احترام الكبار في السن / مابين الادب وبين خالتك امو عبدو :)

**Y a r i s** · 16-09-2013 03:00 AM

احترام الكبار في السن /
مابين الادب وبين خالتك امو عبدو :)

زمان على ايامنا لم كان راجل كبير في السن يغلط او يبمبر بكلمتين كنا بنسيبوا يبمبر ويقول كل الي هوا عاوزوا. لاننا لو ردينا عليه هتلاقي الناس كلها تغلطنا وتقول. ازاااي ترد على رجال قد ولدك. عيييييب اختشي ميصحش الخ الخ

المهم

كنت في شركة تي اي داتا بالضبط في فرع ٦ اكتوبر الحي الاول

المهم كان زحمة كتير بسبب ان السيستم دايم بيوقع ، المهم في وسط الزحمة لقيت راجل عجوز واقف على الشباك الي جمبي. طبعاً انا مفهمتش الموضوع وميهمنيش افهم الموضوع بس عاوزكم تشوفوا الي حصل. ... الراجل بيقول للموظف ( الشاب الامور المسمسم ) يعني بتاع ٢٤ سنة كدة ياختي عليه وعلى جمالوا ...

المهم الراجل العجوز. بيقول للموظف دلوقتي انا دفعتلك ٣ تشهر. ايمتى المفروض اجي ادفع تاني. !!
الموظف : معرفش ياحج لان الحسابات هما الي بيحددوا لانك متاخر في السداد
( طبعاً الموظف بيتكلم وعينوا مش في عين العميل اساساً وده عدم احترام للي بيكلمك وعدم مباااالاه !!
الحج : ايوه بس الانترنيت مقطوع. عندنا في البيت يا ابني .
الموظف : انشاء الله في خلال ساعتين هيرجع.
الحج : طيب بس انا عاوز المفروض اجي ادفع ايمتى
الموظف : اتصل على ١٩٧٧٧. وهما هيفيدوك
الحج : يبني ما تحسبهالي كده تقريبي
( طبعاً انا مش فاهم ايه تالت تشهر ومش فاهم اي حاجة من حورهم. )
المهم الحج اتنرفز على الموظف حتت العيل الي ميعرفش حتى الف باء خدمة العملاء ... وعلى صوتوا. وهو بيقول يا ابني احسبها كده تقريبي علشان عاوز اعرف ايمتى وقت الدفع الي جي ... الموظف على صوتوا اكترررر وبوق في الحج قلتلك معرفشششش معرففشششش معرررفش اكتبهالك على ورقة. يا حج. طييييب اهو معررررفش لا اعلم .. طبعاً بصوا انا بصراحة الموظف استفزني. لمن راجل قدامك ٦٠ او ٧٠ سنة. بلاش اقولك عميل راجل كبير قد ولدك قد جدك المهم. ترفع صوتك عليه بالشكل ده وتعاملوا باسلوب حقير بالشكل ده

المهم كل ده وانا ماسك نفسي ... وعاوز اهب في الموظف واقلوا متحترم نفسك يا وله راجل قد ابوك ... عمال تبوق وتعلي صوتك فيه. ... هاودوا وقالك احسبهالي بالتقريب. احسبهالوا وخلاص احنا في شهر تسعه حالياً قولوا. يا اخي قدامك تسعه وعشرة وحداشر. تقريباً والحسابات. برضو هيا هتحدد اكتر اما مش تبوق في راجل قد ابووك يا قليل التربية والادب يا عديم الاخلاق. ومش ناقص غير تاخود الراجل الكبير قلمين وكل ده علشان رفع صوتوا شوية عليك !!!

