الموضوع: عايز أشتري فلتر مياه British Berkefeld ومش عارف ألاقيه !

المشاركة الأصلية كتبت بواسطة memo_p910

أعتقد فلتر السيراميك بينقي شوائب بس ومش هاينفع المياه اللي ليها رائحه مثلا وميكروبات

قلب البركفيلد يوجد به نوعين
النوع الاول سيراميك مثل الزير الفخار والقدره الفخار بتاع جدودنا فى الفلاحين
وفيه نوع ثانى عباره عن سيراميك بالاضافه الى كربون

يجب ملاحظه ان هناك فرق كبير بين فلتر ينظف المياه من الطين والتراب اللى فيها وفلتر عشان معالجه المياه وفلتر عشان اشد تنقيه
اذا المياه عندك كويسه فالفلتر العادى كويس عشان يمنع التراب والطينه اللى فى المياه
على العموم من اجل الفائده جمعت شويه مشاركت لاخوه زملاء قديمه بعض الشى ولكنها مفيده

المشاركة الأصلية كتبت بواسطة ahmed a rahman

فيه نوعين من الفلاتر في العالم كله (بتكلم على اي فلتر ان شاء الله يكون فلتر بنزين وزيت)
1. Membranous filter
وده بيكون زي فلتر التكييف كده عبارة عن شبكة والشبكة دي اللي بيتحكم في قوتها هو قطر الاخرام الموجودة فيها من اخرام مرئية لاخرام اقل من حجم البكتيريا
تنظيفها سهل لان البكتيريا بتتحاش على سطح الفلتر

2. Depth filter
وده بيكون فلتر له تخن والبكتيريا تدخل تتحاش جوا المواد المعمول منها الفلتر وبحيث تبقى البكتيريا (محبوسة في مادة الفلتر نفسه) صعب تنظيفه بس بيمنع البكتيريا كويس

انواعه :
- الكربون
- السيراميك
- الرمل
- الزجاج المتكسر
- الزلط

بمعنى اصح فتافيت اي حاجه تلزق عليها البكتيريا

المشاركة الأصلية كتبت بواسطة ahmed a rahman

الشمعة اللي هي بتكون معمولة من خيوط وملفوفة على بعضها : دي نوع من ال depth filter بس معمولة من خيوط على بعض ونفس الطريقة المفروض ان المصنع وهو بيلفها عارف المسافة بين الخيط والخيط يكون كام ويكون مكتوب على الشمعة بتاعة الفلتر

يعني مثلا لازم نتفق على حاجه
* مفيش حاجه اسمها نحوش فيروس عن طريق الفلتر لان قطر الفيروس 250 nm يعني ربع ميكرو ميتر
* قطر البكتيريا بيكون حوالي 2um ميكرو متر يعني حوالي 10 اضعاف الفيروس


ساعات بيكون فيه فلتر عليه عرض كذا شمعة هدية لقيت الحرامية حطين فلتر قطر الخروم بتاعته 20-50 ميكرون وده في عرف ال microbiology او الميكروبات باب زويلة يعدي قطيع من الفيلة بزلومتهم
يعني معمولين عشان يحوشوا الرمل والزلط بس
انما كل قطر الاخرام ما تضيق كل ما ثمن الفلتر يغلى

المشاركة الأصلية كتبت بواسطة ralliart

خدها مني نصيحه وانا قاعد اذاكر تلوث المياه
المياه الطبيعيه (اللي بيقولول عليها معدنيه) للاسف دي كارثه كبيره جداً جداً
لاسباب كتير ممكن اكتب عليها مواضيع
باختصار مواسير الصرف الصحي بتاعتنا مصنوعه من الفخار والفخار زي ما كلنا عارفين (زي القله) بيسرب المياه للخارج وبيكون آبار جوفيه زي الفل بتقوم شركات المياه المعدنيه تشفط الميه وتعملها شويه معالجه وتعبي في قزايز وتبيع ولو حللتلها تحليل البكتيريا (bod) او (cod) هتلاقي النسبه عاليه جداً واعلى من المسموح
انما الحنفيه بيتحط فيها كلور والكلور دا ميزته انه بيقتل الميكروبات وبيستمر مع المياه في المواسير لان زي ما احنا قلنا الصرف بيسرب ومواسير المياه بيبقى فيها وصلات ممكن تسرب وتختلط فالكلور وظيفته انه يوصلك المياه لحد بيتك خاليه من الميكروبات بس مشكلة الكلور انه لو اتشرب على طول بيعمل فشل كلوي وسرطان (اعلى نسبه سرطان في العالم) وطبعاً الكلور ماده طياره فلازم تسيب المياه شويه لحد ما الكلور يطير وكده هتشرب safe water وانت متطمن
وعامةً الرقابه دايماً على محطات المياه مش على شركات المياه المعدنيه اللي دايماً بيتقفشو ومحدش بيعملهم حاجه (ليا قرايب مفتشين في التموين بيحكولي بلاوي)
بلاد برره بتنقي المياه بالاوزون والاشعاع بس دا مشكلته انه بيقتل البكتيريا وبعد كده بيختفي دوره في المواسير فلو حصل تلوث بعد محطة المياه زي تسريب المواسير بتشرب مياه فيها مصايب وطبعاً هما بيعملو كده علشان شبكات المياه عندهم متطوره ونضيفه ومبيحصلهاش تسريب

