بعد التحيه ...
ايهما افضل اختيار و لماذا ؟؟
رينو فلوانس ٢٠١٤ الفئه e3 ب ١٦٩.٥ الف
كيا سيراتو ٢٠١٤ رابع فئه ب ١٦٢ الف بعد عرض خصم ٦ الاف
تويوتا كرولا ٢٠١٤ ب ١٧٥ الف
كله موجود و تسليم فورى ...
تحياتى ...
عرض للطباعة
بعد التحيه ...
ايهما افضل اختيار و لماذا ؟؟
رينو فلوانس ٢٠١٤ الفئه e3 ب ١٦٩.٥ الف
كيا سيراتو ٢٠١٤ رابع فئه ب ١٦٢ الف بعد عرض خصم ٦ الاف
تويوتا كرولا ٢٠١٤ ب ١٧٥ الف
كله موجود و تسليم فورى ...
تحياتى ...
لو تقدر تزود و تجيب كورولا الفئة ب 185 الف يبقي كورولا لو ما تقدرش خليك في الفلوانس
كورولا
فلوانس
سيراتو
من رأيى الفلوانس الجديده
1- موتور يابانى ( تيدا ) جنزير مش كوتش
2 - التوكيل محترم جدا
3- عدادات ديجيتال
4- تكيف وفتيس يابانى
5- سعر اعادة البيع فى الفلوانس الجديده حيبقى اعلى عشان الاسباب الى فاتت واهمهم ان الموتور بقى يابانى وبقى اسهل فى التعامل
6- الفلوانس من اول منزلت 2010 وبالموتور الرينو المعقد مسمعناش فيها مشاكل
7- عربيه اوسع
8- قطع غيار متوفرة وسعرها رخيص مقارنه بالاوروبى واليابانى
9- الموتور الجديد عزمه اعلى وموفر فى البنزين
ودا رأيى ولك حريه الاختيار
فلوانس - كورولا - فورد فوكس
كورولا - فلوانس - فورد فوكس
وابعد تماماً عن السيراتو
صديقي المواطن
راكب الفلوانس أفخم
راكب الكورولا أبيع ودمتم للنضال
الفلوانس عربيه حلوه جدا جدا عن تجربه ... كل حاجه فيها حلوه العيب الوحيد من وجه نظري ان ابعادها كبيره شويه مش سهل تركن في اي مكان .عموما ادخل شوف الموضوع ده حيساعدك علي الاختيار (الفلوانس طبعا )ههههههه .
http://www.nilemotors.net/Nile/359204-a.html (من رينو لتويوتا...دمعتك علي خدك اكيدة)
رأيي المتواضع
لو هختار بين الفئات دي هختار ال fluence
لانها أحسن فئة فيها فعلا هي اللي بـ 169
ال corolla تتركب تاني فئة ,اللي بـ 185
و ال cerato تتركب اللي بـ 178 ,دي تنك options
بس احسنهم في رأيي كقيمة مقابل سعر هي ال fluence
خصوصا بعد ما بقت CVT وموتور ياباني
يعني كاعتمادية بقت ممتازة
وكمان شكلها وأدائها اتحسن كتير
corola or fleuence) durability vs european ride)
you choose and both are good
NO FOR CERATO
انصح حضرتك بالفلوانس ركوبه الاوروبى + اوبشنز الاوروبى + اعتماديه اليابانى ( موتور - فتيس )
ثم الكورولا تانى فئه الى هى ب 185 الف و بالنسبه لاعاده البيع الله اعلم هل الكورولا هترجع
لسابق عهدها ولا لا و بالطبع حاله العربيه بيفرق بردو فى اعاده البيع
شيل السيراتو من المعادلة اصلا رأيي اولا الكورولا ١٨٥٠٠٠ ثم الفلوينس
أنا عاشق للرينو الفلونس
ولكن أين الفورد فوكس من وجهة النظر
راي الرينو او الكورولا
1. فلوانس
2. كورولا الفئة اللي بـ185
3. سيراتو
السيراتو عربية أي كلام × أي كلام
فوكاس + كرولا + فلوانس = عربية ممتازة في نفس الفئة
طالما حضرتك مستبعد الاسترا يبقى فلونس ثم كورولا
با تجيب الكورولا اعلى فئه يا تخليك فى الفلوانس
لانه فئه الكورولا الى بالسعر ده هتبقى فاضيه ولو عاوز تركب زيرو لازم تستمتع بيها متجبيهاش وانت بتحسب هتبيعها بكام
والسيراتو معرفش بس حاسس ان ال 14 بتاعها حاسس الناس باعده عنه
1- الفلونس الفئه e3 او e3s او الهاي لاين (اكتر من ممتازه)
2- الكورولا هاي لاين فقط
.
