ليه صعب ألاقي قطع غيار العربيه دي ؟

**aRsHoOoD** · 08-09-2008 02:31 AM

السلام عليكم ...
أنا عضو جديد فى المنتدى ده والصراحه عجبني جدا ... وليا استفسار بسيط .. أنا عندي عربيه لانسر موديل 1997 هاتش باك ( لانسر بطه ) والمشكله انى بدووووووووووووووووخ على ما الاقيلها قطع غيار لأن فيها اختلافات عن البطه العاديه ( مثلا سير الدينامو ... المساعدين الأمامي ... المساعدين الخلفى - فعلا مدوخني - سربانتينة التكييف ) والمشكله انى حاولت قبل كده مع التوكسل انى اجيب ازاز جانبي للشنطة ملقتوش برضه واضطريت انى اجيبه من الكويت .. ومن ساعتها مفكرتش اروح التوكيل تانى ... ودي صورة العربيه للى عايز ميعرفش شكلها ...
ياريت اللى عنده فكره الاقي فين قطع الغيار بتاعت العربيه دي الاقيها فين ؟؟؟

**MoDyBeNz2008** · 08-09-2008 02:34 AM

اهلا بيك في المنتدى
هنا بيتك التاني و انت مش لاقي حاجة لانها مش منتشرة نهائي زي السيدان
و الصور مش ظاهرة
و اتمنى ان حد يفيدك

**aRsHoOoD** · 08-09-2008 02:37 AM

شكرا يا باشا .. متخيلتش حد يرد بالسرعه دي .. وعالعموم انا عدلت الصورة وظاهره دلوقتي ...

**MoDyBeNz2008** · 08-09-2008 02:51 AM

شكرا يا باشا .. متخيلتش حد يرد بالسرعه دي .. وعالعموم انا عدلت الصورة وظاهره دلوقتي ...

الموديل دة ستيشن مش هاتش باك و الصورة ظهرت

**aRsHoOoD** · 08-09-2008 03:07 AM

ايوة ستيشن الله ينور عليك هو مكتوب كده فى الرخصه برضه بس ما علينا من ستيشن ولا هاتشباك المهم انها مطلعه عيني ....

**MoDyBeNz2008** · 08-09-2008 03:20 AM

الموديل ده مكنش بينزل مصر اصلا و استنى رد المهندس طارق ممثل وكيل ميتسوبيشي المصرية في المنتدى و اسئله اذا كانت موجودة ولا لاة و اسعارها ايه

**مصراوي جدا** · 08-09-2008 10:07 AM

استاذ aRsHoOoD أهلا بيك معانا في المنتدى

هو طبعا اللانسر الستيشن بشكل عام مش منتشرة خالص في مصر انما بخصوص قطع الغيار فباذن الله ممكن يتم تحديدها بالظبط وطلبها

عندنا في التوكيل الكتالوجات الالكترونية لقطع غيار جميع عربيات ميتسوبيشي سواء المصري او الخليجي او حتى الأوروبي والأمريكي

كل المطلوب من حضرتك تدينا رقم الشاسيه بالكامل (حسب ما مكتوب على العربية 17 حرف و رقم ، وليس الرقم المختصر اللي في الرخصة) وتحدد لنا قطعة الغيار المطلوبة (مثلا سير تكييف - مساعد أمامي شمال) وبيتم تحديد رقم الصنف من الكتالوج وتحديد سعره ، وتقوم حضرتك بسداد 50 % من قيمة الصنف مقدما ثم يتم اضافة الصنف لأول طلبية قطع غيار طيران وتصل خلال اسبوعين بالكتير.

**mohamedway** · 09-09-2008 10:00 AM

ادى أحد اهم عيوب العربيات اللى مش منتشره عشان فيه ناس بتعتبر ان من اهم عيوب الانسر البومه هو انتشارها الزائد عن اللزوم و مخنوقه منها؟!!!!؟؟؟؟!!!!!؟؟؟؟؟!!!!!

**MoDyBeNz2008** · 09-09-2008 10:08 AM

ادى أحد اهم عيوب العربيات اللى مش منتشره عشان فيه ناس بتعتبر ان من اهم عيوب الانسر البومه هو انتشارها الزائد عن اللزوم و مخنوقه منها؟!!!!؟؟؟؟!!!!!؟؟؟؟؟!!!!!

وجهة نظر سليمة و دة احد مميزات اللانسر