الموضوع: فى حدود 150 الى 160

المشاركة الأصلية كتبت بواسطة monamize4

اكيد مفيش عربية فيها كل حاجة

بس انا شايف ان اقرب حاجة لطلبك هى الكورولا

+1

ايه ياجدعان ماحدش قالى الحل ايه

قدامك وحش زيرو....... (١٥٥٠٠٠)
فلوانس. بس اول فئة بس هيا فيها أوبشنز كويس
بلوتوث ، مثبت و محدد سرعة مالتي فانكشن كمبيوتر أعطال فوجات ورا و قدام ستائر

العربية ارتفاعها كويس جداً مش هتحك منك خالص
الثبات معاك لحد ٢٠٠ وانت مستريحر
الأمان.( Abs,ebd,bas, esc(electronic stability control) )
+ ايرباجز + مخادع راس من الجيل الثالث لمحافظة على الرقبة من الكسور
+ صاج محترم جداً شوف بنفسك و افتح الكبوت و شوف تقيل ازاى
بالنسبة للشكل و الفخامة انا مش هكلم. السيارة تتحدث عن نفسها

الصالون واسع جداً جداً لان العربية دى هى الأكبر فى هذه الفئة
التكييف جيد جداً ، للعفشة ممتازة ، سحب الموتور حلو.

فى بقى الفئة ال ب (١٦٨٠٠٠) دى فيها أوبشنز كتييييييييييييير قوى


سعر إعادة بقى كويس جداا

وو ممكن تجيب واحدة كسر زيرو ٢٠١٣ هاى لاين. ( الفتيس و الموتور القديم ١٠٥ حصان ) بس هو كويس على فكرة و مافيش فية اى مشكلة

إنما السكودا فنتازيا. الفتيس بتاعها كلو مشاكل

شكرا يا Mohamedarazak طيب الفلوانس 2013 كام حصان ؟ وتقفيلها ايه ؟ (مغربى ولا تركى و ايه ) الثبات اخباره ايه
اصل ماعرفشى معلومات عن الفلوانس 2013

الفلوانس ٢٠١٤ (فيس ليفت) محرك ١١٥ حصان و فتيس cvt دا ممتاز فى التسارع و استهلاك الوقود

بالنسبة للتقفيل هو تركى. بس ما تقلقش منة خالص لان رينو بتقفل فى تركيا من زمان و ماحدش اشتكى منه فى الرينو خالص

بالنسبة للثبات (ما شاء اللة) العربية هات بيها ٢٠٠ ولا كأنك ماشى

بس يا باشا من الاخر انا كنت فى نفس الحيرة إلى أنتا فيها دى بقالى سنة و سالت اصحاب كتيير و جربت عربياتهم ( جيتا ، اوكتافيا ، ليون ،باسات ، كورولا، شارك ) بس اول ما جربت الفلوانس كانت ٢٠١٠ بس حسيت إحساس تانى خالص و حسيت باختلاف دا غير ان إلى معاه جيتا و أو كتافيا و باسات ، كانو بيقولولى على عيب فى التلات عربيات. ( الفتيس) بالنسبة للكورولا و الشارك مافيش وجه مقارنة. الفلوانس افضل كتيييييييييييير دا غير ان صاحبى بتاع الفلوانس كان بيقول شعر فى العربية. و دخلت اشوف رأى الناس فيها لقيتة ممتاز.
فتوكلت على الله. و جبتها. و هى على فكرة ما شاء الله عربيه صعب وصفها من كتر جمالها. ور بنا يوفقك للخير. و ارجو اكون افادتك

شكرا يا استاذ Mohamedarazak
على مجهودك ومعلوماتك
يعنى ايه (فيس ليفت)
هو حضرتك معاك العربيه الرينو فلوانس دلوقتى ؟ طيب اشترتها زيرو ولا استعمال ؟
اصل انا ركبت مع واحد قريبى رينو لوجان بس حسيت انى قاعد فى صالون بلاستك فى بلاستيك طابلوه بلاستك الباب من جوه بلاستك الاوكر بلاستك علشان كده انا خايف ليكون كل الرينون بالشكل ده وبنفس التقفيل ده
اسعار قطع الغيار ايه ؟ سمعت الناس بيتشتكى من التوكيل هل ده صحيح ولا لا؟

طيب 2014 نفس شكل وامكانيات وابشن ال 2013 ولا فى اختلاف وزى ايه
قولى فئات ال 2014 اسعارهم ايه وتجهيزات ايه وخاصه وسائل الامان
لو تقدر تبعتلى صوره للصالون و شكلها الخارجى