عيب و لا مصيبة و لا عار ولا مشكلة فى الايمجراند

**M I D O** · 04-10-2013 04:51 AM

المشاركة الأصلية كتبت بواسطة dedi

حصل خير
المشكلة يا ميدو انهم بيزعلوا لما نشرح اى مشكلة فى السيارة ودة مالوش غير تفسير واحد هم و قعوا وعاوزين اكبر عدد يقع زيهم علشان يعملوا سوق لها او بيعمل بعضهم فى غبور ودة اكل عيشهم بس الذى بيعمل كدة هايروح فين من ربنا و ضميرة
العربية بها مشاكل ايوة بها مشاكل محاولة ابرازها انها بسيطة و تافهة دة موش صح
صدقنى و كما زكرت من قبل عن اللانوس لما ظهرت فى بعض الموديلات مشكلة طرمبة البنزين حضروا لغاية عندنا فى الصعيد ووزعوا هدايا تذكارية ومهندسين قابلوا كل عميل و سالوا عن المشاكل وغيروا الطرمبة فى بعض الانتاج حتى لو ماشتاكاش العميل كان يتم تغيرها
اعتقد هذة الادارة بجد ودة سبب لنجاح اللانوس فى و قت قصير جدا
يارب يستفاد غبور و يحترم العملاء و يصلح العيوب و يحسن الانتاج

ياسيدي معلش خليها علينا احنا .. ودلوقتي رايك اية انا نازل احجز كمان 20 يوم كدة وابدء اجرائات البنك اتوكل علي الله في الامجراند ولو قابلني مشاكل اتحمل للصيانات ولا اشوف حاجة تانية اصل العربية طالعة من عيني رغم عيوبها للاسف ولو هنزل احجزها هبدء في الاجرائات وايدي علي قلبي

وبرضو المشكلة ان اخر ميزانيتي 90 الف وبالمبلغ دة مفيش حاجة واسعة وفيها وسائل امان و ايموبلايزر غير الامجراند وعشان كدة الواحد في حيرة كبيرة ومش لاقي بدائل يقارن بيها الامجراند

**M I D O** · 04-10-2013 04:52 AM

المشاركة الأصلية كتبت بواسطة dedi

طيب لسة واحد دلوقت بيشتكى من سخونة رهيبة جدا فى الرفرف الامامى
واحد رد علية و قال لة عادى فى صيانة الالف هايضبطوا تيل الفرامل علشان ماسك على الطنابير و بيقول لة عادى والراجل رد علية بانة لم يكمل 40 كيلو متر وهو فرحان لانة متابع لصفحتهم على الفيس ومذاكرها كويس ربنا يسامحهم
يعنى دة ممكن يولع العربية هو وماشى الله يكون فى عونة

اة لسة شايف البوست وطبعا دي مشكلة لانها ممكن تخلي الطنابير سخنة جدااااااااااا وتعمل مشكلة في العربية خصوصا لو علي سفر

**dedi** · 04-10-2013 11:15 AM

المشاركة الأصلية كتبت بواسطة bassemali

عايز نصيحتي ياميدو .. الإنفي برقبة الإيمجراند .. كفايه إنها مستورده ومش تجميع غبور .. وكمان انا شايفها أشيك من الأيمجراند وبالذات من جوه .. وقطع غيارها أرخص وإسمها إسبرانزا لو جيت تبيعها بكره تتباع هوا .. ومافيش فيها كم المشاكل اللي ف الإيمجراند دي كلها .

يكفى انها تجميع الصين
بس هى ازواق وارزاق
يمكن كل ماتنتشر وتكتب عنها تقارير ممكن الناس تطمن اكتر

**M I D O** · 04-10-2013 03:43 PM

المشاركة الأصلية كتبت بواسطة bassemali

عايز نصيحتي ياميدو .. الإنفي برقبة الإيمجراند .. كفايه إنها مستورده ومش تجميع غبور .. وكمان انا شايفها أشيك من الأيمجراند وبالذات من جوه .. وقطع غيارها أرخص وإسمها إسبرانزا لو جيت تبيعها بكره تتباع هوا .. ومافيش فيها كم المشاكل اللي ف الإيمجراند دي كلها .

