المهندس ماجد الميكانيكى بالاسكندرية

**mehles** · 16-09-2013 04:48 PM

المشاركة الأصلية كتبت بواسطة ahmedvaio

كنت قد قرأت فى بعض المشاركات من الاخوة بالمنتدى عن المهندس ماجد السيد المتخصص فى الفيليشيا بمنطقة صفر .. و قررت الذهاب بالامس لضبط الموتور (العربية كانت بتقطع و تبطل و ماتدورش الا بعد عدة محاولات ) و بالفعل اكتشف عدم وجود الخزان المنظم للبنزين بالكاربراتير و قام بوضعه و تغيير الخراطيم و ضبط الكاربراتير , المهم فى القول انه فعلا مهندس ميكانيكا و فاهم جدا و بيشتغل بايده و اطلعنى على بعض المراجع بالانجليزية technical manuals للفيليشيا و غير كده عنده كمان قطع الغيار .. بس هو فعلا زى ما قالوا الاخوة اللى اتعاملوا معاه انه غالى شوية , بس انا شايف ان الغالى مرة واحدة احسن من الرخيص اللى تروح له 100 مرة عشان نفس العيب خصوصا العيوب اللى عايزة خبرة عشان تكتشفها , على فكره كان عنده 7 عربيات فيليشيا غير عربيتى ..
انا حبيت انقل تجربتى للاخوة و اتمنى ان يكون تقديرى مظبوط و عموما هو عنوانه
شارع سواكن - منطقة صفر

السلام عليكم........هل تقصد بالخزان المنظم للبنزين فلتر البنزين ذو الثلاث فتحات.........الف شكر

**sakr_skoda** · 16-09-2013 05:03 PM

المشاركة الأصلية كتبت بواسطة mehles

السلام عليكم........هل تقصد بالخزان المنظم للبنزين فلتر البنزين ذو الثلاث فتحات.........الف شكر

تمام هذا الخزان اسفل عمة الكاربرتير والذى يسمح برجوع البنزين الزائد من ضغط الطلومبة الى تانك البنزين ....

**I.ABUBAKR** · 20-09-2013 03:57 AM

ماجد السيد بتعامل معاه من 5 سنين
راجل محترم وزوق وبيفهم وحافظ الفليشيا بالمسمار
بيسمع منك وبيحدد المشكله فين بمجرد كلامك معاه
بيشتغل بايده في ضبط الكربراتير بس واحيانا في تغيير سير الكاتينه غير كده الصنايعيه هي اللي بتشتغل بعد مايقولهم ايه المطلوب

عيبوبه
الشغلانه اللي ممكن تتعمل في نصف ساعه تاخد عنده 3 ساعات
لازم يعطلك عنده علشان بيحب دايما الورشه تبقي مليانه عربيات
الصنايعيه اللي عنده بيتغيرو كتير مبيعشلوش صنايعيه
كلامه كتير وعلشان تحاسبه علي الشغل بس ممكن يقعد يتكلم معاك نصف ساعه في اي كلام
عنده تقريبا كل قطع غيار الفليشيا جديده واحيانا استعمال وطبعا اغلي من بره بحوالي 15%
بس بيوفر عليك المشاوير
واخيرا اللي يروحله يصلح عنده ميسبش عربيته يقعد علي ايد الفني وهو شغال لحد لما يخلص ميعدمتش علي ماجد وسمعه الورشه

**ahmedvaio** · 20-09-2013 04:45 AM

المشاركة الأصلية كتبت بواسطة i.abubakr

ماجد السيد بتعامل معاه من 5 سنين
راجل محترم وزوق وبيفهم وحافظ الفليشيا بالمسمار
بيسمع منك وبيحدد المشكله فين بمجرد كلامك معاه
بيشتغل بايده في ضبط الكربراتير بس واحيانا في تغيير سير الكاتينه غير كده الصنايعيه هي اللي بتشتغل بعد مايقولهم ايه المطلوب

عيبوبه
الشغلانه اللي ممكن تتعمل في نصف ساعه تاخد عنده 3 ساعات
لازم يعطلك عنده علشان بيحب دايما الورشه تبقي مليانه عربيات
الصنايعيه اللي عنده بيتغيرو كتير مبيعشلوش صنايعيه
كلامه كتير وعلشان تحاسبه علي الشغل بس ممكن يقعد يتكلم معاك نصف ساعه في اي كلام
عنده تقريبا كل قطع غيار الفليشيا جديده واحيانا استعمال وطبعا اغلي من بره بحوالي 15%
بس بيوفر عليك المشاوير
واخيرا اللي يروحله يصلح عنده ميسبش عربيته يقعد علي ايد الفني وهو شغال لحد لما يخلص ميعدمتش علي ماجد وسمعه الورشه

شكرا يا اخى على هذه المعلومات المختصرة و المفيدة