الموضوع: شارك ولا بوما !

بعد رحلة البحث فى رينج 85 الف عن حاجة مستعمل اوتوماتيك كان دول افضل خيارات مع الانترا بس مش مركز معاها و شايف ان الميتسوبيشي افضل

ما علينا

النقطة هنا بقي بعد قراءة مواضيع كتير على المنتدى هنا و اسئلة لناس برا


بوما اوتو 1600 Vs شارك 1500 اوتو

كل واحدة ليها مميزات
البوما قطع غيار متوفرة اكتر و ارخص شوية مع موتور اقوى واعادة بيع اسهل بسعر افضل
الشارك ثبات أفضل استهلاك بنزين افضل, ويمكن العزل افضل بدرجة بسيطة مع شكل افضل بالنسبة ليا داخليا وخارجيا و كمان هتبقي موديل 2008 يعني ماشية اقل على الطريق (و لو ان سنة مش هتفرق كتير مع لانسر طالما الحالة تمام)

العيوب معكوسة
البوما استهلاك بنزين عالى شكل اقل نوعا ما ثبات اقل نسبيا
الشارك قطع الغيار اغلى و اقل شوية فى التوافر غير انها اقل نوعا ما فى اعادة البيع


حاسس اني اللي هوفره قطع غيار في البوما هدفعه بنزين خصوصا اني شوفت ناس بتشكر فى استهلاك الموتور ال 1500 المايفيك و ان السحب مش سىء و اكيد افضل من ال 1300 .. و شكوى من استهلاك ال 1600!

يعني قولت ان موتور الشارك اداءه متوازن ما بين قوة ال 1600 و استهلاك ال 1300. مع ثبات افضل

حاسس اني مايل للشارك

بس رأيك هيفيدنى, خصوصا اصحاب السيارتين.

ايه رأيكم ؟

بالسعر ده شارك لا
بومة هيكون افضل علشان السعر مش العربية
والله اعلم