.
.
.
.
.
. - ممكن سيراتو
بعد مراجعه سريعه للموضوع ده عملت حصر سريع وجدت الاتي
مجموع عدد المشاركات غير السائل = 19 مشاركه
مجموع المشاركات المؤيده للكورولا = 5 مشاركات (كلهم منحازون لفئه 185الف)
مجموع المشاركات المؤيده للفلونس= 10 مشاركات
مجموع المشاركات المحايده = 4 مشاركات
ولك القرار
يبقي خليهم 11 للفلوانس :)
سيراتو افضلهم بس فئة sx العربيه مليانه كماليات و بجوده عاليه جدا
خلي بالك في فرق كبير قوي في الخامات و الاوبشن و interior matrial quality بين فئة ex and sx
لو معكش ثمن ال sx. اصرف نظر عنها
واحد صاحبي حيستلم سيراتو تاني فئة اوتوماتنك ان شاء الله فى خلال ايام
اركبها معاه كده وان شاء الله اقولكم الاخبار
نصيحة أخوية أبعد عن السيراتو عن تجربة شخصية
وخليك في الفلوانس رووووووووعة بكل تأكيد
ألف مبروك ...إختيار موفق إن شاء الله ...
صاحبي اللي استلم السيراتو كان حاجز اول فئة اوتوماتك ..... الفلوس قصرت معاه فخد المناسب له
المهم عايز اقولكو ان العربيه سعرها بعد التخفيض =152الف ج يعتبر سعر منافس تقريبا للفلونس اول فئة اوتو = 155الف
الغريب ان السيراتو اول فئة اوتو المفتاح بتاعها عادي مش ريموت حتي
عكس تماما الفلونس بينزل من اول فئة ريموت
فى نفس اليوم هو خد بيها مشاوير كتير علشان الترخيص من الهرم الي الشروق والهرم تاني ثم التجمع....وكانت ملاحظته وهوبيكلمني فى التليفون ان العربيه عزلها مش كويس لانه كان ماشي علي 70كم وسامع بره كويس وحاسس انه فاتح جزء من الشباك .....عكس الفلونس زي ماهو قالي لاننا كنا بنشوف قبلها الفونس وكانت عاجباه جدا وخصوصا العزل
لسه حيشوف البنزين واستهلاكه وحيقولي
حضرتك انا معايا سيراتو 2014 sx و العربيه عزلها ممتاز و اكتر من اللي كنت اتوقعه معرفش صحبك جاب الكلام ده منين!
مش قادر اقتنع ان العزل بيفرق بين اول فئه و ال sx
العربيه ممتازه في كل حاجه - عزل - تسارع- جوده خامات - اوبشن كتير- شكلها جميل - و راضي تماما عن العربيه و لو رجع بيا الزمن اكيد حجبها تاني
الحاجه الوحيده اللي مضيقاني ان الباب اتخبط جامد قبل ما اكمل ١٠٠٠ كم
الفلوينس برده جميله في كل حاجه بستثناء التسارع
مبروك عليك عربيتك ... ال sx هى الى كنت بعمل المقارنه معها ... و لو كنت اخترتها ... مكنتش حندم ... لكن فى الاخر لازم تجيب واحده فقط :)
انسى موضوع الباب و استمتع بها ... و اكيد فرق الموتور ال 15 حصان لصالح الكيا مقابل استهلاك بنزين افضل للرينو بسبب cvt..
