الموضوع: اشتريت سونى gt520 واداءه مش ده اللى كنت متوقعه

المشاركة الأصلية كتبت بواسطة Ahmod

ماحستش بالاداء من نحية ايه بالظبط ؟؟

ايه نوع السماعات اللى راكبة عندك وايه الكاسيت اللى كان راكب قبله ؟؟

وبعدين انا على حسب ماسمعت ان الكاسيت ده 7 باند فوارد تكون مش عارف تظبط الاوبشنز بتاعته كويس لانه مليان اوبشنز وبتفرق كتييير في الصوت

طب شكرا لردك انا عندى طقم سونى 300 وطقم بايونير 500 وبازوكا جى بى ال 1000 وجى ام سيمفونى 640 والكاسيت اللى قبل كده كان سونى بس قديم مش فاكر الموديل ومن جهه الاوبشنز فى الجديد فهى كتير جدا انا فعلا محتاس فيها وانا حاطط الموضوع ده علشان اللى معاه الكاسيت ده يقولى افضل ظبط للاوبشن للاستفاده منه باكبر قدر ممكن وفعلا ياريتنى كنت اشتريت بايونير وشكرا ليك مره تانيه

المشاركة الأصلية كتبت بواسطة dr_7ooda

بص يا باشا

واحده واحده معايا كده هنحاول نوصل لاعلي حاجه ممكنه من الكاسيت ده

اولا الضغطه العاديه لزرار السيليكت

dm+ = off
sw level =8

position = front left

rb enh = off

adj position = 0

equalizer = custom
band1 : 5
band2 : 2
band3 :-4
band4 :-6
band5 :-1
band6 : 4
band7 : 6

fader =0

balance =0

وبعد كده هاتضغط ضغطه طويله علي زرار السيليكت لحد ما يطعلك الحاجات دي

loudness = on

hpf =off

lpf = 120

lpf slope =3
وبقيت الحاجات ظبط الساعه بقي والكلام ده

. اللي انا مش فاهمه بقي ازاي هوا ار سي واحد ؟ ياريت تقوللي انتا مشغل ايه علي الجي ام وايه علي الكاسيت عشان افيدك

وبالتوفيق

اولا انا مش عارف اشكرك ازاى على ردك الجميل ده والمفيد بس انا ليا طلب عندك تانى عايزك تقولى كل حاجه من ديه بتعمل ايه علشان ما اظبطش وانا مش فاهم كده وانا موصل السماعتين اللى ادام بس على الكاسيت والباقى على الجى ام والكاسيت ار سى ايه واحد بس

[QUOTE=dr_7ooda;3875194583]هههههههههه . يا باشا متشكر جدا مفيش حاجه احنا تحت الامر . مفيش حاجه

بص يا سيدي
dm + ده بيحسن التشفير لما تبقي الاغاني تشفيرها تعبان زي الاغاني القديمه و ام كلثوم وعبد الحليم . غير كده يبقي مطفي احسن

rb enhancer ده بيخليلك السماعات اللي ورا تشتغل بييز بس . وانتا مش مشغل حاجه ورا واصلا السوني بيزه زفت الزفت (ملحوظه انا معايا سوني 500 )

ال balance . fader ده بيظبط توزيع الصوت ورا وقدام

ال position ده بيخلي الكاسيت يرميلك الصوت في المكان اللي انتا قاعد فيه في العربيه واللي هوا في حالة انك سايق يبقي شمال قدام فبيركز الصوت علي المكان ده ودي الميزه الوحيده اللي شايفها في الكاسيت ده

طبعا ال 7 باند بتوع الايكواليزر دول جم بعد معاناه لاختيارهم وان شاء الله هتلاقي الصوت فرق بيهم كتير

hpf ( high bass filter وده فلتر بيلغي البيييز من الصوت فطبعا بنطفيه للحصول علي اقوي بيز ولو انتا مش بتحب البيييز يبقي تشغله

lpf ( low bass filter وده بيحدد حدة ونشفان البيييز وده بنخليه علي الاخر عشان يدينا انشف بييييز

وله حاجه اسمها slope يعني منحني خطي للبيز وده اقوي حاجه فيه علي 3

وطبعا اهم حاجه ال loudness ودي بتخلي البيز قوي خصوصا لما الصوت يبقي تحت 20 انما لو انتا بتعلي الصوت عن ال 30 دايما يبقي تطفيها عشان الصوت يبقي نقي من غير ترقيع

اتمني اني اكون افدتك . وموضوع الفلاتر ده كبير قوي انا حاولت ابسطهولك علي قد ما قدرت

وممكن تلاقي معلومات اكتر لو تحب في الموضوع اللي انا كت عامله ده

http://www.nilemotors.net/Nile/337238-a.htm
بردوك مش عارف اشكرك ازاى وطبعا متابع اللينك الرائع ده وهجرب واقولك بس انا البيز عندى تحسه كده رزع ودب مفيش الاحساس بتاع البيز مش عارف اوصهالك بس ده اللى انا حاسه طبعا انت بتقول دلوقتى انى سوما العاشق هههههههههههههه

[QUOTE=dr_7ooda;3875195944]هههههههههه .ولا يهمك يا عاشق انتا اظبط بس الظبطه دي ونتكلم بعدها بس هوا عموما السوني صوته كده
الظبطه ديه فيها حاجات ما نفعتش معايا خالص مثلا

sw level =8 ده خليته 4 - لانه مبقاش فى صوت بالنسبه للبييز

ده تمام بس مش حاسس بالفرق اوى position = front left

equalizer = custom
band1 : 5
band2 : 2
band3 :-4
band4 :-6
band5 :-1
band6 : 4
band7 : 6
وده خليته xplod لان الظبطه ديه مش تمام معايا

loudness = on وده عملته off لان الصوت بردوك اختفى بالنسبه للبييز

بص تقريبا كل واحد حسب العده بتاعته بس انا عايز اعرف ازاى اعلى الصوت لان البييز مازال اعلى من الصوت وازاى الغى البييز من السماعات يا اما بقى الجى ام مش متظبط كويس بس انا مش عايز اتقل عليك واقولك ظبطته ازاى ههههههههههههه