هل لو الكباس بايظ بيأثر على الماتور - سكودا فابيا 1400

**badshakhan** · 17-09-2013 09:22 PM

السلام عليكم
انا عندي مشكلة في عربيتي السكودا فابيا 1400 سي سي موديل 2003 انها بتاكل بنزين بالهبل يعمي حوالي 15 لتر على 100 كيلو والمفروض انها تعمل حوالي 15 لتر على 200 كيلو يعني الضعف وكمان سحب العربية زي الزفت والعربية سرعتها مش بيزيد عن 120 وكمان الأر بي أم مش مظبوط بينزل عن ال 5 الطبيعي وبحس ان العربية بتفصل وبعد كدة بتلحق نفسها وساعات كتير العربية بتفصل خالص لما بينزل الأر بي جامد

انا لسه مغير زيت وفلتر وبوجيهات وفلتر هوا وبنزين وفتحت التاكيهات علشان العربية تبقى مريحة وبعد كل ده بردة العربية مش مظبوطة

الخلاصة:
في اتنين بتوع تكيف قالولي ان الكباس بتاعي محمل جامد على الماتور وهو الي مسبب المشاكل ديه كلها لانه بايظ لان الكباس صوته عالي جدا فعلا وفيه صوت تخبيط جامد جواه مع العلم ان التكييف شغال زي الفل ومخلي العربية تلج على درجة 2 في وسط النهار

تفتكروا ان الكباس يكون هو الى عملي المشاكل ديه كلها ولازم أغيرة مع العلم ان تكلفة تغييرة بشحن الفريون هيكلف حوالي 1800 جنية

وشكرا

**hanosh** · 18-09-2013 02:56 AM

المشاركة الأصلية كتبت بواسطة badshakhan

السلام عليكم
انا عندي مشكلة في عربيتي السكودا فابيا 1400 سي سي موديل 2003 انها بتاكل بنزين بالهبل يعمي حوالي 15 لتر على 100 كيلو والمفروض انها تعمل حوالي 15 لتر على 200 كيلو يعني الضعف وكمان سحب العربية زي الزفت والعربية سرعتها مش بيزيد عن 120 وكمان الأر بي أم مش مظبوط بينزل عن ال 5 الطبيعي وبحس ان العربية بتفصل وبعد كدة بتلحق نفسها وساعات كتير العربية بتفصل خالص لما بينزل الأر بي جامد

انا لسه مغير زيت وفلتر وبوجيهات وفلتر هوا وبنزين وفتحت التاكيهات علشان العربية تبقى مريحة وبعد كل ده بردة العربية مش مظبوطة

الخلاصة:
في اتنين بتوع تكيف قالولي ان الكباس بتاعي محمل جامد على الماتور وهو الي مسبب المشاكل ديه كلها لانه بايظ لان الكباس صوته عالي جدا فعلا وفيه صوت تخبيط جامد جواه مع العلم ان التكييف شغال زي الفل ومخلي العربية تلج على درجة 2 في وسط النهار

تفتكروا ان الكباس يكون هو الى عملي المشاكل ديه كلها ولازم أغيرة مع العلم ان تكلفة تغييرة بشحن الفريون هيكلف حوالي 1800 جنية

وشكرا

بص يا باشا طالما التكييف عندك زى الفل بس بيخبط عندك فده بيكون من بلية الكلتش واللى بتكون داخله واللى السير بيكون بيلف عليه وياريت تلحق الموصوع لحسن ممكن الكلتش يقفش لما البلية تبوظ خالص وساعاتها كل اللى بيتحرك مع السير حيقف وممكن العربية بس اللى يتغير ال pully اللى جواه الكلتش والبلية لانى الكمبروسور ككباس سليم وخلى بالك مش اى حد يعرف يغيره وتمنه على فكره رخيص ميعديش ال 250 جنيه بس للاسف معظم الصنايعية بيستسهلوا ويقلك غير كمبروسور كامل مهو مش غرمان حاجة وادفع يا معلم

**badshakhan** · 18-09-2013 10:34 PM

المشاركة الأصلية كتبت بواسطة hanosh

بص يا باشا طالما التكييف عندك زى الفل بس بيخبط عندك فده بيكون من بلية الكلتش واللى بتكون داخله واللى السير بيكون بيلف عليه وياريت تلحق الموصوع لحسن ممكن الكلتش يقفش لما البلية تبوظ خالص وساعاتها كل اللى بيتحرك مع السير حيقف وممكن العربية بس اللى يتغير ال pully اللى جواه الكلتش والبلية لانى الكمبروسور ككباس سليم وخلى بالك مش اى حد يعرف يغيره وتمنه على فكره رخيص ميعديش ال 250 جنيه بس للاسف معظم الصنايعية بيستسهلوا ويقلك غير كمبروسور كامل مهو مش غرمان حاجة وادفع يا معلم

ما هو السير فعلا اتقطع مني مرة وغيرته
طيب ممكن تقولي علي حد اروحله يصلحلي الي انت قولت عليه ده لان فعلا معظم بتوع التكييف قالولي يتغير