الموضوع: عاوز اشتري shoes وحزام

المشاركة الأصلية كتبت بواسطة محمد يوسف

بسم الله ماشاء الله والله أكبر ولا حول ولاقوة الا بالله

حزام ب 2000 جنيه وقميص ب 5000 جنيه ؟؟؟!!!

أمال حضرتك جبت البدلتين بكام؟

رجاء بس من حضرتك لما تشترى التحف دى تصورها لنا وتعرف لنا شروط التقسيط وتبع أى بنك

هههههههههههههههههههه انت محسسني إنك عمرك ما سمعت الأرقام دي قبل كده يا باشا دى أقل الحلوين يعني في أعلى من كده بكتير ده في بدل بتوصل عشرين و خمسه و عشرين ألف و في أعلى كمان ... و المتوسط الي يتلبس و يستحمل الهري بيبقى سعر البدلة ما بين الـ 2500 و 5000 و الحذاء أعزك الله الي يستحمل و يبقى شيك في المتوسط ما بين الـ 250 و الـ 450 و غيرو و غيرو ... يا راجل كبر مخك ...آه و متقليش بره و جوه بره في الحاجات دي زي جوه أنا لافف بره و جوه ... حبيب قلبي :)

المشاركة الأصلية كتبت بواسطة dede_dodo88

طب بما أن معندكش مشكلة في الميزانية فأنا هقولك على الأماكن اللي أنا عارفها,
الجزمة, عندك Hush Puppies, Clarks, Geox
و أنا عن نفسي بفضل Geox عشان مريحة و جلدها حلو.. بس هي أغلى من الأتنين التانيين.. و سعرها بتتكلم في حدود 1200 1400
في Boss جامد أوي برضه بس سعرها الضعف, بس ممكن تلاقيها في EGO بأسعار أقل و هما كده كده عاملين تخفيضات 50 و 60 % اليومين دول..

الحزام, مش عارف هل المحلات اللي فوق دي بتبيع أحزمة و للا لأ,
بس الحزام مش موضوع كبير يعني, ممكن تجيبه من أي محل بس يكون جلد طبيعي و تصنيعه كويس عشان ميتبهدلش بسرعة.. إلا لو أنت غاوي ماركات بقى ففي عندك Boss برضه و في Cerruti ده في حدود 1500 أزيد أو أقل, و في البرنس بقى Mont Blanc و ده سعره +2000.

الـCuff-links, على حسب الشكل اللي يعجبك بقى..
في cuff-links بتبقى تريكو كده بتبقى لذيذة و في الرخيص,
كونكريت فيه حاجات كويسة في حدود 200 لـ 400
في لطيف برضه massimo dutti في حدود 400
Boss كنت لسة شايف طقم عجبني في EGO بـ650
Mont Blanc من 2500 و تعدي الـ5000 lol

هي دي الحاجات اللي أنا أعرفها الصراحة, أكيد في حاجات تانية كويسة و أرخص من كده.. بس أنا قولت أديك فكرة لو كيفك ماركات زيي كده..

أحييك يا باشا و بشده زوقك رفيع و إختيارك أروع في الأماكن و أحب بعد إذنك أضيف عليك كمان Mobaco , COIN , SHOCK , CATERPILLAR

المشاركة الأصلية كتبت بواسطة Red_1024

السلام عليكم.
انا اشتريت بدلتين جداد علشان كان فية اكتر من مناسبة في الاسرة عندنا.وكنت عاوز اشتري ليهم shoes كويس ,وحزام شيك
انا شفت عند sarar وقت ما كنت بشتري البدلتين بس مفيش حاجة عجبتني. اية الاماكن التانية اللي فيها shoes شيك وحزام شيك
علشان اكمل الطقم بقي
هههههههههه
وسؤال كمان
انا كنت عاوز اشتري قميص فية cuff بس للاسف ملقتش مقاسي؟
السؤال هل القمصان دي بتتلبس في مناسبات معينة مثلا ولا اية
ولو عاوز اشتري cuff linksاشتري منين حاجة شيك وقيمة ؟؟؟؟؟؟؟؟؟؟؟

يا باشا مبروك على البدل و عقبال البدلة الألف يا غالي شوف أنا طبعاً مش هقدرأ زود زيادة عن العضو الفاضل dede_dodo88 بس هقولك بنسبة للقمصان هتلاقي الي انت عايزو في كوين و ده رائع و هي تتلبس عادي أنا بلبسهم على الجينز و سعات كمان معاهم جايكت سبور كده جبردين بيبقو شيك أوي و طبعاً جزمة جلد كده بوز رفيع أو عرابي بيبقو شيك جداً و هتلاقي برضو الزراير أو الكفس يعني هناك بردو الحزمة يا سيدي و الجزم ممكن تبوص على السجان لسه منزل كولكشن جديد حلو أوي و ربنا معاك و يهنيك :)

المشاركة الأصلية كتبت بواسطة محمد يوسف

لأ ياباشا سمعتهم بس عمرى ما اشتريتهم..اللى ماكنتش متوقعة ان البرجوازية الامبريالية المتنقحة دى وصلت المنتدى... يانا ياغلبى

ههههههههههههههههههههههههه ه انت قتلتني دحك بالبرجوازية الإمبرياليه المتنقحة دييييييي ههههههههههههههههههه و الله إنت راجل زي العسل ههههههههههههههه و الله ما قادر ابطل دحك ههههههههههههههههه ... أضحك الله سنك دنيا و آخره يا كبير :)

المشاركة الأصلية كتبت بواسطة haitham basha

يا باشا مبروك على البدل و عقبال البدلة الألف يا غالي شوف أنا طبعاً مش هقدرأ زود زيادة عن العضو الفاضل dede_dodo88 بس هقولك بنسبة للقمصان هتلاقي الي انت عايزو في كوين و ده رائع و هي تتلبس عادي أنا بلبسهم على الجينز و سعات كمان معاهم جايكت سبور كده جبردين بيبقو شيك أوي و طبعاً جزمة جلد كده بوز رفيع أو عرابي بيبقو شيك جداً و هتلاقي برضو الزراير أو الكفس يعني هناك بردو الحزمة يا سيدي و الجزم ممكن تبوص على السجان لسه منزل كولكشن جديد حلو أوي و ربنا معاك و يهنيك :)

هو فين كوين والسجان
أحذية عرابي فى وسط البلد حلوة وشيك ولو اقل شوية بيبو في مول البستان ابن حلال