اسباب ارتفاع معدل استهلاك الوقود 320 كم لكل 45 لتر بنزين 92 ؟؟؟؟؟
عرض للطباعة
اسباب ارتفاع معدل استهلاك الوقود 320 كم لكل 45 لتر بنزين 92 ؟؟؟؟؟
يا جماعة انا عندى عربية كيا سبكترا 2005 وعاوز ابيعها للتغيير فقط الثمن 40000 الف السعر قابل للتفاوض المواصفات : زجاج كهربة وعفشة مشدودة ورشة برة نظافة وفرش الصالون فبريكة والكاوتش والبطارية شبة جداد حالة العربية عامة جيدة ولكن محتاجة لوش نظافة العنوان فى فيصل واسمى عمرو ودة رقم تليفونى 01128762349 اسف لو كنت طولت بس ياريت تساعدونى
معلش انت بتحسب الاستهلاك اذاى يعنى دا ال مكتوب على كمبيوتر العربيه ولا بتحسبها عدد لترات انت مونتها وعدد كيلو متر انت مشيته
بتحسبها اذاى وهل حساباتك بالتكييف ولا بدون والعربيه عامله كام كيلو
صديقي المواطن هو مش عالي أوي يعني إنت بتعمل معاك اللتر 7.1 كيلومتر في التكييف فإنت تنظف الرشاشات وتغير البوجيهات وتركبها على أبوها متخليش الميكانيكي يلعب في الخلوص بتاعها وتغيرلي فلتر الهواء وممكن توصل معاك 9 كيلو متر في اللتر نظرا ﻷن الكارينز تقيلة على موتورها ودمتم للنضال
تم تغير البوجيهات وفلتر الهواء
وهذا الحسابات طبقا لقيادة 100 ك/الساعة بالتكيف وعلى طريق سريع
تم تغير البوجيهات وفلتر الهواء
وهذا الحسابات طبقا لقيادة 100 ك/الساعة بالتكيف وعلى طريق سريع
والعربية عاملة حوالى 80000
صديقي المواطن
إذن.فقط تنظف حساس البوابة ال آي سي واارشاشات فإن.لم يتحسن صرف الوقود فلا بد من تغيير الرشاشات بجديد ودي غالية جدا الواحد ب 375 جنيه بس اﻷول نظف الرشاشات هات 6 علب منظف رشاشات من التوفيقية.أبو 20 جنيه حط في أول تموينة 4 وغير فلتر البنزين قبلها وعيش حياتك تموينة 92 والتموينة اللي بعدها تحط 2 الباقيين وتمشي بيها حتلاقي الرشاشات ودورة.الوقود رجعت جديدة وإحرص من ضمن ال 6 علب بيكون واحد منظف صبابات ومتجيبش الحاجات الغالية أم 68 جنيه العلبة حتتعبنا من.غير إنجاز والتموينة.الثالثة تغير فلتر البنزين تاني ومتسمعش كلام أي مواطن يقلك واحد.أو إثنين كفاية.أنا مجرب في عشرات العربيات مش عربية ولا عربيتين ولو مش عايز تعمل ده فنظف بجهاز اﻷلتراسوند وده ليه عيوبه وليه حسناته ودمتم.للنضال
صديقي المواطن
البوابة تتغير في حال إتفكت بره وإتنظفت ثم ركبت والعربية.إتبرمجت ومأدتش أداء صح يبقه تتغير أما جهاز الالتراسوند أو ألألتراسونيك فده جهاز تتفك رشاشات العربية.بره وتركب فيه ويتحطله مادة منظفة ويقوم.الجهاز.بمحاكاة ظروف.تشغيل العربية بس بدل البنزين.بيتحط مواد منظفة ويقعد يفحص الرشاش لغاية ميبقه رشاش بيرش مش بينقط ولا بيسيل وإحنه بنستغني عن الموضوع ده ب 6 علب منظف رشاشات وفلترين بنزين وفلتر هواء وبوجيهات وتموينتين بنزين ونعيش اللحظة طبعا تنظيف بالجهاز وطني ومحترم بس يعيبه مش كل حد يظبط فك وتركيب الرشاشات بدون مشاكل خصوصا للعربيات اللي فيها مننافل معقد ودايما بيحصل تهريب هوا في التقفيل وممكن.يتظبط من أول مرة.وأحيانا يطلع رشاش خاين الوطن وعطلان فلازم يتغير والرشاش الجديد ب 375 والمستعمل ب 100 إلى 150 تقريبا أما 6 منظفات من التوفيقية ب 120 جنيه نفسها هي هي في البنزينات حتعدي ال 200 وموضوعك بسيط ودمتم للنضال
