عربيتي محجرة من قدام و قصة معاناه

**ebeid_mahmoud** · 14-09-2013 12:37 AM

عربيتي لانسر 2007 خليجي من حوالي سنه و نص روحت اضبط زوايا و الراجل قالي المساعدين الامامي محجرة مكدبتش خبر و روحت للعفشجي و عملي كشف شامل و اكد نفس الكلام و قالي ر وح هات مساعدين امامي من شارع دمشق و قالي انت محتاج تغير جلب المقصات والاحسن تجيب مقصات جديده لان الجلب الجديده مش حتعمر و زي ما قالي نزلت علي شارع دمشق و جبت جوز مساعدين kyb ب 900 جنيه نفس النوع اللي راكب في العربية و 2 مقص تايواني 350 جنيه و رجعت للعفشجي و ركبهم و خدت القطع القديمه و بعد شهرين العربيه ساءت وعيب التحجير استمر روحت لعفشجي تاني قالي المساعدين محجرة و مضروبه الاصلي بتبقي kyb بس مكتوب عليها متسوبيشي. المهم بعد عناء و باعجوبه رجعت المساعدين و ركبت المساعدين القديمه و مع استمرار العيب عملت زرجينه مرتين ازوايا الكاستر و فوجئت بتحسن ولكن لمدة اسبوع فقط روحت عملت زرجينه تاني و فوجئت بان العربيه ساءت و الباور تقل قمت واخدها من اصرها و طالع علي التوكيل وطبعا دي كانت الضربه القاضيه لاني فوجئت ان العربيه محتاجه قواعد موتور و طلمبة باور و طنابير و تيل و مساعدين امامي المهم غيرت القواعد و المساعدين الامامي و دفعت 3800 (حسبي الله ونعم الوكيل) و المفاجاه العربيه لسه محجره من قدام لما بقيت حتجنن و رجعت للتوكيل تاني (دايموند موتورز) و المهندس التنك بتاعهم قالي المساعدين سليمه قلتله و التحجير قالي عربيتك قديمة (قمة النصب) دي مشكلتي مع العلم اني اتكلفت كتير في ضبط الزوايا و الفك و التركيب كذا مره و مافيش قدامي غير اني انفذ نصيحة واحد صاحبي قالي اجيب جنب كامل استيراد يمين و شمال بس لاني فعلا غرمت كتير قلت استشير اي حد في المنتدي يقدر يفيدني مع العلم اني فكرت ابيع العربيه بس مستحرم لانها عربيه جميله و موتورها فوق الرائع ده غير اني لو بيعتها حاكمل عليها كتير علشان اجيب عربيه تانيه. ملحوظه: انا كنت شاكك في سوست المساعدين بس مالقتهاش بتتباع في التوكيل او في اي حته و قالولي انها مش ممكن تبوظ و مش موجوده غير في محلات الاستيراد فقط بس حيكون جنب كامل مش سوسته لوحدها. اسف للاطاله و مستني ارائكم.

**Zaibatsu** · 15-09-2013 02:30 AM

اول حاجة ياريت توضح محجرة ازاي ؟ حاسس انها بتاخد المطب و بترزع معاك ؟ سامع صوت معين ؟ و نصيحة اخويا مني اياك تروح توكيلات تاني عشان دول اكبر نصابين في البلد و بيشتغلو الناس جدا جدا جدا و انا سمعت مواقف كتيرة جدا

**نينو** · 15-09-2013 05:16 AM

انزل الحرفين

**saddam** · 15-09-2013 06:52 AM

صديقي المواطن
مفتاح الحل من اﻷول كان لازم تلاقي عفشجي بيحترم نفسه مش توكيل ولا ناس أي كلام ودمتم.للنضال

إذهب إلى عمرو الشرقاوي خلف كايرو مول في الهرم وهو حيعملهالك من اﻷول للآخر وده راجل يعني لو طلع فيها حاجة تاتي حيفكها تاني على حسابه مش يقلك أنا مليش دعوة ولا تقلق موضوعك بسيط

**eleanor** · 15-09-2013 08:14 AM

محجره يعنى بتخبط فى المطبات ولا تقيله فى المشى
لو بتخبط فى المطبات يبقى اليايات قفلت ومحتاجه تتغير بس المفروض ان عمرها طويل بس ممكن يكون انت مشيت بيها كتير والمساعدين بايظه فحملت عليها
اما لو تقيله فى المشى فده بيبقى من التيل والطنابير