الموضوع: بخصوص فلتر تانك 3 مراحل و 6 مراحل لتنقية المياه

يا باشا أنا لسه شارى فلتر تانك 3 مراحل ولما سمعت المشكلة بتاعت المرحلة التانية اللى بتطلع المياه طعمها وحش تواصلت مع الشركة على الفيس ونصحوا إنى أغير وضع الشمعة جوه الفلتر وأخلى الجوان اللى لونه أبيض ناحية فوق ( طيب لما أنتوا عارفين ليه المصنع بيركبها بالطريقة دى ) ولكن أنا لاحظت حاجة إن طول فترة تخزين المياه جوه الشمعة بيخلى ليها طعم فأنا بعمل أيه بفتح المياه دقيقتين على الفاضى لحد ما المياه اللى متخزنة فى الشمعات تفضى وأقوم مالى كام إزازة من الكبار 2 لتر واستخدمهم طول اليوم ( لآنى مش كل ما أعوز كوباية ميه أهدر 2 لتر على الأرض ) وبأكد لحضرتك إن الطريقة دى زى الفل ولو لسه عندك الفلتر جربها وأدعيلى . ولا أنصحك نهائياً بفلتر أكتر من 3 مراحل لآن المراحل اللى أكتر من كده بتتلاعب فى خواص المياه وتشيل الأملاح الذائبة المفيدة للجسم وترجع تضيف الأملاح تانى ولكن بنسب أخرى ولو بحثت على النت حتلاقى كل الناس بتحذر من الخطورة الصحية للفلاتر اللى أكتر من 3 مراحل . فلو ربنا قدر إنك تشترى هات نوع تانى 3 مراحل مش أكتر

المشاركة الأصلية كتبت بواسطة memo_p910

حكاية قلب الفلتر دي مش صح لانه كدا المياه مش هاتنضغط في الفلتر التاني ومش هايرشح المياه بداخله كأنك لغيت المرحله التانيه

فعلاً بعد ما حضرتك كلمتنى قمت فوراً فكيت الشمعة المفروض يبقى فيها مياه لحد النص زى المرحلة الأولى مكنش فيها ولا نقطة مياه وواضح إن البهوات فى خدمة العملاء كانوا عايزين يريحوا دماغهم فقالوا ليا على الموضوع ده اللى أدى إلى إلغاء المرحلة التانية بالكامل والحمد لله تم التعديل وفتحت الميه دقيقة وبعدها شربت منه وكانت المية نازلة زى الفل . الظاهر إن ركنة الميه فى الشمعة هو اللى بيأثر على طعم الميه