اول مشاركة ليا فى المنتدى واتمنى متكسفونيش .منتظركم

السلام عليكم

سعيد لتواجدي فى منتداكم الرائع .. ودة اول موضوع ليا فية وان شاء الله مش الاخير طبعا

كنت حابب استفسر من حضرتكم عن شي ..

انا عاوز شقة تكون مساحتها متوسط من 110 لحد 150 .. مش هتفرق كتير .. وتكون فى حدود 200 الف .. ومش مشكلة لو الثمن دة ونص تشطيب .. المكان حقيقي مش محدد شي لان لسه بدرس ودي الشقة اللي هتجوز فيها .. بس فى غالب الامر اكيد الشغل بالنسبة لمجالي هيكون وسط البلد او فى اكتوبر .. فا المكان ممكن يكون فى وسط البلد او اقرب الاماكن لوسط البلد .. ولو مفيش يبقى امرنا لله اكتوبر .. انا فكرت فى حدائق الهرم " الهضبة " البوابة 4 .. وبجد جميلة وعجباني

بس حابب اعرف رايكم .. وياريت يكون مكان راقي مش شعبي ! ايه اقتراحاتكم ؟

شوف اقرب مكان من شغلك ... العملية مش مستحملة مرمطة في المواصلات ..
لو هتروح بعربيتك يبقى على قد ما تقدر المشوار يكون في حدود 20 كيلو عشان ميبقاش محتاج ميزانية لوحده ..

ما انا كاتب مكان شغلي المحتمل اما وسط البلد او اكتوبر

ف شقة فى الزاوية الحمراء تبع واحد معرفة 4 اوض وصالة وحمام هى تبع واحد معرفة تنفع معاك ؟

اقتباس:

---

المشاركة الأصلية كتبت بواسطة محمد فرج

ما انا كاتب مكان شغلي المحتمل اما وسط البلد او اكتوبر

---

المسافة كبيرة بين الاتنين ... لو انت بتتحرك بعربيتك حاول تكون قريب من الدائري عشان الامور تكون اسهل ...

أنا عندي شقة في زهراء مدينة نصر قبل الدائري ب 200 متر ... لو الموضوع همك ابعتلي وأقلك تفاصيل أكتر

لو شغلك فى اكتوبر ماشى انما وسط البلد ممممم محتاجة تفكير فى خيارات تانية
عموما حدائق الأهرام حلوة والبوابة الرابعة احسنها بس فيها بعض السلبيات اتمنى تتحل ان شاء الله

ايه تفاصيل شقة زهراء مدينة نصر ؟

وتسملوا يارجالة على تفاعلكم وكرم اخلاقكم

بص يا سيدي
الشقة مساحتها 150 متر
دور سابع
يوجد أسانسير
متشطبة بالكامل ، أنا حاليا قاعد فيها
بينها وبين الدائري مفيش 200 متر
على شارع رئيسي
والسعر 250 ألف ، كاش وبتسهيلات

لو فى اكتوبر السعر دا هيكون قليل شويه ممكن يكون من 220 الى 250 علشان تلاقى حاجه معقوله وفى حى كويس والمساحه ال انت طالبها

6 اكتوبر طبعا احسن اختيار
محتاج تدور شويه و هاتلاقي اللي انت عاوزه ان شاء الله

تسلموا لردودكم