تحياتى ...
السيراتو تتركب هاى لاين و الكلام ده على الكورى عامتا لان الكورى بخيل بطبعه فى الاوبشن
و الابخل منه اليابانى
بس فى الكورولا تحديدا هتاخد اعلى اعتماديه و حط كذا خط على الكلمه دى بالذات فى الكورولا
بس اوبشن الفلونس احسن
الرينو هتاخد منه ركوبه الاوروبى بمحرك يابانى ( المكن اليابانى خفيف و حامى )
ارشحلك \
رينو
تويوتا
كيا فى حاله الهاى لاين
كورولا شكل جديد جامد والعربية ثابتة جداره واعادة بيع ويابانى توكل على الله
بعد مشاهداتي و معايناتي لهم كويس جدا ل تيوتا والفلونس ٢٠١٤ اقدراقولي اني رقم ١٢ فلونس طبعا بتحس ان فيها ادمان ومهما تقارن او تشوف عربيات اخري ترجعلها برده (وان شا الله هجبها عن قريب ) فئه ١٧٨ الف لان انا رائي ان الفرق بسيط ٨ الاف جنيه بين فئه ١٦٩.٥ لان فتحه سقف وسنسور حساس مهم زائد الي يخلي الواحد يدفع ١٧٠ الف مجتش كمان ع ٨ الاف جنيه في سبيل حجتين مهمين وزياده فخامه
مبروك مقدما :)
:welcome2:
كلامك صحيح ... و ده الى حصل معايا بالظبط ... الفلوانس اول ما شاهدتها و اعجبت فقط بالشكل الامامى الجديد لانه مختلف عن مو 2011/2012/2013 ... ثم ظهرت الكورولا الجديده ... ثم دخلت السيراتو الجديده و كذلك الاوبل استرا فى المقارنه ... و اخيرا رجعتلها :)
انسب فئه من وجه نظرى ال e3 ... و الاوبشنات دى مسأله احتياجات لانى مثلا لا افتح السقف الا نادرا ... و لكن فى المقابل كنت افضل وجود الزينون و لكنه فى اعلى فئه ... لكنه هو و الحساسات ممكن يتركبو بعد كده ..
تحياتى ...
Cvt bad
ابعد عن اي عربيه فيها فتيس cvt. والله انا كرهته وكرهت العربيه.
بيعلي صوت الموتور جدا. وتحس ان العربيه بتنتع وهيا طالعه. وبيفصل مع الحراره ودي كارثه علي الطريق.
وصوت العربيه من جوه مزعج جدا. انا عرضت عربيتي لابيع
بعد شهرين من شرائها انا عندي نيسان سيلفي (سنترا) ٢٠١٤. فتيس cvt.
والله فاااااااااااااااااااااااا اا شل اخر حاجه وهيخليك تحس انك راكب عربيه ٨٠٠ cc مثلا.
شكرالك ...
اكيد حضرتك ادرى بالسنترا لكنها لم تنزل مصر ...
اما فى الفلوانس فلا وجود لكل ما تم ذكره ...
صوت الموتور منخفض/هادى/ناعم جدا ... حتى 6000 لفه تبتدى تحس ان فيه موتور :)
الطلعه ممتازه و قويه ... و يكفى ان مطلع الجراج عندى حاد جدا ...
العزل الداخلى جيد جدا ..
فيه اعضاء شاريه العربيه من شهر مارس 2013 .. و مفيش اى شكوى من الجير ..
كذلك الفتيس ده نازل فى الكورولا و الفشقاى ... و ايضا لا وجود لاى عيوب ...
تحياتى ...