حد يعرف معلومات عن عزل الشقه حراريا

**mikology** · 17-09-2013 12:16 PM

صباح الفل يا راجاله
بدون مقدمات
انا واخد شقه دور ارضى و عاوز اعزل الارضيه حراريا عشان زى منتو عارفين الرطوبه و الصهد اللى بيخرج من الارض خصوصا ايام الصيف
حد ليه اى مقترحات او يعرف معلومات عن نوعيه العازل ده اذا كان سائل ولا شرائح ولا ايه ماهيته بالظبط ؟؟

**canner** · 17-09-2013 12:26 PM

انا كنت مهتم فى فترة من الفترات بالموضوع ده و كمان موضوع العزل الصوتى

و اللى انا اعرفه انه بيتركب على الطوب الاحمر حاجة زى الصوف الزجاجى و بعدين يتركب الواح خشب علشان يبقى سهل تتشال و تتركب تانى علشان الصيانة و النظافة و على العموم انا متابع معاك حد يكون عارف الموضوع كويس

**mikology** · 17-09-2013 01:01 PM

فى ناس تقول بيحطو زفت و ناس بتقول ممكن تحط لباد زى بتاع كبود العربيه - بس انا عاوز اوصل للماده اللى بتتصب فى الارضيه او تترش على الحيطان بيبقى اسمها ايه مثلا و متهيألى الطريقه دى انسب حل لان الارضيات بالذات بيتحط عليها الرمل ثم السيراميك او الباركبه او ايا يكن الارضيه - فلازم تحتها يكون المستوى ثابت مع الوقت - لكن مع اللباد ده بيتكون مساحه من الهوا لكثافه اللباد لانه طرى يعنى زى السفنج فمع الوقت الارض هاتهبط
العزل الصوتى الى اعرفه بيبقى فى الحيطان بالالياف - ثم بيتركب على الحيطه من بره شرايح زى منتا قولت بتختلف اسعارها باختلاف كثافتها و قدرتها على العزل و ده لو انت عاوزه ممكن اجيبلك طريقته كويس عشان انا ليا سابق معرفه بمهندسين صوت و عندهم استيوهات

**eng_7amed** · 17-09-2013 01:05 PM

فيه طوب جديد نزل بيعزل الحرارة و الصوت و لونه ابيض كدا

**mohamed_selim** · 17-09-2013 01:09 PM

عزل الحراره بيتعمل بفوم ابيض الواح زى اللى بتكون فى الغسالات و التلاجات الجديده بس ماسكه نفسها طبعا .... لازم يكون ليها سماكه و كل ما تزود السماكه العزل يكون افضل ... بتتعمل على الاسطح بس لو هتعملها فى ارضيه او حيطه هتاخد من ارتفاع السقف الا لو انت لسه بتبنى تعمل حسابها
معرفش بصراحه هل فى حلول تانيه تتلافى موضوع السمك ده بس لو موجوده اكيد هتبقى اغلى من الفوم

بالنسبه للزفت ده بيعزل ميه مش حراره

**hussein** · 17-09-2013 02:45 PM

الارض عمرها ماهطلع حرارة لانها اصلا مش بيوصلها شمس فانتا مش محتاج عزل حراري
انت محتاج عزل مائي عشان رطوبة الارض والحمامات وكده

**Ahmed_Adham** · 17-09-2013 04:07 PM

فيه دهان من جوتن اسمه "جوتاشيلد" ده المفروض بيعزل جزء كبير من الحراره وده الافضل تستخدمه في الحوائط الخارجيه اللي طاليله الشمس انما عزل الحوائط الداخليه والارضيه والسقف ملوش لازمه ومصاريف زياده على الفاضي ممكن تستغلها في رفع مستوى تشطيب حاجه تانيه.

**Y a r i s** · 17-09-2013 06:36 PM

المشاركة الأصلية كتبت بواسطة eng_7amed

فيه طوب جديد نزل بيعزل الحرارة و الصوت و لونه ابيض كدا

ياريت تكمل المعلومة اذا سمحت في جملة مفيدة وكتابت كل ما تعرف عنها ... ولو متعرفش على الاقل. تقولنا شفتها فين. او لقيتها فين او سمعت عنها فين كده يعني علشان الكل يستفيد ... وتحياتي

**Dr_Mido** · 18-09-2013 12:07 AM

في حاجه حمراء شبه الاسمنت كده كذا واحد اعرفهم صابين بيها ارضيات محلاتهم و مبتسربش ميه لو حد يعرف ايه دي هتنفعك

Sent from my Xperia Arc S using Forum Runner

-

الموضوع: حد يعرف معلومات عن عزل الشقه حراريا

LinkBack

أدوات الموضوع

عرض

-

-

-

-

المواضيع المتشابهه

سؤال عن عزل الزجاج حراريا

سؤال عند عزل الزجاج حراريا

حد يعرف معلومات عن العربية دى

اى حد يعرف معلومات عن ال eos

لمض ليد حد يعرف معلومات عنها ?

الكلمات الدلالية لهذا الموضوع

المفضلات

المفضلات

ضوابط المشاركة