انا هتجنن محتاج مساعده ضرورى

**panuccistorex** · 17-09-2013 10:58 PM

بسم الله الرحمن الرحيم

دلوقتى انا معايا ماذدا 3 2009 كنت جايبها زيرو , العربيه بقلها سنه كانت بتتكتم و تفوق لوحدها يعنى ادوس بنزين عداد الار بى ام ميعديش ال 3 على اى غيار, يعنى اكنى مش دايس بنين اصلا

و ابطلها و ادورها تتظبط شويه و ترجع تانى و كام يوم و تتظبط لوحدها

انا من الاخر علشان انا لقالى سنتين فالخره ده

انا غيرت بوجيهات

طرمبه بنزين جديده

ديسك و اسطوانه ( مع انهم ملهمش دعوه بس كانوا بيفلتوا و خلصوا )

غيرت فاتر بنزين

نظفت البوابات مليون مره

و غيرت حساس tps

و قلت بقى اخيرا العريبه هتبقى 100 100 و بعد كل ده النهارده العربيه عملت نفس المشكله ادوس بنزين الار بى ام ميعديش ال 4 و مكتومه و مخنووووقه اوى و مبتجريش

انا هتجنن انا نفسى فحد يقلى فيها ايه انا مبقتش عارف و زهقت و لسه مغير الحاجات دى كلها من اسبوع يعنى ملحقتش

يا خبراء الماذدا ونبى حد يفيدنى ايه الحل و المشكله فين خلاص هتجنن

**saddam** · 18-09-2013 01:39 AM

صديقي المواطن
أنا مش عارف إنتو بتاخدو الحلول من ورا وتسيبوا البديهيات أول حاجة لازم تعملها إنك تنظف.الرشاشات بالجهاز أو عن طريق عدد من.المنظفات ثم نبتدي نعمل الحاجات اللي إنت عملتها
ودمتم للنضال

**hossamalsadik** · 18-09-2013 01:47 AM

ممكن العيب يكون من الكنترول يونت نفسه
وكان عندى حاجه شبه ديه بس فى السيات والعيب طلع كنترول
هقولك على حركه لما تعمل كده معاك بتكون العربيه طبعا لسى ديره
تقوم قافل الكونتكت بسرعه و وراجع تانى بسرعه للدواره يعنى قبل ماتبطل تلحقها وتعدل الكونتكت
لو ظبطت و ال rpm بقى تمام يبقى العيب من الكنترول وعاوز يتغير ممكن نتيجة انه جه عليه مياه عند غسيل العربيه والله أعلم

**panuccistorex** · 19-09-2013 08:18 AM

الرشاشات زى الفل والله و نظيفه اوى و الكنترول سليم و مفهوش اى حاجه كشفت عليه

هل ممكن ده يكون بسبب الشكمان , هو ممكن يعمل خنقه فالتسارع ؟

و طبعا فلتر هواء دى مش محتاجه ان اكتبها مغيره و منظف البوابه

**Thebutcherr** · 19-09-2013 02:11 PM

طب هو فكرت تعملها سكان علي جهاز كشف؟

**panuccistorex** · 20-09-2013 07:06 AM

مهى المشكله ان مفيش ايرور و لمبه التشيك مبتنورش مع انها شغاله و بتستجيب الى فيشه فالعربيه مهما كانت

متااابع

**pioneerahmed** · 20-09-2013 05:47 PM

حساس الاير ماس او حساس بوابة الهوا

**panuccistorex** · 21-09-2013 08:14 AM

اخيرا و بعد سنه من التخريف و التجربه عرفت العيب منين

انا امبارح العربيه عملت معايا الخنقه دى و عداد الار بى ام مكنش اضى يعدى ال 3 و قلت فعقلى اجرب اشوف حساس الشكمان الى على الفرن و فكيت الفيشه بتاعته و دورت راحت لمبه التشيك منوره و العربيه بقت زى الفل و بتسحب و بتطير زى الاول و هروح اجيب واحد جديد و اركبه و اشيل الايرور و كله يبقى تمام

حساس الشكمان ده المسؤول عن نسبه الخلطه بين الهواء و البنزين فى غرفه الاحتراق و لما بيكون بايظ او بيدى قرايه غلط يا اما بيعمل سحب زياده فى البنزين او بيقلل نسبه البنزين الى داخله على غرفه الاحتراق و ده الى كانت بيحصل معايا مع ان اللمبه مكنتش بتنور لانه كان بيعلق و لما كنت بدوس بنزين كان الهوا بيدخل اكتر من البنزين و الرشاشات مبترشش الكميه المطلوبه فبالتالى العربيه مبتجريش و عدد لفات المحرك مبيعلاش و ده الى توصلته من بحث سنه هههههههههههههههههه الحمد لله الواحد فلوسه حلال مكنتش حمل فزلكه الكهربائيه و الميكانيكيه

**Ibrahim Hamdy** · 18-10-2013 02:36 AM

المشاركة الأصلية كتبت بواسطة panuccistorex

اخيرا و بعد سنه من التخريف و التجربه عرفت العيب منين

انا امبارح العربيه عملت معايا الخنقه دى و عداد الار بى ام مكنش اضى يعدى ال 3 و قلت فعقلى اجرب اشوف حساس الشكمان الى على الفرن و فكيت الفيشه بتاعته و دورت راحت لمبه التشيك منوره و العربيه بقت زى الفل و بتسحب و بتطير زى الاول و هروح اجيب واحد جديد و اركبه و اشيل الايرور و كله يبقى تمام

حساس الشكمان ده المسؤول عن نسبه الخلطه بين الهواء و البنزين فى غرفه الاحتراق و لما بيكون بايظ او بيدى قرايه غلط يا اما بيعمل سحب زياده فى البنزين او بيقلل نسبه البنزين الى داخله على غرفه الاحتراق و ده الى كانت بيحصل معايا مع ان اللمبه مكنتش بتنور لانه كان بيعلق و لما كنت بدوس بنزين كان الهوا بيدخل اكتر من البنزين و الرشاشات مبترشش الكميه المطلوبه فبالتالى العربيه مبتجريش و عدد لفات المحرك مبيعلاش و ده الى توصلته من بحث سنه هههههههههههههههههه الحمد لله الواحد فلوسه حلال مكنتش حمل فزلكه الكهربائيه و الميكانيكيه

الحمدلله
مبروك يا صاحبي
موضوع نسب الخلط بين الهواء والوقود في الإحتراق ده مريت عليه كتير في أعطال الغلاية في شغلي ، بس الخلط بيبقى عن طريق مواتير سيرفو دقيقة والعمليه بتتم عن طريق كونتروللر سيمنس أو جهاز plc ، بس أول مره صراحه يجي في بالي إن العمليه بتتم برضو في العربيات
أشكرك جدا على الإستفاده إللي استفدتها منك في الموضوع ده وجزاك الله خيرا
:)