طبعاً كل الكلام ده محشور في. حنجرتي وعاوز اقولوا. بس بقول عيل سفيه هيسيب الراجل العجوز ويمسك فيا انا ... بس من جوايا قعدت اقول اصبر اصبر مش عاوزك تتكلم دلوقتي الموضوع هيدها لوحدوا مش ناقصه شعلله
المهم وانا عمال اماسك نفسي وعاصر على نفسي لمونة لقيت شب تاني اتكلم. وبيدافع قولت الحمدالله احمدك يارب. اكيييد الشب ده هيوقف في صف الراجل الكبير ويقول للموظف. عيب مش كده ... عيب ميصحش ... ده راجل قد ابوك. احترم سنوا يا اخي ... بصيت لقيت الشب العميل بيقول للراجل الكبير يا حج. مانتا الي جي متاخر على ميعااااااادك !!!

فجئة لقيت نفسي بقول يا سلالالالالالالالالالالالا لالالالام. ايه الحلاوة دي يا ابني انتا وهو
وهو اي عميل يتاخر على ميعادوا يتعامل بالشكل ده
انتوا في ايه انتوا الاتنين مفيششششش احترام للسن مفيش اددددددددددب مفيش اخلاق ... بصيت لقيت واحد بيقولي حضرتك مش فاهم الموضوع. ... قلتلوا. بلا موضوع بلا مش موضوع انتا لسه هتحكيلي راجل كبير في العمر اكيد اقل حفيد ليه اكبر منك ذات نفسك ميصحش تكلموه بالطريقة دي !!! بس وخدت بعضي وقلت يا فكيك بدل ما يسيبوا الراجل العجوز ويمسكوا فيا انا .

بس الملاحظ الان : او الموضوع مش شركة تي اي داتا اموا سيستم كل شوية يوقع ... ولا المقصود بالموضوع الموظف الغير كفئ. الي مش عارف يتعامل مع الزباين والعملاء ... لكن المقصود. بصفة عامة. ازاي انتوا كشباب. تشوفوا راجل كبير في السن بيزعق تقوموا تبوقوا فيه وترفعوا صوتكم عليه ... طيب هل ترضى حد يبوق. في ولدك او يرفع صوتوا على ولدك ... هل ترضى كل الناس تتشطر على ولدك وهو لوحدوا .... طيب ماهو لو انتا رحمت ولدي اكييد انا هرحم ولدك
فين يا جماعة احترام الاب فييييييين ... هيا الشيبة دي ملهاش اي اعتبااااااار !!!
الشعر الابيض ده ملهوش. شوية رحمة شوية شفقة !!
ازاي نكون بشر او بني ادمين ... وقلوبنا اتنزع منها الرحمة والشفقة والقدوة الحسنة ازاي !!

@@@@@@@@@@@
واسف على الاطالة
وتحياتي

**canner** · 16-09-2013 09:48 AM

المشكلة من وجهه نظرى لها كذا سبب

1- تربيتنا زمان كانت بأحترام يعنى مثلا كنت تقدر تقعد على راحتك فى البيت قدام والدك طبعا لأ ده الواحد اساسا لو ابويا دخل عليا و انا بقرا حاجة بروح اقعد فى حته تانية علشان مايصحش اقعد قدامه كده

2- الاباء و الامهات معودين ابنائهم عليهم عادى يعنى بينادوهم بأساميهم عادى و بياخدوا عليهم عادى و ده من وجهه نظرى مش صح

3- الابناء لما يغلطوا و الاباء تعرف الغلط ده و ماتعاقبهمش ح يبقى الغلط ده عادى و ح يزيد اكتر

4- التربية فى المدارس باظت بسبب الدروس الخصوصية و على رأى رمضان مبروك ابو العالمين : انا لما اكل كيك عند العيل اقدر ارفع عينى فيه ازاى!!!!

