الموضوع: لو حد عندة معلومات عن خطوات استلام اسيارة

المشاركة الأصلية كتبت بواسطة hatem_swaf

ربنا يوفقك ويبارك لك فى العربيه اهم النقاط فى الاستلام هى :

هناك بعض النقاط عند استلام السيارة يجب على كل مشترى جديدمراعاتها والتركيز عليهاوقد حرصنا على تجميعهاوتقديمها اليكم للمساعدة فى استلام السيارة بدون اى مشاكل او عيوب ظاهرية اوجوهرية

· شكل خارجى :

- حاول تستلم العربية بالنهار افضل من الليل عشان تبص على صاجالعربية وتطمن انه خالى من اى خرابيش او خبطات

- انزع عند الاستلام الورقالملزوق على صاج السيارة سواء اللى على الكابوت او على السقف , وذلك للتاكد من بويةالسيارة سليمة ولالا , لان الورق ده ممكن يكون مدارى تحت منه فرق لون لا قدر الله

- تفتح الابواب الاربعة والكابوتوالشنطة وتشوفهم بيفتحوا ويقفلوا بسهولة ومفيش مشكلة فيهمولالا

- اللي بتيجي بجنوط هاتلاقي في جزء كده بيركب فيالنص بيسموه الصره تقريبا ده بيكونوا خالعينوا عشان مايتسرقش تاخد بالك وانت بتستلم انهم يكونوا ركبوهم في الجنوط

- اتاكد من وجود الاستبن (الكاوتشالاحتياطى (

- نبص على شنطةالعدة

· شكل داخلى :

- نقعد على الكراسى اللى قدامونحرك فيها لقدام وكمان لورا عشان نشوف هل فيها اى مشكلة ولالا , وكمان احزمةالامان

- شيك على الروافع مثل : الولاعةبتاعت العربية وطفاية السجاير وعلى الاريال

- اثنى الكنبه الخلفيه جزئيين

· الموتور :

- شيك وبص على المياة بتاعت السيارة من ميهمساحات والقربة والردياتير والبطاريةعشان بس لو فى حاجة نقصة مش تمشى على عماكوتزودها فى اقرب مكان

التشغيل :

- اتاكد من ان الماتور صوته ناعموهادى فى بداية التشغيل

- نبص على عداد الكيلومتر واهمحاجة انه لايزيد عن 70 كيلو وكدا كتير كمان

- نطمأن على مستوى البنزين

- سخن السيارة وبعد ماتسخن اتاكدمن ان المروحة اشتغلت بتاعت الرديايتير ولالا

- شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدرالله

- تشغيل الانوار كلها ونجربهاسواء الانوار الداخلية جوة السيارة من نور الصالون والطابلوه ومن بره الفوجاتوالكشافات الامامية ولمبة الاستوب والفوانيس الخلفية

- تتاكد من عمل المساحة وتشغلالمياه بتاعت المساحة كمان

- تتأكد ان الأوتوماتيك بتاع المرايات شغال ( اللي هو بيحرك المرايا فوق وتحت وشمال ويمين).

- جرب الكاسيت وشوفه شغال ولالا ,

- حرك الدريكسيون يمين وشمالعشان تتاكد من عدم وجود اى مشكلة وصوت تزيق , وكمان شوف ظبط الدريسكيون لفوق ولتحتاخباره ايه

- التاكد من ان التكيف شغال ,لانك حتشغلهبعد 500 كيلو فتكون مطمن ان مفيش مشكلة .. كفائته مش حتكون قوية لان العربية لسه جديدةومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ماترغى مع البائع ,المهم عشان بس تكون مطمن ان كل حاجة تمام .. وتاخد بالك هل فى اى قلق وهى واقفة ولالا مع تشغيلالتكيف

-

- اجرب ذراع التحكم في الكاسيت

- اجرب الاتصال بالبلتوس

- اجرب سنسور الركن

-

الاستلامات:

- اسال على الضمان بتاع السيارةوضمان الكاسيت والكتالوج بتاع العربية

- استلام ريموت او وصلات الكاسيت

- ركز فى استلام المفاتيح و فىعدد المفاتيح والريموت اللى بيجوا مع السيارة

- نتاكد من ان السنتر شغالونتاكد من الريموت شغال ولالا

- استلام شهادة البيانات والإفراجالجمركي

- استلام عدد 3 مبايعه من الشركه للوكيل ومن الوكيل للمعرض ومن المعرض ليك