استفسار هاام جيدا عن اوبل فيكترا سى

**shalaty** · 14-09-2013 06:59 PM

السلام عليكم , يا جماعة انا قبلتنى مشكلة غريبة انهاردة الصبح دوارت العربية اسخنها و كانت زى الفل و هى وقفة مرة وحدة لقتها بتظمر نفس زمارة الحزام و الشاشة البيكتبلك فيها النقلة كتبلى فيها F و بالمناسبة العربية easy tronic وعملتلها عمرة ديبرياج من حوالى سنة و هى كانت قبل الحوار الظهر الصبح زى الفل بس مش فاهم اية الحصل علشان العربية الان حتى مش بتدور يا ريت رد سريع علشان انا فى الساحل و انا اصلا من القاهرة

**ashourashour** · 14-09-2013 07:33 PM

هيا مبتعملهاش غير وانتا مسافر اصلا

المشكله من كنترول الفتيس بنسبه 90% غالبا جدا شربون موتور الدبرياج

هقولك على حاجه تجربها ولو العربيه دارت يبقى شربون خلصان

لف اكس موتور الدبرياج بمفك مرتين تلاته كدا لو العربيه دارت يبقى شربون و ممكن تمشي بيها بس خلي بالك هتنقل نقلتين تلاته و تديك F مستمره بقى

لازم تكشف جهاز هتلاقي clutch actuator متسجل

ربنا يهون عليك صراحه

**shalaty** · 14-09-2013 07:41 PM

انا رايح بكرة التوكيل تفتكر هيخيطونى جامد.

**shalaty** · 14-09-2013 07:42 PM

انا جبت ونش و هوديها توكيل العمرية

**shalaty** · 14-09-2013 08:20 PM

يا جماعة لو حد يعرف الحاجات التكلم فيها استاد احمد عاشور هتكلف فى حدود كام تقريبا

**ashourashour** · 14-09-2013 08:30 PM

لا لا توكيل اه

دا خيط سناره ... اوعى هيدفعوك بتاع 15 الف جنيه !!! بجد مش هزار

انت لو مفيش حد جنبك بتاع اوبل اسلم حل اعمل زي ما بقولك كدا بالظبط

1-ماشي وديها التوكيل يكشفوا بالجهاز و يقولولك هنغير كمبيوتر فتيس
2-قولهم اخلعولي الكنترول اخده معاياي اجيب زيه من برا (من حقك) و تحاول تتأكد انهم هيدولك الكنترول بتاعك مش من عربيه تانيه
3-تاخد الكنترول تروح بيه عند محمد هاشم او احمد عبد الراضي او اي حد من بتوع اوبل يصلحهولك او لو البرده فيها حاجه يغيرهالك و التكلفه في الحنين
4-تاخد الكنترول ترجع بيه تديه للتوكيل يركبهولك.

اوعى ثم اوعى تخلي حد مش بيفهم في الايزيترونك يفكلك كمبيوتر الفتيس و يلعب فيه

**ashourashour** · 14-09-2013 08:32 PM

مش عايز اكون خضيتك الحوار مش مصيبه ولا حاجه هوا قرفه في ان العربيه مبتمشيش

لكن حل المشكله سهل قوي

ومتقفلش من العربيه دا الحوار الوحيد اللي بيحصل منها واهوا حصل و هيتصلح ان شاء الله و تعمل اد الكم اللي انت عملته عشان يحصل تاني ان شاء الله.

**shalaty** · 14-09-2013 09:39 PM

طب الناس البتقوا عليهم دول فين فى الاسكندرية انا من ساعت ما اريت كلامك و انا خفت و بادن الله تطلع حاجة سهلة

**احمد فهمى** · 14-09-2013 09:48 PM

لو مغير طقم دبرياج من سنه يبقى زى ما عشور قالك 90% شربون متور الكنترول وهو موضوع خيبان ده شربون وبيتأكل كان يفضل تكشف عليه وانت بتغير طقم الدبرياج والموضوع بيتعمل فى القاهره فى حدود 400 جنيه مع انو ميسواش 40 جنيه بس بيعتبرو انهم مخترعين والتوكيل هو البديل وهيقولك كنترول ب10 الاف وبالمره طقم دبيراج ب5 وشغل نصب

الموضوع: استفسار هاام جيدا عن اوبل فيكترا سى

LinkBack

أدوات الموضوع

عرض

-

-

-

-

المواضيع المتشابهه

استفسار بخصوص اوبل فيكترا 98

استفسار بخصوص اوبل فيكترا موديل 2002 الموتور الاسود

عايزة استفسار عن اوبل فيكترا 2000

استفسار بخصوص اوبل فيكترا مو97

عاوز اشترى اوبل فيكترا ايزى ترونيك وعندى استفسار

الكلمات الدلالية لهذا الموضوع

المفضلات

المفضلات

ضوابط المشاركة