موقع سيء جدا وخدمة العملاء عندهم أسوأ شيء وليا تجارب كتير معاهم بائع ومشتري آخرهم مبلغ سلعة بيعتها عن طريقهم حوالي 440 جنيه قعدت شهرين ألف حوالين نفسي لحد ما حولوها لحسابي بعد أكتر من 12 اتصال وكل مرة الموظف يأكدلي إن الفلوس هتوصل لحسابي خلال 48 ساعة وإنه هيتابعني لأن المشكلة في رقم الشحنة كان مختلف بينهم وبين أرامكس لحد ما زهقت وكلمت موظف قولتله أنا عايز أكلم المدير عشان مش هتعرف تعملي حاجة وفعلا كلمت سوبرفايزر وفييييين لحد ما الفلوس اتحولت لحسابي في الموقع بقالها 5 أيام ومنتظر أهو لما تفرج ويحولوها لحسابي على البنك !
ده غير طبعا موضوع السلع الصيني الرديئة اللي بتتباع عندهم من التجار ولما توصلك بعد ما تكون دفعت فلوسها تلاقيها بايظة جاهزة أو مبتكملش يومين وتبوظ ، فنصيحة متدفعش بالفيزا وادفع عند الاستلام ولما مندوب أرامكس ييجي متدفعلوش غير لما تفتح الطرد وتتأكد من كل حتة في السلعة وإنها شغالة ومطابقة للمواصفات ولو غير كده رجعها للمندوب وقوله مش عايزها رجعهالهم !
للأسف التسوق أونلاين عندنا متأخر جدا ولسة بدري لحد ما نوصل لمسألة الثقة والاحترام والمصداقية في التعامل