الموضوع: مين ناوى يقدم فى الهجره الامريكيه السنه دى

المشاركة الأصلية كتبت بواسطة moody_687

معلش ياجماعة بالنسبة للمحامين ايه وضعهم لو سافروا لامريكا هل المحاماه مهنة مطلوبة هناك ولا لا
وكنت عايز اعرف الهجرة بيقدم عليها ازاي ؟

المحاماة من المهن اللي برة بلدها ما تنفعش في 90% من الحالات

لان القانون الامريكي مختلف شكلا و موضوعا عن القانون المصري

المشاركة الأصلية كتبت بواسطة moody_687

طيب يعنى اطلع برة اشتغل اي حاجة
وهل وظيفة it تنفع ف امريكا ولا لا
عشان بفكر اخد كورس it
وعايز اعرف كيفية التقديم ع الهجرة العشوائية

تنفع

التقديم لما يفتح هيكون هنا

https://www.dvlottery.state.gov

اي موقع تاني حمادة بالجنزبيل

المشاركة الأصلية كتبت بواسطة mahmoud naguib

طب كام سؤال كدة ع السريع !!

أولآ هل كل اللي بيتقبل وبيروح السفارة للمقابلة بيسافر ولآ في استبعاد ولو في بيكون بسبب ايه ؟

ثانيا هل كل اللي حابين يقدموا عارفين ناس هناك هيروحوا عليهم ولو في ناس مش عارفة حد وقبلت تعمل ايه ؟؟

ثالثا انت لو جتلك هجرة وسافرت بتستقر خالص ف أمريكا ولآ بتنزل مصر تاني ؟؟

شكرا لأجدع شباب

1- ايوة بيبقى فيه مقابلات و ممكن يبقى فيه استبعاد لاي سبب امني او طبي

2- لو مش عارف و قبلت هتروح و رزقك على ربنا هتتعب شوية في الاول بس هتسلك

3- ليه يعني هو معتقل ؟؟؟؟؟؟؟؟ من حقك طبعا تسافر اي مكان براحتك

بس فيه نقطة واحدة بس


انت اما بتاخد الجرين كارد ما ينفعش تاخد الجنسية قبل 5 سنين

في الخمس سنين دي ...... لو خرجت من امريكا في مرة اكتر من 6 شهور حتة واحدة او قعدت برة امريكا في سنة اكتر من 6 شهور برة ........ الجرين كارد بيتلغي (الا في بعض حالات استثنائية ممكن تقدم على طلب اذن للعودة قبل ما تسافر و لو اقتنعوا بسبب سفرك بيسمحوا لك تغيب برة سنة مش 6 شهور)


بعد الجنسية براحتك ان شالله تغيب عن البلد 100 سنة

المشاركة الأصلية كتبت بواسطة الجنرال

سؤال معلش يا احمد .. بخصوص موضوع الهجرة لامريكا او كندا

هل مهنة "ابحاث التسويق" مطلوبة ؟؟ يعنى لو ربنا شاء وقدر وقدمت فيها واتقبلت .... هل هلاقي شغل هناك فى المجال ده بسهولة؟؟

لانى بصراحة مش هسيب بلدي واروح اشتغل فى بنزينه ولا سوبرماركت

وشكرا

بص

امريكا مافيهاش حاجة اسمها التقديم للهجرة

يغني ايه؟ يعني امريكا دونا عن اغلب دول العالم المتحضر ..... ما عندهاش merit-based immigration

يعني ما عندهاش زي مثلا كندا و استراليا ..... مؤهلك كذا تاخذ كذا نقطة ...... سنك كذا نقطة ..... لغتك مهنتك الخ الخ الخ


فمفيش حاجة اسمها اقدم لامريكا ....... الهجرة لامريكا بتبقى بسكك تانية و معقدة مش دغري


بالنسبة لكندا خش على موقع Welcome Page | Page d’accueil و شوف جدول المهن المطلوبة