إبراهيم نصر..بمليون ونصف الميلون دولار!

**م. تيمور** · 08-09-2008 04:44 AM

انتهى إبراهيم نصر من تصوير كل حلقات برنامجه الجديد "هيما غاوي سيما" وهو من نوعية الكاميرا الخفية، ويتم عرضه في شهر رمضان على قناة "إم بى سى"
يذكر أن إبراهيم نصر تقاضى مليونًا ونصف المليون دولار للموافقة على تقديم البرنامج، بينما وصلت تكلفة البرنامج ثلاثة ملايين جنيه دفعتها الشركة التي تشارك في إنتاج البرنامج مع قناة إل إم بى سى.
إبراهيم نصر تعاقد مع شركة خاصة على إنتاج البرنامج قبل أن تعرض عليه هذه الفضائية المشاركة في الإنتاج مقابل زيادة أجره لمليون ونصف المليون دولار مقابل عرض البرنامج حصريا على شاشتها، وهو ما جعل إبراهيم نصر يتوصل لصيغة اتفاق بين كل من الشركة والفضائية للاشتراك فى إنتاج المسلسل.
البرنامج مكون من 33 حلقة تم التجهيز لها وتصويرها في ثمانية أشهر حيث يقوم إبراهيم نصر في الحلقات بسبع شخصيات مختلفة من مختلف الأعمار منها الرجل، والمرأة، والمصري، والخليجي، وغيرها..

**Ahmed Samy** · 08-09-2008 04:48 AM

خليهم يشربوه

**Hussein_Ramdan** · 08-09-2008 07:37 AM

ابراهيم نصر خلاص بقا محروق
ياعم دة اكل وشرب ونام وعاش حياتو على شخصية ذكرية ذكريا لما اخلاص الناس زهقت والشخصية اتحرقت

**Hossam_Hassan** · 08-09-2008 12:10 PM

هو لسه عايش؟

**مصراوي جدا** · 08-09-2008 01:17 PM

كلنا بقينا عارفين ان الكاميرا الخفية اصبحت تمثيلية الممثلين اللي فيها هما مقدم البرنامج (ابراهيم نصر أو غيره) والناس اللي بيتعمل فيهم المقلب برضه ممثلين علشان التمثيلية تطلع بالشكل اللي هما عاوزينه بدون اي خروج عن النص او حدوث امور غير متوقعة زي الضرب مثلا

فالقصة بقت بايخة اوي واحنا عارفين ان كلهم ممثلين في بعض

**م. تيمور** · 08-09-2008 04:19 PM

ياجماعه ليه كل الزعل ده من البرنامج وابراهيم نصر ..
الراجل دمو خفيف وممثل ليه حضور وشعبيه .. يعني بزمتكم مش بتتفرجوا عليه وبتشدكم المواقف بتاعته وبتتابعوها ..
بعدين انا مش شايف انه بالبشاعه دي والا ماكونوش دفعوا ملايين الدولارات دول ناس محترفين وفاهمين بيعملوا ايه ..
احترامي لكل وجهة نظر ولاصاحبها الكرااااام ..