فى اي حل لفرامل الهوندا سيفيك 2008

**rshemary** · 15-09-2013 06:04 PM

مركب فرامل جديدة فى التوكيل و الكوتش جديد بريدج ستون مكملش اسبوعين .. العربية كانت حتروح في داهية النهاردة فى شارع التسعين نقل بمقطورة لف مرة واحدة .... دست فرامل على الاخر وقفت بالعافية .... الحمد لله رب العالمين ... لو حد عنده اي معلومة لتقويه الفرامل ياريت يقول اي معلومة ....... شكرا

**ياريساوي** · 15-09-2013 08:25 PM

سواقين النقل دول اقل حاجة تتقال عليهم ان اغلبهم قتلة تلاقيه يحدف عالملاكي يربك السواق و ممكن يتسبب في قلب العربية و هو ولا على باله تلاقيهم بيفرغو زيت عالطرق و يتسببوا في حوادث ممكن تروح فيها اسر و هما ولا على بالهم تلاقيهم بيعملوا غرز على سرعة و يكسر على العربيات الملاكي عشان هما كروديات و هو سواق بروفيشنال و ياخد اليوتيرن من غير ما يبص او يطلع مرة واحدة و الي في المقابل يفرملوا و يخبطوا في بعض و يمشي و لا كأنه عمل حاجة ربنا يستر طريقك و طريقنا و ربنا يرحمنا من غشومية السواقين الحمير

**الشقنقيرى** · 15-09-2013 09:46 PM

اظبط فراملك فى التوكيل لانه ال abs ليه ظبطه حساسيه هناك

**ahmedabeed** · 17-09-2013 02:32 PM

انا عندى نفس المشكلة ومش عارف برده بس ممكن نوع زيت الفرامل يكون سبب شوف الزيت الاول وياريت لو حد يعرف مكانيكى كويس نشوف عنده الفرامل ويكون شاطر

**No Comment** · 17-09-2013 03:00 PM

حضرتك لو 2008 يبقى الفرامل عندك ورا طبلة ... ممكن تعدل الفرامل الخلفية لديسكات بتاعت 2009 والموضوع سهل ان شاء الله وزمايل هنا عدلوه والفرامل أصبحت أفضل

**Mohammed202020** · 17-09-2013 05:23 PM

إزااااااااااااااااي أكتب موضوع جديد يا جدعان انا جديد هنا وعايز اكتب موضوع ومش عارف ادوس على اية ولا اروح فين

**TawdeeB** · 17-09-2013 06:42 PM

انا نفس المشكلة تقريبا على السرعات العالية بتحس ان الفرامل بتعمل زى تقطيعه كدة يعنى لما بتفرمل بتاخدها على مراحل شوية اعتقد من ال abs عاوز يتظبط شوية فى التوكيل