5- عدم وجود رقابة فى العمل يعنى واحد زى اللى شغال ده لو فيه مراقبة عليه من الشركة و يعملوا زى ما شركات صيانة العربيات ما بتعمل و يتصلوا بالعميل بعد كل صيانة او تجديد اشتراك و يسألوه عن مستوى الخدمة و رأيه فى الموظف ماكنش عمل كده

6- سبب اخير و ده طبعا المنتشر على الكل و هو حال البلد و كمية العصبية و الاحتقان الموجودة فى الناس و كمية الضغط العصبى و النفسى اللى مش طبيعى اللى احنا فيه بقالنا كام سنة و لو عاوز الانصاف فالشعب ده مفروض كله يطلع مصيف جماعى علشان اعصابه تهدى شويه

7- انا دلوقتى عن نفسى بحاول اقلل كمية الاحتكاك بينى و بين خدمة العملاء يعنى لو مشوار خلص بالتليفون او الدفع بالماستر كارد بعمل كده و كفى المؤمنين شر القتال

**Mohamed_Hamid** · 16-09-2013 09:56 AM

ياباشا دى مش مشكلة تى اى داتا دى مشكلة مجتمع. الله أعلم اتوقع ان الواد العميل اللى اتدخل ده عمل كدة علشان يكسب بنطة عند الواد بتاع خدمة العملاء علشان يخلصله مصلحته! متستغربش دى ثقافة المجتمع زى لما تكون راكب تاكسى او ميكروباص وتلاقى السواق زنق على واحد تانى راكب عربيته مثلا يروح سواق التاكسى يغلط فيه والراكب يأيد السواق ويقول له هو اللى غلطان ده ابن ستين تيت كمان! دى بقت عقيدة فى الشخصية المصرية: النفاق والتلون.

**amr011111** · 16-09-2013 10:11 AM

ده نتيجه تراكمات كتير وده افرز شخصيات زى محمد سعد ( اللمبى ) اللى بعد زمن هيقولوا انه هوه كان بيمثل عبيط السينما المصريه
ومحمد رمضان اللى اخره اقول ايه بس. واخيراً وليس اخراً اوكا واورتيجا وشحته كاريكا ( بس الجمله ماشيه على السجع )
عندك ميل شكاوى تى اى داتا ابعتلهم اسم بتاع خدمة العملاء علشان يحترم نفسه

**mesaharaty** · 16-09-2013 11:09 AM

أنا كان عندى مشكلة عويصة جدا مع فودافون وماخلصتش إلا بقلة الأدب والزعيق والتهكم والتهديد والتصعيد واللى مايشترى يتفرج والرخامة والردود البايخة وكل اللى نفسك تقوله .
وبعد كده تقوللى خدمة عملا ؟؟
مفهوم خدمة العملا ده غير موجود أصلا فى مصر ولا يمكن تطبيقه .

**Y a r i s** · 16-09-2013 12:27 PM

المشاركة الأصلية كتبت بواسطة canner

المشكلة من وجهه نظرى لها كذا سبب

1- تربيتنا زمان كانت بأحترام يعنى مثلا كنت تقدر تقعد على راحتك فى البيت قدام والدك طبعا لأ ده الواحد اساسا لو ابويا دخل عليا و انا بقرا حاجة بروح اقعد فى حته تانية علشان مايصحش اقعد قدامه كده

2- الاباء و الامهات معودين ابنائهم عليهم عادى يعنى بينادوهم بأساميهم عادى و بياخدوا عليهم عادى و ده من وجهه نظرى مش صح

3- الابناء لما يغلطوا و الاباء تعرف الغلط ده و ماتعاقبهمش ح يبقى الغلط ده عادى و ح يزيد اكتر

4- التربية فى المدارس باظت بسبب الدروس الخصوصية و على رأى رمضان مبروك ابو العالمين : انا لما اكل كيك عند العيل اقدر ارفع عينى فيه ازاى!!!!

5- عدم وجود رقابة فى العمل يعنى واحد زى اللى شغال ده لو فيه مراقبة عليه من الشركة و يعملوا زى ما شركات صيانة العربيات ما بتعمل و يتصلوا بالعميل بعد كل صيانة او تجديد اشتراك و يسألوه عن مستوى الخدمة و رأيه فى الموظف ماكنش عمل كده

6- سبب اخير و ده طبعا المنتشر على الكل و هو حال البلد و كمية العصبية و الاحتقان الموجودة فى الناس و كمية الضغط العصبى و النفسى اللى مش طبيعى اللى احنا فيه بقالنا كام سنة و لو عاوز الانصاف فالشعب ده مفروض كله يطلع مصيف جماعى علشان اعصابه تهدى شويه

