البنك مش بيدي دولار طيب المسافر يجيب منين

**chicobon** · 14-09-2013 12:21 AM

السلام عليكم

نزلت البنك اسئله ازا كان ممكن اقدر اسحب فلوس و احولها لدولار للسفر الموظف قالي لا روح مكتب صرافة هنا مش بندي طيب ايه الحل و لو روحت مكتب صرافة هيدهالي بكام و هل مضمون ولا ممكن يديني فلوس مزورة

**eng wael** · 14-09-2013 12:28 AM

يا باشا من حقك لو مسافر تسحب على التأشيرة 1000 دولار بس من الافضل يكون ليك حساب فى نفس البنك
وانا عملتها وانا مسافر دوله عربيه وسحبت من بنكين بنفس التاشيرة فى وقت ازمه الدولار

**mastr_n** · 14-09-2013 12:33 AM

انا لسة مسافر واشتريت من المطار
بس اخرك 100 دولار من البنك وطبعا غالى شوية عن السوق
وممكن تشترى كمان 100 بس من بنك تانى

**mk3** · 14-09-2013 12:57 AM

الصرافات مليانه لكن اغلى من البنك
والسعر متغير بغباء

**bekatcho** · 14-09-2013 01:08 AM

ازاى يا جماعة مش المفروض اقدر احول 1000 دولار لو مسافر بالفيزا؟
دا انا مسافر كمان 10 ايام وعامل حسابى اول ما الفيزا تيجى اروح احول

**dede_dodo88** · 14-09-2013 02:11 AM

لازم تكون عميل في البنك اللي بتشتري منه و أخرك 1000 دولار في الشهر للسفرية..
بس أعتقد الـ1000 دولار دي بتختلف من بنك للتاني, يعني ممكن أزيد أو أقل..

**Haitham Basha** · 14-09-2013 07:12 AM

المشاركة الأصلية كتبت بواسطة chicobon

السلام عليكم

نزلت البنك اسئله ازا كان ممكن اقدر اسحب فلوس و احولها لدولار للسفر الموظف قالي لا روح مكتب صرافة هنا مش بندي طيب ايه الحل و لو روحت مكتب صرافة هيدهالي بكام و هل مضمون ولا ممكن يديني فلوس مزورة

يا باشا اطلع على أي سرافه اسحب عادي و مزورة إيه مفيش الكلام ده أنا لا مبتعملش إلا مع السرافات و مبدخلش البنك في حوار الدولار غير في السحب و الإيداع مع إن ليا حساب بالدولار لاكن بسحبو كاش و أغيرو بره عادي جداً لأن السعر بره طبعاً أحس من البنك بس بتفرق في المبالغ الكبيرة بس يعني لو المبلغ صغير الفرق ممكن يبقى من 15 لي 50 جنيه لكن كل ما المبلغ كبر يبقى الصرافة طبعاً و على فكره في أزمة دولارات في البنوك أنا رحت يوم الاثنين الي فات أسحب 3000$ قالي استناني ساعة الملك المبلغ يا قمه تاخدهم مصري قلت لموظف البنك نعم هتلملي إنت أكيد بتهرج صح قالي لأ يا باشا بتكلم بجد عندي أزمة في الدولار ... استنيت طبعاً لحد ما جابهملي و نصيحة إوعى تغير من المطار هنخسر كتير ...

**mohammadrashee** · 14-09-2013 08:24 AM

لو ليك حساب في بنك مصر او الأهلي بتاخد 1000 دولار رسمي ول تبت معاهم هتاخد ازيد
وبعدين انت شاغل بالك ليه لما تيجي الفيزا اسحب بيها من عناك وادفع بيها كمان
انت رايح فين وانا اقولك
اهم حاجه تفعل الفيزا \ولي قيل ما تسافر عشان متتسحوحش هناك

**dedi** · 15-09-2013 01:28 AM

المشاركة الأصلية كتبت بواسطة mohammadrashee

لو ليك حساب في بنك مصر او الأهلي بتاخد 1000 دولار رسمي ول تبت معاهم هتاخد ازيد
وبعدين انت شاغل بالك ليه لما تيجي الفيزا اسحب بيها من عناك وادفع بيها كمان
انت رايح فين وانا اقولك
اهم حاجه تفعل الفيزا \ولي قيل ما تسافر عشان متتسحوحش هناك

طيب لازم حساب الفيزا مصرى و لا دولار لانة لو مصرى بيتخصم عمولة تقريبا 27. بمعنى انة الدولار لو 7 جنية يبقق 7.27 و طبعا دة كتير

**mohammadrashee** · 15-09-2013 10:17 AM

المشاركة الأصلية كتبت بواسطة dedi

طيب لازم حساب الفيزا مصرى و لا دولار لانة لو مصرى بيتخصم عمولة تقريبا 27. بمعنى انة الدولار لو 7 جنية يبقق 7.27 و طبعا دة كتير

لأ حضرتك هو بياخد 2 % على السحبه بره مصر ويغيرلك بسعر الدولار الرسمي لليوم ده
ولو انت معاك فيزا تتدخل على فيزا دوت كوم هتلاقي الريت
انا لما بسافر بعمل كده بسحب من بره ولما برجع يلاقي اني بعد العموله اوفر من الصرافه
بالاضافه انك لو مشتري حاجه يعني دفعت فندق او كده مفيش عكوله
طبعا كل ده حسب البنك ونوع الفيزا
وخلي بالك مش اي بلد تستخد الفيزا فيها مهم اوي اوي
وحاول ميكونش فيه قلوس كتير في حساب الفيزا عشان لو حصل في الامور امور

الموضوع: البنك مش بيدي دولار طيب المسافر يجيب منين

LinkBack

أدوات الموضوع

عرض

-

-

-

-

-

المواضيع المتشابهه

هو ليه ميدو مش بيدي اسعار ف التليفون

محتاج دولار اجيبه منين ؟

عاوز خدمة منين حد ممكن يجيب كاميرات Pro. من مصر

.... من 100 دولار ل 16000 دولار دخل الفرد السنوي - تجربة ماليزيا ....

الكلمات الدلالية لهذا الموضوع

المفضلات

المفضلات

ضوابط المشاركة