ليه صعب ألاقي قطع غيار العربيه دي ؟

عرض للطباعة

08-09-2008, 02:31 AM
aRsHoOoD

1 مرفق

ليه صعب ألاقي قطع غيار العربيه دي ؟

السلام عليكم ...
أنا عضو جديد فى المنتدى ده والصراحه عجبني جدا ... وليا استفسار بسيط .. أنا عندي عربيه لانسر موديل 1997 هاتش باك ( لانسر بطه ) والمشكله انى بدووووووووووووووووخ على ما الاقيلها قطع غيار لأن فيها اختلافات عن البطه العاديه ( مثلا سير الدينامو ... المساعدين الأمامي ... المساعدين الخلفى - فعلا مدوخني - سربانتينة التكييف ) والمشكله انى حاولت قبل كده مع التوكسل انى اجيب ازاز جانبي للشنطة ملقتوش برضه واضطريت انى اجيبه من الكويت .. ومن ساعتها مفكرتش اروح التوكيل تانى ... ودي صورة العربيه للى عايز ميعرفش شكلها ...
ياريت اللى عنده فكره الاقي فين قطع الغيار بتاعت العربيه دي الاقيها فين ؟؟؟
08-09-2008, 02:34 AM
MoDyBeNz2008

اهلا بيك في المنتدى
هنا بيتك التاني و انت مش لاقي حاجة لانها مش منتشرة نهائي زي السيدان
و الصور مش ظاهرة
و اتمنى ان حد يفيدك
08-09-2008, 02:37 AM
aRsHoOoD

شكرا يا باشا .. متخيلتش حد يرد بالسرعه دي .. وعالعموم انا عدلت الصورة وظاهره دلوقتي ...
08-09-2008, 02:51 AM
MoDyBeNz2008

اقتباس:

شكرا يا باشا .. متخيلتش حد يرد بالسرعه دي .. وعالعموم انا عدلت الصورة وظاهره دلوقتي ...

الموديل دة ستيشن مش هاتش باك و الصورة ظهرت
08-09-2008, 03:07 AM
aRsHoOoD

ايوة ستيشن الله ينور عليك هو مكتوب كده فى الرخصه برضه بس ما علينا من ستيشن ولا هاتشباك المهم انها مطلعه عيني .... :osama:
08-09-2008, 03:20 AM
MoDyBeNz2008

الموديل ده مكنش بينزل مصر اصلا و استنى رد المهندس طارق ممثل وكيل ميتسوبيشي المصرية في المنتدى و اسئله اذا كانت موجودة ولا لاة و اسعارها ايه
08-09-2008, 10:07 AM
مصراوي جدا

استاذ aRsHoOoD أهلا بيك معانا في المنتدى

هو طبعا اللانسر الستيشن بشكل عام مش منتشرة خالص في مصر انما بخصوص قطع الغيار فباذن الله ممكن يتم تحديدها بالظبط وطلبها

عندنا في التوكيل الكتالوجات الالكترونية لقطع غيار جميع عربيات ميتسوبيشي سواء المصري او الخليجي او حتى الأوروبي والأمريكي

كل المطلوب من حضرتك تدينا رقم الشاسيه بالكامل (حسب ما مكتوب على العربية 17 حرف و رقم ، وليس الرقم المختصر اللي في الرخصة) وتحدد لنا قطعة الغيار المطلوبة (مثلا سير تكييف - مساعد أمامي شمال) وبيتم تحديد رقم الصنف من الكتالوج وتحديد سعره ، وتقوم حضرتك بسداد 50 % من قيمة الصنف مقدما ثم يتم اضافة الصنف لأول طلبية قطع غيار طيران وتصل خلال اسبوعين بالكتير.
08-09-2008, 03:53 PM
aRsHoOoD

ميرسي جدا يا استاذ طارق على الإفاده ....
09-09-2008, 10:00 AM
mohamedway

ادى أحد اهم عيوب العربيات اللى مش منتشره عشان فيه ناس بتعتبر ان من اهم عيوب الانسر البومه هو انتشارها الزائد عن اللزوم و مخنوقه منها؟!!!!؟؟؟؟!!!!!؟؟؟؟؟!!!!!
09-09-2008, 10:08 AM
MoDyBeNz2008

اقتباس:

ادى أحد اهم عيوب العربيات اللى مش منتشره عشان فيه ناس بتعتبر ان من اهم عيوب الانسر البومه هو انتشارها الزائد عن اللزوم و مخنوقه منها؟!!!!؟؟؟؟!!!!!؟؟؟؟؟!!!!!
http://www.nilemotors.net/Nile/image...tons/quote.gif

وجهة نظر سليمة و دة احد مميزات اللانسر