وعلى فكره اللي حصل في القليوبيه قريب ده كان بسبب ان وزاره الصحه طلبت انهم يقللو نسبة الكلور علشان نسبة السرطان فلما قللوها المياه اتلوثت بعد المحطه وعملت العمايل دي كلها وخصوصاً ان القليوبيه كلها عائمه على الصرف الصحي

ان كان شر لا بد منه انك تشرب معدنيه يبقى اوعى تجيب حاجه ممليه من بير في القليوبيه (زي داساني) لانها 100% صرف صحي خام وتم تنقيته

المشاركة الأصلية كتبت بواسطة ahmed a rahman

حضرتك لو عايز خلاصة الكلام ويكون كلام دكاتره

وتاخدها من واحد في دبلومة مكافحة العدوى ومسئول عن تأمين المنشآت الصحية وما بها من مرضى مناعتهم في الارض
تعالى نحط كذا قاعدة عشان نتكلم عليها
1. لا يوجد شيء اسمه تعقيم للمياه : كلمة تعقيم معناها القضاء على كافة اشكال الحياة الميكروبية بما فيها حويصلات البكتيريا وهذا مستحيل

2. ابنك الصغير لو شرب ميا معقمة (جدلا) في بقه الميا باظت تعقيمها (يعني فم ابنك هو اللي بوظ تعقيم الميا لان بق اي بني ادم فيه ملايين البكتيريات)

3. المياه المعدنية كارثة من كوارث الزمن
- مياه راكدة غير جارية : ومن ايام المقريزي عارفين ان الماء الجاري اذا وقف اصبح ماء آسن (معفن يعني)

- مياه تحتوي على املاح اعلى من المسموح (الحد الآمن)

لسه النهارده في معهد التدريب التابع لوزارة الصحة كنا بنجري تجربة على ملوحة الميا , وجبنا ميا معدنية بيعبيها الجيش (اللي بيتقال عليها انضف ميا) وعملنا لها اختبار ملوحة عن طريق وضع كام نقطة من محلول معين ونشوف لون الميا حيتغير بعد اد ايه

الدكتور ادامنا قعد يحط نقطة نقطة لحاد ما حاط الازازة كلها وقال لنا معلش يا دكاتره واضح ان الميا دي مفيش حاجه تغلبها

حضرتك متخيل يعني ايه
كمية من الاملاح المعدنة تعمل حمل على اي كلية بني آدم

4. في فرق بين كلمتين potable & palatable
الاولى معناها ان الميا طعمها حلو يعني طعم الميا اللي احنا متعودين عليه (اللي هو المفروض تكون بلا طعم)

الثانية معناها مياه صالحة للشرب بغض النظر عن طعمها

العلاقة اللي بينهم : لا توجد علاقة
يعني ممكن ميا تكون طعمها مقبول وحلو عشان نسبة الحمضيات مثلا تساوي نسبة القلويات انما هما الاثنين نسبتهم عاليا والميا دي كده تبقى مضرة وغير صالحة للشرب


5. الطرق التي تستخدم (لمعالجة المياه) مش تعقيمها
* الكلور : افضل طريقة للقضاء على الميكروبات في المياه يعني من الآخر الميا جايه اصلا من المواسير بالكلور بتاعها ......

* الفلتره : ودي طريقة جيدة مع مراعاة الفلاتر الجيدة
من احسن الفلاتر اللي في مصر الفلتر الكربوني باناسونيك سيبك من الفلاتر بتاعة الخيط والشمعة البيضا

* استخدام التأين والاوزون (الموضة اللي طالعين لنا فيها) العيب الكبير لها لا توجد مفعول ممتد بمعنى لو مليت ازازة ميا من الفلتر وحطيتها في التلاجة بعد نص ساعة الميا بقت ملوثة ثاني

* استخدام الاشعة فوق البنفسجية (ثاني موضة) نفس العيب الكبير
+ عيب ثاني ان الاشعة دي كتر استخدامها مسرطن
+ عيب ثالث البكتيريا ممكن يتعمل لها reactivation

6. خلاصة الكلام

اشتري فلتر باناسونيك كربوني ب 300 جنيه
تغيره كل 3 شهور
انا بغير فلاتر الميا كل اول 3 شهور : اول يناير, ابريل, يوليو, أكتوبر
ازارة الميا تبقى قاعدة في التلاجة مش اكتر من 24 ساعة بلاش حكاية المصريين ان الازازة اللي عليها الدور او الاسقع هي التي تشتغل النبطشية دي والثانية تستنى
ازازة الميا متقعدش برا التلاجة اكتر من ساعتين تلاتة وبعد كده تترمي

وعيش حياتك

سلام

السلام عليكم ورحمه الله
موجود الفلتر فى شارع الفجاله واغلب محلات السباكه والادوات الصحيه الكبيره وسعره يتراوح مابين 270 - 300 جنيها
والقلب الداخلى السيراميك فقط سعره 60 - 70 جنيها
والقلب الذى به سراميك وفحم سعره 70 - 80 جنيها
وخلو بالكم القلب موجود منه صينى مضروب ويباع بنفس السعر
كان لون العلبه اخضر غامق بعض الشى فى الفتره الاخيره تم تغيير لون العلبه ليصبح اخضر فاتح