الموضوع: جنط السياره

انا عربيتى باسات 2008 هاى لاين
كنت راجع يوم الجمعه من الساحل و كنت سايق العربيه فى الوصله بتاع المرازيق (( الطريق اللى قدام مركز تدريب دهشور بتاع الجيش )
المهم كان فيه زى كسر فى الاسفلت و ما اخدتش بالى منه المهم حاولت افاديه فالعربه جات فيه بالفردتين اليمين
و فى ساعتها لقيت فيه صوت رفه فى العربيه و العربيه كلها بتترج
المهم نزلت غيرت الفرده اللى ورا بالاستبن بتاع العربيه و لقيت الفرده اللى ورا كانت فيها عوجه فى الجنط من جوه
المهم بعد ماغيرتها لقيت الصوت راح بس الهزه موجوده بسيط و بتزيد لما اوصل للميه و الصوت يرجع تانى بس بيبقى صوته واطى مش زى الاول
فانا كده خمنت ان فرده الجنط اللى قدام كمان اتعوجت هى التانيه زى الاول
اتصلت بالوكيل علشان اعرف الفرده موجوده نفس الشكل و سعرها كام و لا حياة لمن تنادى ( ماحدش رد عليا )
سالت اذا كان ممكن استعدل الجنط اللى اتعوج فيه ناس قالتلى مش بيستعدل بيتغير على طول
و ناس قالتلى ممكن يتسعدل ... فانا مش عارف ؟؟
كمان انا عايز اعرف جو الجنط السبور بتاع العربيه ممكن الاقيه فين و بكام و لو فيه ارقام تليفون يبقى كده تمام
و هل لازم اشترى طقم الجنوط كامل ( الاربع فرد ) ولا ممكن اشترى فرده فرده عادى ؟؟؟

ممكن كمان اعرف هى ممكن الخبطه دى تكون اثرت فى ايه تانى غير الجنوط اللى اتعوجت دى
و ياريت حد يرد عليا بالعربى و النبى و بلاش مصطلحات و حركات

طقم الجنوط بيتباع على بعضة و ممكن حضرتك تستعدل الجنط عادى بس دى اللى حيفيد حضرتك حد بتاع جنوط و كاوتش انا بأتعامل مع واحد محترم فى مصطفى النحاس ممكن يكشف لحضرتك على الجنط و يقول ليك اللازم