الموضوع: هى التويوتا الجديدة بتركن لوحدها زى الباسات ولا اشتغالة؟؟؟؟؟

المشاركة الأصلية كتبت بواسطة oilman

العربية تقدر المسافه من خلال الكاميرات الامامية والخلفية ويجب ان تكون المسافه التى تقبل الركن فيها تزيد نصف متر عن طول العربية يعنى المرجع هو انها متبرمجه على طولها وهى بتقيس المكان وتشوف هل هو زياده ام اقل يعنى يسمح ام لا يسمح بالركن واعتقد انها ترفض ان تعمل فى حالة ان المكان لا يسمح

وعلى فكرة انا مش راكبها (ربنا يبعت ) بس ذهبت للتوكيل وسالت وفهمت

تقبل تحياتى

تسلم يااويل - كلامك صح - انا اصلا جبتها ركبتها اسبوع وبعدين سافرت واهى مرفوعة من ساعتها فى الجراج

المشاركة الأصلية كتبت بواسطة unl0veable

طب هوا انا كدبت عليك .. انا فكرتى انى مش عارف العملية كلها ازاى بش الشاشة بتطلع عليها صورة العربية وتبدا انت تدى اشارة يا يمين يا شمال عشان تعرفها انت عايز اية وهيا تعمل سكان وتدخل تركن لوحدها

اخى العزيز مفيش احد قال انك تكذب ولكنك بتقول مش عارف هيا بتركن ازاى
يعنى اكيد لاحظت ماتقوم به السياره

لا عادى والله انا مش قافش بس العملة التقنية فعلا انا مش عارفها انا كل اللى بعملة بدوس على الزرار وهيا تعيش لول

هو الموضوع كله متوقف على ضغطة زر والعربية بتحسب المسافة بين العربية اللي قدام واللي ورا ..
ولو المسافة كافية بتديك موافقة بس انا لسا مش متأكد انها موجودة في الباسات الجديدة

- مشكلتنا ان الخاصية دي موجودة في عربيات كتيرة اوي برا ورخصية زي الفورد فوكاس والفولفو V40 وغيرها كتير
إنما عندنا مفيش حاجة نزلت من الحاجات دي بالخاصية لا الفوكاس ولا الـV40 دي حتى موجودة في الالنترا برا مصر

وياريتهم بينزلولنا العربية بسعر معقول بالرغم انهم بيشيلو منها افضللللللللللل المواصفات لكن بردو بينزلوها بأسعار زبالة

على كدا الالنترا لو كانت بتنزل عندنا بالـ1.8 والـPark Assist كانت حتعملها بالراحة 300 الف :(
مفيش جمارك اوسخ من اللي عندنا
دا حتى السوبارو BRZ المعروفة برا بانها عربية رياضية جداً وفي نفس الوقت سعرها حنين وتكلفتها منخفضة ..

بس لما نزلتلنا في مصر العظيمة الحبيبة لقينا حتة الحنين دي راحت في الجمارك ونزلوها بـ460 الف جنيه واكيد زادت
طب وإحنا ايه اللي يمنعنا نجيب حاجة زي الـ320i او C200 ؟؟؟
ربنا يعوض علينا والناس دي تتعدل شوية

-- عموماً يا شباب هي الميزة دا هايلة جداً بتاعت الـPark Assist وبتوفر عليكو لبش الركن وقرفه

بس لو ناوي على عربية فيها الميزة دي تكون اعلى من الكورولا 2014 يبقى اعمل حسابك على الـA200 وسعرها في الضياع

عشان مش حتلاقو حاجة بعد الكرولا فيها الميزة دي بسعر حنين