لمبه absشغاله بمزاجها فى الاسترا 2003

**عمارمطر** · 18-09-2013 02:48 AM

اولا اتقدم بكامل الشكر لكل اعضاء هذا المنتدى الكرام على المعلومات القيمه التى استفدتها من حضراتكم واتشرف ان اكون عضوا جديدا ضمن هذه الاسره الجميله
وسؤالى لحضراتكم هو عن لمبه abs منذ يومين وهى شغاله بمزاجها السياره استرا 2003 وحاولت اشيل كابل البطاريه واركبه تانى وكشفت على التيل واسلاك وفيش absمن عند الاجهزه كله واصل مش عارف وهل هيكون ليها تاثير
واخيرا لكل اعضاء المنتدى كامل تقديرى واحترامى

**فادى محمد** · 18-09-2013 03:27 AM

شكرا لزوقك واهلا بيك وسط اخواتك
-لما اللمبه بتنور الايه بي اس بيفصل ولا لا؟؟

**عمارمطر** · 18-09-2013 04:43 PM

مظبوط كلام حضراتكم اللمبه بتطفى بعد اعاده التشغيل وبتشتغل تانى بمزجها ولاكن ال absشغال مش متاثر انا كشفت على التيل الامامى واليوم هكشف على الخلفى واراجع على الفيش الخلفيه وان شاء الله نوصل لحل مع حضراتكم وشاكر جدا لجهود حضراتكم مع خالص تقديرى واحترامى لحضراتكم

**romiobasha** · 19-09-2013 03:06 AM

دي فعلا حساس راكب في السره الامامية
لو عداد السرعة مش بيفصل يبقي اليمين امامي هو اللي محتاج يتغير
سعره استيراد 350 و يبجي بداية السره حته واحده

**عمارمطر** · 25-09-2013 10:42 PM

طيب يا جماعه لو absفصل ومش شغال يبقى هنا اعمل ايه ولا ابدا من فين لانى لاحظت لما اللمبه بتنور ال absبيفصل ولما تكون اللمبه طفيه يشتغل واحس بيه فى الدواسه

**egyption2012** · 27-09-2013 11:13 PM

المشكلة ده حصلت معايا في اوبل استرا 2005
ودفعت اكتر من 800 جنيه اصلاحات وفي النهاية المشكلة طلعت في حاجة بسيطة جدا
في الاول انت لازم تكشف كمبيوتر والكمبيوتر حيقولك المشكلة في اي عجلة
وساعتها حتكون المشكلة في حاجة من تلاتة (الصرة - الكنترول الخاص بالـ Abs - الكابل بتاع الـ abs في العجلة )
طبعا في مشكلتي انا غيرت الكنترول وغيرت صرتين والمشكلة فضلت موجودة

وفي النهاية روحت للباشمهندس حسام اوبل في طنطا
وبعد الكشف بالكمبيوتر قالي المشكلة في العجلة اللي قدام يمين
وخلع الكابل وقاسه بالافوميتر طلع فيه مشكلة (مش شرط تظهر المشكلة على الافوميتر)
شد الكابل شدة كويسة وركبه والمشكلة اتحلت معايا لمدة اسبوعين وبعدها رجعت اللمبة تنور

رجعتله قالي : احنا حنبدل بين كابل العجلة اليمين وكابل العجلة الشمال
وتروح تجربها كام يوم وبعدها نكشف كمبيوتر تاني
لو المشكلة اترحلت للعجلة الشمال مع الكابل .. يبقي المشكلة في الكابل
وغيرته ب 80 جنيه والحمد لله المشكلة اتحلت تماما بعد ما دفعت اكتر من 800 جنيه عند ميكانيكية تانيين

الخلاصة
- تروح تكشف كمبيوتر وشوف المشكلة في اي عجلة بالظبط
- تبدل الكابلات بين اليمين والشمال (يعني لو المشكلة في العجلة اللي قدام يمين .. تبدل الكابل مع اللي قدام شمال )
- وتجرب العربية كام يوم وبعدها تكشف تاني
- لو المشكلة اتنقلت في العجلة التانية يبقى تغير الكابل بواحد جديد او استعمال خارج
- لو المشكلة فضلت في مكانها يبقى تبدل الصرة بين العجلتين

وطمني

**egyption2012** · 27-09-2013 11:14 PM

ملحوظة كمان .. لو عداد السرعة بيلعب معاك وبيزيد ويقل وانت واقف
تبقى المشكلة في العجلة اللي ادام شمال لان حساس السرعة في العجلة ده

**egyption2012** · 27-09-2013 11:18 PM

المشاركة الأصلية كتبت بواسطة romiobasha

دي فعلا حساس راكب في السره الامامية
لو عداد السرعة مش بيفصل يبقي اليمين امامي هو اللي محتاج يتغير
سعره استيراد 350 و يبجي بداية السره حته واحده

فكرتني لما سألت عن الصرة قبل كده
وسمعت ارقام كتير .. 900 جنيه واللي يقولي 1200
وفي النهاية وبعد الفصال اخدتها بـ 400 جنيه
والمشكلة مطلعتش في الصرة اصلا