7- انا دلوقتى عن نفسى بحاول اقلل كمية الاحتكاك بينى و بين خدمة العملاء يعنى لو مشوار خلص بالتليفون او الدفع بالماستر كارد بعمل كده و كفى المؤمنين شر القتال

. فعلاً انتا شخصت المشكلة في سبع نقاط جوهريين
ولازم بجد علاج مجتمعي ليهم ... لان تصور بمنتهى البساطة في يوم من الايام احنا هنكبر في العمر وجسمنا هيضعف. هل معقول على اخر ايامنا نتبهدل من الاجيال الوسخه الي جيه ... ياجماعه انا حاسس اننا. بنحفر قبورنا بايدينا. ... وبقينا نصنع سلاح لقتل انفسنا ... لو سكتنا على الغلط فمسير الغلط يلوشنا ... ومش بعيد لمن اوصل سن الستين الاقي عيل يشتمني او يديني بالقلم او بالشلوت في وسط احفادي ... وتحياتي

المشاركة الأصلية كتبت بواسطة mohamed_hamid

ياباشا دى مش مشكلة تى اى داتا دى مشكلة مجتمع. الله أعلم اتوقع ان الواد العميل اللى اتدخل ده عمل كدة علشان يكسب بنطة عند الواد بتاع خدمة العملاء علشان يخلصله مصلحته! متستغربش دى ثقافة المجتمع زى لما تكون راكب تاكسى او ميكروباص وتلاقى السواق زنق على واحد تانى راكب عربيته مثلا يروح سواق التاكسى يغلط فيه والراكب يأيد السواق ويقول له هو اللى غلطان ده ابن ستين تيت كمان! دى بقت عقيدة فى الشخصية المصرية: النفاق والتلون.

. ودي كمان نقطة مهمة يا استاذ محمد
فعلاً معاك فيها مليون في المية ... وتصرف غريب غريب غريب ... لا والاغرب لمن سواق ميكروباص يجي مثلاً يتطاول على زبون فتلاقي الزباين تسكوت ومحدش يتكلم. لأ وايه يتضامنوا. مع سواق الميكروباص ويسكتوا الزبون الي زيهم ويقولوا اسكت بقه عاوزين نوصل. ( اطلع ياسطة. خلاص هو هيقعد ساكت اهو ههههه ). ومش بعيد لو سواق الميكروباص اصر انو ينزل الراكب في وسط الصحرا او يرميه في اي حته مش بعيد الركاب يقولوا لزميلهم يالله انزل. انزل بقه وخلي الليلة تعدي على خير ... ومش بعيد بعد مالراكب ينزل يطلع واحد من الركاب يقول للسواق : ا ايوه كده تسلم ايدك يا سطة. ايوه كده خلي الميكروباص. ينضف ... الراكب الي مش هيقعد بادبوا وهو ساكت في الميكروباص ينزل على طول ... وتصور كل ده علشان سواق الميكروباص مثلاً عاوز يقلب. الركاب في قرشين وطالب اجرة الضعف !! او مش عاوز يمشي في خط سيروا وعاوز يختصر ويخرم تخريمه هتحدف الزبون بعيد عن بيتهم المهم ان الموضوع ده. معمم في مصر بشكل غريب. عجيب !!
نفاق نفاااااااق .

وكلو كوم وموظفين الحكومة كوم تاني اذا المواطن. عاوز حقوا ورفع صوتوا شوية. تبص تلاقيه قام قفل الشباك وقال للناس وللطوبير الكبيرة الي قداموا طييييييب مش شغال فوتوا علينا بكره يا حضرات ( ههههه والحكومة كتر خيرها ) حاطة شبابيك حديد حماية للموظف ههههه عاملين حسابهم يا عيني ان ممكن المواطن ينط للموظف جوا ويضربوا ساعتها اي بوكس في عين الموظف هيبقى اصابة عمل :) .