل لو كنت مكاني ؟؟؟؟

عاااجل : منذ قليل تم تغيير حساس حرارة الجو الخارجي و الحمد لله اشتغل و ظهرت درجة الحرارة علي الشاشة .. المشكلة انه لاقينا سربنتينة التكييف بايظة و مش هاتنفع .. الراجل بتاع التكييفات قال انه تكييف الاوكتافيا a5 لازم يتجاب حتة واحدة .. يعني كمبروسور و سربنتينة و فلتر مع بعض بدون تجزئة و ادالنا رقم واحد في جسر السويس عنده الاصلي بتاعها جديد ٥٥٠٠ جنيه غير التركيب و خلافه ...و قال انه تغيير في التكييف عن النوع الاصلي هايعمل مشاكل بالذات علي السلانسية .. لاختلاف الكهرباء .. هل الكلام ده صحيح ؟؟ و هل ممكن نلاقي سربنتينة لوحدها ؟؟؟
و انا فاكر انه حد قال انه سعر التكييف كامل في التوكيل هايعمل ٦ الاف تقريبا ؟؟ طب مش التوكيل احسن و لا ايه ؟؟ خصوصا الفرق بسيط و لا ايه رأيكم ؟؟؟؟
و لا فيه حل تاني ؟؟؟