الموضوع: أسعار المستعمل في السعودية ؟؟؟

أولاً بالتوفيق إن شاء الله في سفرك و عملك ... نصيحة من شخص ولد و تربى في المملكة وقضى أكثر من 20 سنة من عمرو في المملكة .... روح و ضبط أمورك و هات حاجة زيرو لأن القسط هناك كلام فاضي و الزيرو أصلاً هتلاقي أسعاره في الأرض في موديلات كتير أوي ... بلاش مستعمل هنااااااااك لأن أغلبه زي ما بنقول طفران يعني طالع عين الي جبوه ... تقبل مروري و تحياتي و لو في أي حاجة تانية عايز تسأل عليها هناك أنا تحت أمرك ...

المشاركة الأصلية كتبت بواسطة ahmedteam

اللى اقدر افيدك بيه انك تبعد عن الاوروبى هناك لان سوقه و توكيلاته و صيانته تعبانه جدا لانه مش محبوب اصلا

خليك ف اليابانى افضل

كان ليا صديق اشترى بومه اوتوماتيك 2007 على 17 الف ريال فى جده

و طبعا على حسب الحاله

نصيحه اخيره روح و ضبط حالك و خليك ف الزيرو افضل بمراحل

ده اللي كل الناس قالتهولي فعلا, يعني كل اللي راح هناك بيقوللي معظم البلد راكبين سيفيك أو أكورد أو كورولا أو لانسر وممكن مازدا وطبعا الشيفرولية والفورد ال suv منتشر ف الخليج عموما.
ع العموم شكرا ع النصيحة.

المشاركة الأصلية كتبت بواسطة Haitham Basha

أولاً بالتوفيق إن شاء الله في سفرك و عملك ... نصيحة من شخص ولد و تربى في المملكة وقضى أكثر من 20 سنة من عمرو في المملكة .... روح و ضبط أمورك و هات حاجة زيرو لأن القسط هناك كلام فاضي و الزيرو أصلاً هتلاقي أسعاره في الأرض في موديلات كتير أوي ... بلاش مستعمل هنااااااااك لأن أغلبه زي ما بنقول طفران يعني طالع عين الي جبوه ... تقبل مروري و تحياتي و لو في أي حاجة تانية عايز تسأل عليها هناك أنا تحت أمرك ...

بارك الله فيك وشكرا ع الإفادة
أنا عارف إن الزيرو هناك سعره أقل من هنا بكتير, يعني السيراتو الجديدة إندهشت لما عرفت إنها بتبدأ ب 69 ألف ريال. بس المشكلة بأه إن الزيرو بيخسر كتير أوي عند البيع هناك, فمعندكش حل للمشكلة دي ؟؟

يعني لو حتة 2008 سيفيك مثلا أو ما يعادلها مش تبقي أحسن من عربية زيرو تيجي تبيعها تخسر نص تمنها ؟؟

المشاركة الأصلية كتبت بواسطة zemanovaxxx

ده اللي كل الناس قالتهولي فعلا, يعني كل اللي راح هناك بيقوللي معظم البلد راكبين سيفيك أو أكورد أو كورولا أو لانسر وممكن مازدا وطبعا الشيفرولية والفورد ال suv منتشر ف الخليج عموما.
ع العموم شكرا ع النصيحة.



بارك الله فيك وشكرا ع الإفادة
أنا عارف إن الزيرو هناك سعره أقل من هنا بكتير, يعني السيراتو الجديدة إندهشت لما عرفت إنها بتبدأ ب 69 ألف ريال. بس المشكلة بأه إن الزيرو بيخسر كتير أوي عند البيع هناك, فمعندكش حل للمشكلة دي ؟؟

يعني لو حتة 2008 سيفيك مثلا أو ما يعادلها مش تبقي أحسن من عربية زيرو تيجي تبيعها تخسر نص تمنها ؟؟

يا باشا أولاً إنت هتروح غريب يعني لا عارف ميكانيكي و لا كهربائي و هناك الشغل ده كله ناااااار يعني لو هتدفع في شغلانة في مصر متتكفش 50 جنيه هتدفعها هناك 200 ريال يهني تقريباً 370 جنيه مصري ده غير انك لازم تروح حته اسمها الحراج أو المعارض و ما أدراك بقه ما المعارض اسخم من هنا 100 مرة ... تاني حاجة إنت بتشتري نفسك و أهلك و بعدين انت هتبيع امتى مش لما تبقى تخلص و تنزل يا راجل يحيني و يحيك ربنا و بعدين بلاش سياسة لما هبيع هبيع بكام إنت مش هترك بالفلوس دي و تشتري راحتك برضو و لا إيه يبقى انت مش خصران و على فكره برضو مش هتبقى الخسارة الي انت متخيلها اركب نضيف من الأول بدل مترجع تقول يا ريت الي جرى ما كان و خليك هناك في الياباني و الكوري و ابعد عن أي ماركة تانية على شان اسعار قطع الغيار و الوكالة و الصيانة و سعر اعادة البيع زي ما انت عايز ولو في أي استفسار تاني من أي نوع مهما كان يا باشا أنا موجود و في الخدمة و لو حبيت تكلمني برضو أنا حاضر و جاهز سواءً و انت هنا أو وانت هناك عنيا ليك يا باشا ...