الانفي من برة الامجراند تتفوق عليها لاكن من جوة تتفوق علي الامجراند وهقول لحضرتك انا لية اختارت الامجراند رغم اني كنت مستني نزول الانفي بفارغ الصبر ومتابعها من اكتر من سنة ...
اولا .. انا عاوز عربية واسعة وشكل جميل وتكييف كويس و تكون ثابتة وفها وسائل امان و ايموبلايزر و زجاج فامية .. دي الحجات الاساسية الي انا عاوزها و للاسف الانفي غير متوفر فيها الايموبلايزر ولا الفامية عشان كدة كنت هحجز ام 11 ولما رحت عشان اتفرج عليها في وكيل معتمد في طنطا قالولي مش موجودة دلوقتي بصراحة قفلت ازاي وكيل معتمد ومعندكش العربية وكمان موضوع ضيق الكنبة هيعملي مشكلة عشان اهلي وعشان كدة انا اختارت الامجراند خصوصا ان المستقبل كلة للامجراند ولو تابعنا المبيعات بتاعة 2013 هتلاقي الامجراند باعت تقريبا 4000 عربية دة لحد شهر 7 و الانفي بايعة 760 عربية تقريبا دة غير ان الناس بتقول ان حاليا الامجراند وصلت 9000 عربية مباعة عشان كدة متوقع انتشار قطع غيارها بس المهم غبور يهتم بيها شوية وبخدمة ما بعد البيع ويحل مشاكلها

**M I D O** · 04-10-2013 03:46 PM

المشاركة الأصلية كتبت بواسطة dedi

[/quot

انا راى استنى لما نشوف هايصلح العيوب و لا هايطنش
انا معاك انة العربية مبهرة بكل الكماليات و لكن انا مشترى زيرو يعنى مفروض مافيش مشاكل موش كل شوية رايح التوكيل انا شخصيا موش متقبل انى اشترى مثلا و تقابلنى بعض المشاكل البسيطة فتخيل لما تبقى مشكلة واير الفتيس و لا التكييف و لا ماخفى اعظم بعد فترة اية يظهر تانى
طبعا اكيد محتار

انا كنت ناوي استني شهر ونص بس حاليا في عرض تقسيط في كذا معرض 3 شهور مجانا ودة طبعا حلو ليا هقسط 3 شهور ببلاش ولسة هنزل النهاردة ان شاء الله المصرية اشوف اية موضوع العرض دة لو ربنا سهل ممكن اخلص في العربية علي بعد العيد واستفيد بالقسط 3 شهور ببلاش ولا اية راي حضرتك

**M I D O** · 04-10-2013 03:49 PM

المشاركة الأصلية كتبت بواسطة dedi

يكفى انها تجميع الصين
بس هى ازواق وارزاق
يمكن كل ماتنتشر وتكتب عنها تقارير ممكن الناس تطمن اكتر

مهو للاسف مفيش غير واحد بس اشتراها من المنتدي ومكتبش عنها تقرير حتي هوة افادنا بمعلومات كتير بس كنا عاوزين تقرير شامل

**M I D O** · 04-10-2013 05:45 PM

المشاركة الأصلية كتبت بواسطة nehad ibrahem

اولا انا اعترض على اسلوب جضرتك فى الحوار
ثانيا انا حياديه جدا واملك الاميجراند من اكتر من 9 شهور ولما بتكلم عنها بتكلم عن تجربتى الشخصيه مش عن تجبته غيرى والله اعلم كيفية استخدامه لها حتى لو كان اخويا
ثالثا زى ماحضرتك رفعت الصور هنا تقدر ترفعها عندنا فى الجروب معتقدش ان فى حد هيمنع حضرتك ولا حضرتك محتاج حد يعرض المشكله بالنيابة عن ك وعن اخو حضرتك
رابعا فى ملحوظه انا شوفتها فى الصور واحب اسأل حضرتك عليها لو تكرمت هو اخو حضرتك مغير فرش العربيه لانى لاحظت ان الفرش لونه رمادى فاتح مع العلم ان فرش الاميجراند بيج وياريت تسامحنى على ضعف بصرى

انا راجعت الصورة الفرش لونة مختلف لسوء جودة الكاميرا المستخدمة في التصوير وعدم وجود اضائة جيدة

-

-

الموضوع: عيب و لا مصيبة و لا عار ولا مشكلة فى الايمجراند

LinkBack

أدوات الموضوع

عرض

-

-

-

-

-

-

المواضيع المتشابهه

اجمل لون فى الايمجراند-

الايمجراند زاد سعرها

من الافضل f3 ام الايمجراند

الايمجراند 7 أم رينو ستيب واى ؟؟؟؟

سعر الايمجراند و بى واى دى

الكلمات الدلالية لهذا الموضوع

المفضلات

المفضلات

ضوابط المشاركة