الموضوع: تقرير شامل ومفصل عن الـAudi A3 الجديدة مع السعر + الفئة السيدان اللي حتنزل مصر قريب

المشاركة الأصلية كتبت بواسطة Falcon.Crest

الفتيس S-TRONIC 7 speeds فتيس جاف و فيه منه 6 سرعات ده فتيس وت
عايز اقول ان التصميم معتمد علي نفس النظريه الهندسيه للDSG
لكن التنفيذ مختلف و المواد المستخدمه مختلفه
انا كان معايه GOLF6 2011 , و بعدين JETTA 2011 ,بعدين اودي A3 2012 فيه اختلاف كبير بين الانتين فتيس

فيه S-tronic 7 speed و wet والكود بتاعه DL501. مش كل ال7 speeds فتيس جاف
إللى نازل فى الA3 عندك الكود بتاعه كام؟
وهل هو نفس اللى نازل فة الQ3؟

المشاركة الأصلية كتبت بواسطة K.Ossama

فيه S-tronic 7 speed و wet والكود بتاعه DL501. مش كل ال7 speeds فتيس جاف
إللى نازل فى الA3 عندك الكود بتاعه كام؟
وهل هو نفس اللى نازل فة الQ3؟

دكتور الي في Q3 6 speed wet
هاعمل تشيك علي الكتالوج عندي لمعرف الكود بي الي انا متأكد منه انه Dry

المشاركة الأصلية كتبت بواسطة Falcon.Crest

دكتور الي في Q3 6 speed wet
هاعمل تشيك علي الكتالوج عندي لمعرف الكود بي الي انا متأكد منه انه Dry

نسيتنى يا باشا......!!!

المشاركة الأصلية كتبت بواسطة K.Ossama

نسيتنى يا باشا......!!!

دكتور خالد بعتذر عن التأخير
GEAR Code in A3 Sportback 2012 is DSG NQK
production date for mine is March 2012

لسلام عليكم
اسف على الازعاج .... بس معلش علشان انا معرفش حد من مالكى audi a3 sports back وخاصه ان انا من اسكندريه فالرعربيه مش موجود منها غير واحده بس اللى شوفتها .. حتى فى الصالات و عند طارق اسماعيل مش موجوده دايما ..فبستأذنك فى شويه استفسارات

1 - هل الموتور اللى عندك هو الموتور اللى موجود فى 2015 ... وايه اخبار ادائه فى السحب و الشد .. ﻷن على حسب علمى انه موتور 122 حصان
نفس الموتور 1400 tfsi 200 n/m المهم هنا هو العزم مش القدره و العزم بيطلع طله عند 1400 rpm العربيه اكتر من هايله التسارع الرسمي ليها 8.5 لكن عمليا هي افضل من كده و خاصه علي بنزين 95 العربيه بتستجيب لاي دوسه بنزين و سحبها مخيف لازم تكون مركز و انت سايق
العربيه علي s مود بتكون رائعه لكن استهلاك الوقود بيعلي في المود الرياضي
استهلاك الوقود 6.5 لتر في المدينه علي الطرق السريعه بيقل ممكن 5 لتر لكل 100 كم - بس خلي بالك انا مشواري مش زحمه


2 - ايه اخبار الاعطال لاقدر الله اللى قابلتها مع العربيه ... وايه اخبار التوكيل معاك
للان الحمد لله مفيش اعطال تخلي العربيه تتركن العربيه عملت بيها 52000 كيلو متر و مفيش اي مشاكل مجرد صيانه دوريه الوكيل معاملته ممتازه عمر ابني صب ليه مياه في العربيه و طبعا الكاسيت باظ و السي ددي كمان اتغير في التوكيل علي حسابهم بس طبعا جابوه من المانيا في شهر بس عادي العربيه مش وقفت _ موقف تاني الصيانه اتاخرت و العربيه كانت لازم تبات جابولي عربيه بسواق وصلني لغايه البيت الحاجات دي عاديه بره بس في مصر بنقولها علشان مش متعودين عليها

3 - ايه اخبار اسعار قطع الغيار اللى احتكيت بيها و أسعار الصيانات

قطع الغيار علي حد معرفتي شامل ضريبه و مصنعيه و تركيب
الردياتير 3000 - شبكه فوج امامي 350 - مساحه خلفيه كامله برشاش 750 - اكصدام خلفي بالرش 3800 - زجاج امامي بنفس البارت مبلر 4100 - بلوتوث 900 - مثبت سرعه 2500 -تيل فرامل خلفي 425

4 - ايه اخبار علوها عن الارض ووسعها الداخلى
الارتفاع عن الارض 11 سم الشنطه 360 لتر - الكنبه الخلفيه معقوله
5 - هل فيه عيب فى العربيه لا قدر الله بتشتكى منه او حاجه مش عاجباك فيها
العزل مش عاجبني و مفيهاش استبن و بتيجي من غير فرش جلد

اسف على الاطاله ... بس معلش سامحنى العربيه نادره و محتاج اعرف عنها اى حاجه من حد موثوق مش من حد من المبيعات ... ولو تحب انك تنقل الرساله دى و ترد عليها ان امكن فى الموضوع اللى خاص بالعربيه a3 فى قسم اودى لتعم الفائده مفيش مشكله ...... ومتشكر ليك جدا

انا تحت امرك في اي حاجه تانيه ممكن اكون نسيتها و انا برد عليك

الفتيس بتاع موديل a3 sportback
هل له عيوب او ملاحظات

العربية عموما عيوبها ومميزاتها ايه ؟؟؟