الموضوع: قواعد الموتور

المشاركة الأصلية كتبت بواسطة o.m.s

وعليكم السلام ورحمه الله وبركاته

بصراحه انا ما اعرفش في الهوندا واسعارها بس انا عندي في الكورولا القواعد الجديده ماستحملتش الماتور ورحت جبت استيراد بقالها معايا داخله في 3 سنين

أزاي جبت جديدة ومقعدتش ؟ كنت جايبها منين يا باشا,
وكانت أصلي ولا من محلات قطع الغيار

انا بشوف إن الأستيراد مش حل عملي, لأنها كاوتش ومستخدمة وكل الكاوتش ليه عمر أفتراضي وبينتهي بعده سواء أستخدم أو مستخدمش ونشف.

المشاركة الأصلية كتبت بواسطة o.m.s

والله كنت جايبهم من الحرفيين من حلوان مش من التوكيل بس مفروض انهم ياباني وركبتهم عندي مكملوش 5 اشهر تقريبا واتكلوا وبعدها ركبت الاستيراد وزي الفل معايا اهم لغايه دلوقتي من حوالي 3 سنين

الحرفين أكتر الشغل اللي فيها مضروب, ويقولك أصلي وتكتشف بعدها أنها مش أصلي ولا ياباني,,

الأستيراد طبعاً بيبقي ممتاز من ناحية تلات حاجات,,
1-قطع الغيار اللي زي أجزاء العربية الخارجية الأكصدامات لما تشتريها أستيراد أصلي من الحرفين أو وكالة البلح وبسعر التقليد اللي في السوق بتبقي أفضل لأنها ياباني أصلي وبتتحمل أكتر من الشغل اللي في محلات الاكسسوارات اللي أغلبة مضروب ومش بتبقي غالية زي سعر الوكيل,

2&3- ونفس الحال مع شغل الميكانيكا والعفشة من ناحية الأجزاء الحديد بيبقو أفضل أستيراد, بدل ما تجيب مقص تايواني ولا كوري,
أو بدل ما تجيبهم جديد ويبقي سعرهم مبالغ فيه,,

لكن الكاوتش لأ, لأن كل الكاوتش ليه عمري أفتراضي وبعد كدا بينشف وبيبدأ يتفتت,,
أنت حظك حلو أن القواعد شغالة معاك لحد دلوقتي, ربنا يبارك لك فيهم.