مشكلة في فتيس الادا 2105 (عضة)

**mohamed2002** · 08-09-2008 12:57 AM

مشكلة في فتيس الادا ,وانا واقف بالعربية اجي اجيب الاول وميجيش ولازم ادوس جامد علي العصاية وبحس انة بيجي علي علي حتتين والمشكلة دي غير موجودة في التاني او التالت او الرابع والحمد لله

وانا راكن العربية علي منزلاية عندنا دايما بخليها علي المارشدير عشان متنزلش لما اجي افك التعشيقة بتبقي العصاية مش بتتحرك ولازم اشيل رجلي من علي الدبرياج واحطها تاني
اذن المشكلة في الاول والمارشدير فقط لاغير

هل المووضوع له علاقة بالاسطوانة والديسك ؟ام له علاقة بزيت الفتيس وظبط العصاية ؟ولا له علاقة بالغواييش؟ ولا بالدبرياج عموما؟؟؟

هل ممكن اصبر علي المووضوع دة لبعد العيد؟؟ولا اية ؟

**Nader** · 08-09-2008 12:08 PM

المشاركة الأصلية كتبت بواسطة mohamed2002

مشكلة في فتيس الادا ,وانا واقف بالعربية اجي اجيب الاول وميجيش ولازم ادوس جامد علي العصاية وبحس انة بيجي علي علي حتتين والمشكلة دي غير موجودة في التاني او التالت او الرابع والحمد لله

وانا راكن العربية علي منزلاية عندنا دايما بخليها علي المارشدير عشان متنزلش لما اجي افك التعشيقة بتبقي العصاية مش بتتحرك ولازم اشيل رجلي من علي الدبرياج واحطها تاني
اذن المشكلة في الاول والمارشدير فقط لاغير

هل المووضوع له علاقة بالاسطوانة والديسك ؟ام له علاقة بزيت الفتيس وظبط العصاية ؟ولا له علاقة بالغواييش؟ ولا بالدبرياج عموما؟؟؟

هل ممكن اصبر علي المووضوع دة لبعد العيد؟؟ولا اية ؟

انا لسة من فترة قريبة مجرب عربية واحد صحبي موديل 2004

وكانت بتعمل نفس الحركة دي وعلى طريق مستوى. مفيش مشكلة انك

تسيبها حالياً لان من المحتمل أن يكون عيب شائع في هذا الموديل عموماً.

**sab3aawy** · 09-09-2008 11:32 AM

ممكن يكون عيب دبرياج وممكن يكون عيب فتيس

للتأكد انه مش عيب دبرياج على دواسة الدبرياج شوية(من صامولة ريجلاج سلك الدبرياج)

لو العيب ما راحش اكشف على زيت الفتيس وزوده لو ناقص وغيره لو كان عدا عليه اكثرمن 30 ألف كيلومتر

عصاية الفيتيس فى اللادا بدون حشوة لأان العصاية جزء من الفتيس نفسه، حيث ان اللادا دفع خلفى والفتيس بالطول تحت الصالون والعصاية طالعة منه مباشرة ، لكن لو الأمر بيحصل معاك كتير والدبرياج والزيت محلوش المشكلة قد تحتاج الى تغيير وش العصياة او فورش الفتيس(كلاهما قطعتين من الفتيس، بييجوا استيراد وسعرهم فى حدود ال 100 جنيه)

**mohamed2002** · 13-09-2008 12:51 AM

المشاركة الأصلية كتبت بواسطة Nader

انا لسة من فترة قريبة مجرب عربية واحد صحبي موديل 2004

وكانت بتعمل نفس الحركة دي وعلى طريق مستوى. مفيش مشكلة انك

تسيبها حالياً لان من المحتمل أن يكون عيب شائع في هذا الموديل عموماً.

شكرا لردك اخ نادر ,زي ما قلت لحضرتك العيب دة لسة ظاهر جديد عندي في ال 2105 وليس ال 2107
وبدات محسش بية عن طريق اني اقلل استخدامي للاول في ناس قالت لي زيت الفتيس وناس قالت لي العصاية عاوزة تتظبط وناس قالت لي حاجة اسمها حشو او كوبستة دبرياج ,حصبر لبعد العيد ان شاء الله وشكرا لاهتمامك

**mohamed2002** · 13-09-2008 12:53 AM

المشاركة الأصلية كتبت بواسطة yaskhl

غير حشو عصاية الفتيس

شكرا لردك

**mohamed2002** · 13-09-2008 12:55 AM

المشاركة الأصلية كتبت بواسطة sab3aawy

ممكن يكون عيب دبرياج وممكن يكون عيب فتيس

للتأكد انه مش عيب دبرياج على دواسة الدبرياج شوية(من صامولة ريجلاج سلك الدبرياج)

لو العيب ما راحش اكشف على زيت الفتيس وزوده لو ناقص وغيره لو كان عدا عليه اكثرمن 30 ألف كيلومتر

عصاية الفيتيس فى اللادا بدون حشوة لأان العصاية جزء من الفتيس نفسه، حيث ان اللادا دفع خلفى والفتيس بالطول تحت الصالون والعصاية طالعة منه مباشرة ، لكن لو الأمر بيحصل معاك كتير والدبرياج والزيت محلوش المشكلة قد تحتاج الى تغيير وش العصياة او فورش الفتيس(كلاهما قطعتين من الفتيس، بييجوا استيراد وسعرهم فى حدود ال 100 جنيه)

شكرا لردك يا بشمهندس سبعاوي بس يا ريت حضرتك توضح لي

للتأكد انه مش عيب دبرياج على دواسة الدبرياج شوية(من صامولة ريجلاج سلك الدبرياج)

**sab3aawy** · 13-09-2008 02:22 PM

عللى سلك الدبرياج، كل سلك دبرياج بيكون لو صامولة رجلاش لتقصير او تطويل السلك وذلك لرفع او خفض الدواسة، شوف الصامولة دى فين ولفها بحيث الدواسة تعلى شوية، وده هيخلى مسافة الفصل كبيرة ويبعد الاسطوانة عن الديسك مسافة كبيرة عند ضغط الدبرياج وبالتالى يبقى الفتيس حر من تأثير حركة الموتور

**mohamed2002** · 13-09-2008 09:41 PM

المشاركة الأصلية كتبت بواسطة sab3aawy

عللى سلك الدبرياج، كل سلك دبرياج بيكون لو صامولة رجلاش لتقصير او تطويل السلك وذلك لرفع او خفض الدواسة، شوف الصامولة دى فين ولفها بحيث الدواسة تعلى شوية، وده هيخلى مسافة الفصل كبيرة ويبعد الاسطوانة عن الديسك مسافة كبيرة عند ضغط الدبرياج وبالتالى يبقى الفتيس حر من تأثير حركة الموتور

شكرا لردك يا بشمهندس بس اعتقد ان الميكانيكي اللي يعمل النقطة دي ولا الصامولة دي واضحة ؟