قربة مياه الردياتير

**elandlos** · 15-09-2013 02:03 PM

السلام عليكم جميعا ورحمة الله وبركاته
اسعد الله اوقاتكم جميعا ووقاكم الله شر القولون العصبى وارتفاع ضغط الدم وبوادر الذبحه من جراء ما تمر به بلادنا من فتنه ولخبطه والله وحده المستعان ولا كاشف لها الا هو.
ياشباب قربه الردياتير مشروخه من اعلى وطبعا المياه بتنقص منى بسبب البخر المستمر حاولت الحمها وفشلت كل الطرق مكسل اشترى وحده استعمال وعايز احل المشكله عائليا دحنا مصريين وكلنا فنانين .
دمتم فى رعاية الله .

**المنسي** · 15-09-2013 03:37 PM

حج على كلنا هنا بنحاول نساعد بعض على قدر المستطاع بس موضوع القربة حصل معايا وفشلت كل محاولات اللحام وفى الاخر اشتريت واحدة استيراد وكانت سودا ومهببة من جوا وبعد ماروحت غسلتها ونظفتها جامد جدا واتضح انها فيها شق طولى من الداخل اى انها فى بداية التشقق فنصيحة منى هات واحدة جديدة اصلية بالغطاء بتاعها هيكون افضل لان حتى اللحام بيبقى فيه تنفيس وبيخلى دورة التبريد مش مظبوطة والمروحة بتفضل شغالة على طول

**أحمد جودة** · 15-09-2013 04:14 PM

زي ماقللك استاذ منسي غير القربة بالغطا واكسب العربية

لاقدر الله الغطا لو فك بالكامل من مكانة وماخدتش بالك من الحرارة هتجيب معاك جوان علي الاقل

بلاش كسل اللى هتعبله مشوار ساعتين بكسلك دة ممكن تتعب ايام قصادة

اسف على كلامي بس اعتبرها نصيحة من اخ

**sakr_skoda** · 15-09-2013 06:27 PM

لا يصح اى لحمات فى القربة لوجود ضغط عال بها وارتفاع فى درجة الحرارة الحل الوحيد استبدالها بواحدة جديدة وسعرها مش غالى انا حاولت قبلك الحمها بشتى الطرق وفشلت واخيرا استبدلها بواحدة جديدة ب40 جنيه....