السلام عليكم
أنا معايا آيفون 5 لكن للأسف أبل مصرة على الموبايلات ذات الشاشات صغيرة الحجم بالرغم من إن الموبايلات دلوقتي شاشاتها قربت توصل لحجم الآيباد ميني !!
بالإضافة إلى سياسات التعنت الواضحة زي عدم توفير إمكانية إضافة كارت ميموري لزيادة السعة التخزينية ، وحيث أنك بتجد نفسك غالبا مضطر تشتري ال16 جيجا عشان الفرق بينه وبين ال32 لا يقل عن 700 جنيه في حين إن ال16 جيجا أصلا سعره يعتبر خرافي ! (أكتر من 5000 جنيه !) فده بيضطرك برده إنك تحاول توفر في الصور والفيديوهات والملفات وتحسبها بالبايت عشان تحافظ على المساحة !!
فأنا متطلباتي جهاز يكون منافس حقيقي لإمكانيات الآيفون 5 خاصة الكاميرا والسرعة زائد إن شاشته تكون كبيرة فعلا علشان أنا بحب أقرأ كتب pdf على الموبايل وكمان القرآن الكريم زائد تصفح الإنترنت وده مخلي شاشة الآيفون غير عملية بالمرة في الموضوع ده
حد عنده اقتراح (وبغض النظر عن السعر) ؟