السيجارة الإلكترونية

**Amr_tika88** · 13-09-2013 02:27 AM

انا كنت شفتها من فتره معاه وهوا قالي انه كان جايبها من سيتي ستارز بحوالي سبعين جنيه تقريبا بس منين انا معرفش بس هحاول اسال وارد عليك

**eng.salama93** · 13-09-2013 03:54 AM

المشاركة الأصلية كتبت بواسطة amr_tika88

انا كنت شفتها من فتره معاه وهوا قالي انه كان جايبها من سيتي ستارز بحوالي سبعين جنيه تقريبا بس منين انا معرفش بس هحاول اسال وارد عليك

تبقي كسبت فيا ثواب كبييير اوي

**S O P H O S** · 16-09-2013 03:59 PM

انا سمعت من دراسات انها مضرة بردوا
ياريت تتأكد قبل ما تشتري
والله اعلم

**ابو لؤى** · 16-09-2013 04:03 PM

ريحتها عامله زى الشياط خليك فى السجاير العاديه احلى ويسلام على كبايه شاى معاها بقى ههههههه

بهزر طبعا عايز تبطل بطل منغير السجاره الالكترونيه لانها اصلا كل خمس دقايق عايزه تتشحن وريحتها وحشه اوى عامله زى البلاستيك المحروق

**AFT** · 16-09-2013 05:07 PM

جيتلي في ملعبي يا باشا :)
انا بستعملها بقالي سنه اهو وماشيه معايا زي الفل ,,,,,,
من شركة intellecig انجليزي 100*100 ولا ليها ريحه ولا اي حاجه ,,,,,انا اصلا بشربها في المكتب عادي رغم منع التدخين

هي غاليه شويه ومتعبه في الاستعمال .,,,,,لأنك بتحتاج تشحن البطاريه مره او مرتين في اليوم على حسب الاستعمال ( بتتشحن في ساعتين ) وكمان بتحتاج تملا الفلاتر نيكوتين لما تخلص.

- 5 فلاتر ب 60 جنيه ودول بيتملوا النيكوتين السائل بتاعهم.
- السخان وده ب 200 جنيه. ( وده كل 3 - 4 اشهر بيبوظ وتشتري غيره )
- البطاريه ب 200 جنيه. ( بتعيش اكتر من السخان وممكن تجيب 2 تبدل فيهم وقت الشحن :)
- الشاحن ب 60 جنيه تقريبا.
- علبة النيكوتين السائل ب 120 جنيه وده اكتر حاجه الواحد بيشتريها وفيه منها كذا تركيز:
1.5% وده خفيفه اوي
3% وده اللي انا بستعملها ( قريبه جدا من المارلبورو الابيض )
4.5% وده زي الاحمر ,,,,,,,
وكل التركيزات ده فيها من طعم ساده regular وده زى السجاير بالظبط ومالوش اى ريحه تماما
و rich وده تحس كده انه مسكر شويه وليه ريحه بسييييييطه جدا بس حلوه ( شبه غزل البنات بس خفيفه اوي)

انا من ساعة ما جبتها قللت السجاير جداااا ( 3- 4 في اليوم بالكتير ) وجاتلي فتره بطلت خالص بس الكسل خلاني احافظ على سيجارتين تلاته في اليوم .
بس خاللي بالك زى ماقلتلك هي ممله شويه في الاستعمال ,,,,انا كنت جايبها مع 4 من صحابي,,, كلهم رموها بعد شهر بالكتير عشان زهقوا من الشحن وملي الفلاتر ,,,,بس انا مسكت فيها واديني مكمل :)

ده السايت بتاعهم : The First Electronic Cigarettes in Egypt
مكتبهم في المهندسين في شارع شهاب وليهم ستاند في سيتي ستارز وعندهم ديليفري كمان :)

اخر حاجه بقى ,,,,,انا مجربتش اى نوع تاني عشان اقدر افيدك في مقارنتهم,,,, بس انا اسمع ان فيه انواع امريكي,,,وان فيه حاجات جديده ( حجمها كبير ) والمفروض تعيش اكتر بس معرفش نوعهم ,,,
بس intellicig قالوا انهم هايجيبوها قريب :)

**eng.salama93** · 16-09-2013 06:55 PM

طيب لو انا رحت اشتريتها دلوقتي هدفع كام كله عشان انا اتلخبط :(

**dede_dodo88** · 16-09-2013 07:08 PM

في بشوف معايا ناس في الشغل جايبين سيجارة اليكترونية بس شبه قلم الأنسولين كده و بيتركب فيها سائل بنكهات مختلفة.. هي ألماني على حسب ما سمعت..
بس معرفش أيه الفرق الصراحة بينها و بين الألكترونية العادية!.

**AFT** · 16-09-2013 07:32 PM

هتدفعلك حوالي 520 جنيه + 120 نيكوتين = 640 ,,,
وبيبقى احيانا عندهم خصومات وعندهم حاجه اسمها starter bundle مجمعه كل مكونات السيجاره من غير النيكوتين وبتبقى ارخص شويه

**eng.salama93** · 16-09-2013 09:27 PM

المشاركة الأصلية كتبت بواسطة aft

هتدفعلك حوالي 520 جنيه + 120 نيكوتين = 640 ,,,
وبيبقى احيانا عندهم خصومات وعندهم حاجه اسمها starter bundle مجمعه كل مكونات السيجاره من غير النيكوتين وبتبقى ارخص شويه

هحاول اجيبها ان شاء الله
و متشكر علي كل الردود :]