ملحوظة حلولي متطرفة.بس عن تجارب بعشرات العربيات وعلبة أو علبتين أو تلاتة منظف لن تؤدي المطلوب ودايما بخش بنقاشات مع بتوع أجهزة تنظيف الرشاشات لفشل المنظفات في التنظيف فالسبب إنك بتحط علبة علبة على 60 لتر وفب الجهاز بيحطوا علبة على لترين أو ثلاثة ودمتم للنضال ملحوظة.المواد دي لا ضرر منها على مواسير وتنك العربية والطرمبة كما.حدثت من إدعاءات غير وطنيه هنا في المنتدى
والله ياستاذ صدام انا باستفيد جدا من معلوماتك الغزيره في عالم السيارات
يعني علبه واحد ه لاتصلح للتنظيف
طب ايه رائيك في المنظفات اللي بتباع في محطات البنزين
طب والي عربيته عامله 11000 وبتسنهلك برده من 300 الي 350 كيلو في التفويله مع التكيف وحوالي 20مطب يوميا
هل من مجيب
سؤال فنى حساس ال o2 راكب فين فى الموتور مع ان معلوماتى بتقول انهم 2 مش حساس واحد
صديقي المواطن
المنظفات دي عملوها لعربيات تعتبر نظيفة مش لعربياتنا وإستعمالنا وجونا.ووساخة بنزيننا الوطني ثم حضرتك إنت بتكلم واحد بيجيب خلاصة.الخلاصة روح حط واحد من أغلى نوع وسمعني أخبارك حتلاقي مفيش فرق أكتر من 10% وكمان أنا مش مجرب في عربية.ولا عربيتين ولا ثلاثة ولا خمسين ولا 150 أنا مجرب في أكثر من 300 عربية وأنا بنصح في المنتدى عن تجارب ولا أنصح عن سمع ولا عن نقل وكمان أنا قاعد مع كذا بتاع جهاز تنظيف رشاشات بالجهاز القديم والحديث ومعلومة أضيفهالك المادة دي لا تأثير لها بتاتا على العربية زادت أو قلت ومفيش فيلم اللي بتاكل مواسير وتنك وطرمبة.واﻷفلام دي أحيانا بسافر سنة وسايب العربية بتاع سنة وماشية أكتر من 250 ألف كيلو و آجي أدور مفيش أقل من.ربه سنة مارش العربية تدور
ودمتم.للنضال
وإنت صح وأنا خطأ
صديقي المواطن
جزاك.الله.عني خيرا وأنا في خدمتك
علبة.واحدة.لا تصلح ولا إثنان ولا ثلاثة
التأثير يبدأ من 3 منظف رشاشات وواحدة.منظف صبابات وبعض السيارات شديدة الضياع تحتاج ل 6 علب على تفويلتين أم 70 لتر مع.تغيير بوجيهات وفلتر هواء وفلترين بنزين أما التنظيف بعلبة واحدة فده واجب في مصر مرة.واحدة.شهريا بعد متكون عربيتك زيرو أو لسه منظف تنظيفة شديدة اللهجة على فكرة.فيه أنواع مكتوب عليها يوضع مع كل تموينة
أما منظفات في البنزينة فهي نفسها جاية من التوفيقية لكن الفرق البنزينة بتفرض عليك نوع واحد ويقلك 68 أو 45 إنما في التوفيقية هو.نفسه بيبدا من 15 أنا بحط وينز بنفسجي ب 20 في الجملة وهو بيعمل واجب أفضل من.أبو 68 جنيه والله على ما.أقول شهيد
اﻷخوة المواطنون أنا أكثر حد في الجمهورية بيحب عربيته وأنا بصرف على عربياتي أكثر من أكلي وشربي أنا بغير زيت المحرك ب 800 جنيه تقريبا وفي الغيار بقعد ساعة ونص وبغير 4 فلاتر زيت.في كل.مرة.فمش معقولة حعمل حاجة تضر عربيتي ودمتم.للنضاب
طيب محدش يعرف حاجة عن ال o2 سينسور أو حساس الشكمان طب هما واحد ولا إتنين وراكبين فين فى الموتور وأسعارهم ؟؟
وهل ممكن حد يفدنى عن حد بتاع شكمانات بس يكون محترف يكشفلى على شكمان الكارينز