المشاركة الأصلية كتبت بواسطة haitham basha

يا باشا أولاً إنت هتروح غريب يعني لا عارف ميكانيكي و لا كهربائي و هناك الشغل ده كله ناااااار يعني لو هتدفع في شغلانة في مصر متتكفش 50 جنيه هتدفعها هناك 200 ريال يهني تقريباً 370 جنيه مصري ده غير انك لازم تروح حته اسمها الحراج أو المعارض و ما أدراك بقه ما المعارض اسخم من هنا 100 مرة ... تاني حاجة إنت بتشتري نفسك و أهلك و بعدين انت هتبيع امتى مش لما تبقى تخلص و تنزل يا راجل يحيني و يحيك ربنا و بعدين بلاش سياسة لما هبيع هبيع بكام إنت مش هترك بالفلوس دي و تشتري راحتك برضو و لا إيه يبقى انت مش خصران و على فكره برضو مش هتبقى الخسارة الي انت متخيلها اركب نضيف من الأول بدل مترجع تقول يا ريت الي جرى ما كان و خليك هناك في الياباني و الكوري و ابعد عن أي ماركة تانية على شان اسعار قطع الغيار و الوكالة و الصيانة و سعر اعادة البيع زي ما انت عايز ولو في أي استفسار تاني من أي نوع مهما كان يا باشا أنا موجود و في الخدمة و لو حبيت تكلمني برضو أنا حاضر و جاهز سواءً و انت هنا أو وانت هناك عنيا ليك يا باشا ...

والله كلامك معقول, وف نفس الوقت قلقتني من موضوع المستعمل ده
بس برضه أنا من النوع اللي مبيحبش يخسر كتير لما ييجي يبيع عربيته, يعني أنا أهون عندي أشتري زيرو هناك واجمركها وانزل بيها أحسن م اجي ابيعها بنص تمنها بعد 3 - 4 سنين, ولا إيه رأيك؟؟

أنا مش عارف أشكرك إزاي علي نصايحك, وحيث بأه إن حضرتك دايس أوي ف المواضيع دي, قوللي هو إمتي أقدر أطلع رخصة هناك, أو بعد قد إيه الواحد ممكن يسوق هناك أصلا (أنا كده كده هيبقي معايا رخصة دولية مطلعها من هنا) بمعني تاني هل موضوع التأشيرة والإقامة ليه قيود علي موضوع شراء العربية ؟؟

شكرا ليك مرة تانية.

المشاركة الأصلية كتبت بواسطة zemanovaxxx

والله كلامك معقول, وف نفس الوقت قلقتني من موضوع المستعمل ده
بس برضه أنا من النوع اللي مبيحبش يخسر كتير لما ييجي يبيع عربيته, يعني أنا أهون عندي أشتري زيرو هناك واجمركها وانزل بيها أحسن م اجي ابيعها بنص تمنها بعد 3 - 4 سنين, ولا إيه رأيك؟؟

أنا مش عارف أشكرك إزاي علي نصايحك, وحيث بأه إن حضرتك دايس أوي ف المواضيع دي, قوللي هو إمتي أقدر أطلع رخصة هناك, أو بعد قد إيه الواحد ممكن يسوق هناك أصلا (أنا كده كده هيبقي معايا رخصة دولية مطلعها من هنا) بمعني تاني هل موضوع التأشيرة والإقامة ليه قيود علي موضوع شراء العربية ؟؟

شكرا ليك مرة تانية.

لا شكر على واجبي يا باشا إحنا خوات و تحت أمرك في أي شيء ... أولاً الرخصة كل الي هتعمله بعد ما تروح و ترتب أمورك و بيتك و تستلك شغلك هتطلع عى المرور هناك على حسب البلد الي انت رايح عليها يعني الرياض ، جده ، و هكذا هتقدم بالرخصة الدولية على رخصة سعوديه هتدخل مدرسة سواقة على شان القوانين الي هناك غير عندنا خاااااالص و على شان تعرف الإشارات و حدود السرعة و ألمخالفات الموضع ده 3 يام كل يو ساعتين تقريباً و بعد كده هتعمل اختبار قيادة أهبل جداً و شكراً تستلم الرخصة آه نسيت أقلك مدام ورقك مضبوط تروح من تاني يوم تقدم على الرخصة يعني الإقامة معاك و الرخصة الدولية و شكراً ... أما بقى لوضوع شراء العربية الكلام ده في قيود لو انت هتجيب قسط يعني لازم جواب من شغلك و يكون على على شغلك في المملكة أكتر من 6 شهور . لاكن لو كاش أو مستعمل يبقى مفيش أي مشاكل ... بالنسبة بقى لموضوع البيع فإنت مش هتخصر زي ما انت متخيل و لو هتشتري مستعمل برضو يبقى تشيك عليها كويس و متخدش عربية كانت مع شب سعودي أبداً خد الي كانت مع سوداني أو مصري أوي سوري و يا ريت لو ربنا وقعك في عربية واحد لبناني لأنهم بيبقو مخافظين عليها جداً ... و ابعد عن الأوربي و الألماني لأن قطع الغيار يا إما مش موجودة يا إما ناااااااااااااااااار خليك في الياباني و الكوري هتلقيهم هناك عند البقال و مش رخاص برضو ... أه نصيحة من أخ إوعى تقارن بين هناك و هنا في إي شيء لأنك هتتعب جامد جداً و خصوصاً في الأسعار أو حنى الأكل و الشرب قيص الموضع على دخلك و راتبك هناك متقسوش علينا هينا ... و لو في أي شيء تاني أنا حاضر و لو عايز حتى تكلمني على التلفون أنا برضو حاضر و لو رحت هناك ووقفت قدامك أي حاجة من أي نوع أنا رضو تحت أمرك حبايبنا هناك كتير و يتمنو يخدمو ...

آه نسيت أسألك 3 -4 سنين ليه يا باشا إنت هتعقد هناك قد إيه لو متخيل إن 3-4 سنين كفاية يبقى أكيد انت غلطان على شان تعمل حاجة هناك دلوقتي يبقى 7 -8 سنين على الأقل ده لو رايح على راتب عالي أما غير كده فخليك هنا أحسن ...