أوبل انسجنيا 2014

**khaled_afandy** · 31-10-2013 09:21 AM

المشاركة الأصلية كتبت بواسطة a_samir2011

يا جدعان اخر الاخبار الاسترا كوزمو العاديه مش البلس اللى هيا 4 ايرباج مش 6 بقت عامله 190 الف جنيه بعد مكانت ب 182500 :( :(

العالم دى حرامية، المفروض الدولار رخص، يعنى الأسعار تنزل مش تطلع، لو قلت لهم كده حيقول لك آه بس دى بنجيبها باليورو و اليورو انطلق اليومين دول و طبعا لما اليورو بينزل مش حينزلوا و لا مليم و يقول لك يا بيه احنا بنتعامل بالدولار عادى جدا، السوق المصرى اسوء سوق فى العالم و اغبى تجار على وجه البسيطة، المهم المكسب السريع الفاجر و خلاص

**Abdo Taha** · 31-10-2013 10:10 AM

المشاركة الأصلية كتبت بواسطة khaled_afandy

العالم دى حرامية، المفروض الدولار رخص، يعنى الأسعار تنزل مش تطلع، لو قلت لهم كده حيقول لك آه بس دى بنجيبها باليورو و اليورو انطلق اليومين دول و طبعا لما اليورو بينزل مش حينزلوا و لا مليم و يقول لك يا بيه احنا بنتعامل بالدولار عادى جدا، السوق المصرى اسوء سوق فى العالم و اغبى تجار على وجه البسيطة، المهم المكسب السريع الفاجر و خلاص

اساسا المفروض سعر العربية يكون اقل من كده بكتير بحكم اتفاقية تخفيض الجمارك بينا و بين الاتحاد الاوروبي و على فكرة كل سنة الجمارك بتقل يعني سعر العربية هيرخص بصراحة منصور ده جشع بطريقة سيئة للغاية و ربنا هيحاسبه حساب عسير ده تلاقيه كسبان في العربية مش اقل من 45000 ليه هو مش مع مكسب اوبل لأن اوبل بره معروفة ان عربيتها رخيصة و اقتصادية جدا في كل حاجة سواء في البنزين او قطع الغيار و كده هو ناوي يوقع اسم اوبل و المستغرب منه ان الاسترا انتشرت بسعرها القديم و كانت مبيعاتها كويسة يقوم هو حضرته مغليها الاقبال يقل عليها فالناس تقبل على انواع تانية يعني شوف الفلوانس و كم الكماليات اللي فيها ما عشان وكيل محترم مش الحرامي ده ، و الله بحس اوبل دي عاملة زي الولد الصغير و امه هى gm الولد الصغير يبقى نفسه يشوف العالم و يتعلم و يطور من نفسه زي اصحابه ( اللي هما الشركات الأوروبية التانية ) و تيجي الام تمنعه او تخليه يشوف بعضها بس مش سايباه يطور حاجة وده حال اوبل الشركة دي لو انفصلت عن gm هتبقى حاجة تانية خالص ، ربنا يتولانا برحمته

**khaled_afandy** · 31-10-2013 12:22 PM

المشاركة الأصلية كتبت بواسطة abdo taha

اساسا المفروض سعر العربية يكون اقل من كده بكتير بحكم اتفاقية تخفيض الجمارك بينا و بين الاتحاد الاوروبي و على فكرة كل سنة الجمارك بتقل يعني سعر العربية هيرخص بصراحة منصور ده جشع بطريقة سيئة للغاية و ربنا هيحاسبه حساب عسير ده تلاقيه كسبان في العربية مش اقل من 45000 ليه هو مش مع مكسب اوبل لأن اوبل بره معروفة ان عربيتها رخيصة و اقتصادية جدا في كل حاجة سواء في البنزين او قطع الغيار و كده هو ناوي يوقع اسم اوبل و المستغرب منه ان الاسترا انتشرت بسعرها القديم و كانت مبيعاتها كويسة يقوم هو حضرته مغليها الاقبال يقل عليها فالناس تقبل على انواع تانية يعني شوف الفلوانس و كم الكماليات اللي فيها ما عشان وكيل محترم مش الحرامي ده ، و الله بحس اوبل دي عاملة زي الولد الصغير و امه هى gm الولد الصغير يبقى نفسه يشوف العالم و يتعلم و يطور من نفسه زي اصحابه ( اللي هما الشركات الأوروبية التانية ) و تيجي الام تمنعه او تخليه يشوف بعضها بس مش سايباه يطور حاجة وده حال اوبل الشركة دي لو انفصلت عن gm هتبقى حاجة تانية خالص ، ربنا يتولانا برحمته

و الله فكرتنى بموضوع إتفاقية التجارة الحرة مع الإتحاد الأوروبى، ما فيش و لا عربية نزلت سعرها حتى مع إستقرار أسعار العملة قبل ديسمبر 2012 و كانت الحجة أصل الفرق صغير و مش عارف اصل فيه ضريبة أيه زادت و بالتالى السعر زى ما هو!!! طبعا أى كلام و خلاص و كل الفروق ذهبت الى كروش الوكلاء.

طبعا سبب الزيادة هو نجاح الأسترا و هى عربية ممتازة لا جدال فالوكيل يقوم ينزل بلوتووث تكلفته لن تزيد عن 500 جنيه علشان يزود العربية 15 ألف جنيه

شئ لا يصدقه عقل!!

**khaled_afandy** · 31-10-2013 12:30 PM

المشاركة الأصلية كتبت بواسطة eggroup

موافق 100%

يا جماعه عايزين نرجع حملة (سيبها تصدى و موديلها يعدى)

الموضوع بقى فوق الإحتمال و إحنا السبب

كل مره نزعق و نتخانق و بعدين نجرى نحجز !!!!

لو كنا بندفع (كاش) و نازل تشترى و معاك 185000 جنيه فى شنطه و قالك البياع (لأ) روح هات 15000 جنيه كمان و تعالى كنت رجعت الفلوس للبنك تانى و طنشت العربيه!!!!

لكن علشان الغالبيه بتشترى بالقسط فتقولك مش مشكلة القسط يزيد شويه !!

الأسعار بقت فى السما و إحنا فى ركود

أمال حيتعمل فينا إيه لو الدنيا أتحركت؟!!

الشوارع تحولت لجراجات كبيرة و سواقة السيارة بقت شىء غير ممتع بالمرة

و العربيات بتتسرق (عينى عينك) و ما فيش حاجه بترجع!!

الحقيقه أنا قررت أقاطع الشراء فى 2014 و لغيت شراء الفلوانس السنه دى

(ربنا ما سهلهاش من عنده و انا قررت التوقف عن محاولة الشراء)

د. ياسر التلمسانى

فعلا إحنا السبب، التجار كسبوا مكاسب رهيبة أول السنة دى لما زودوا العربيات المستوردة على سعر الدولار 6.2 و قالوا السعر دلوقت 7 جنيه و انا لازم اقدر استورد نفس العدد من العربيات علشان كده لازم ابيع على سعر الدولار الجديد، و غليت العربيات 20% فجأة و كانت الناس نازلة شراء قبل ما يغلوا عليهم تانى. و فعلا زى ما حضرتك قلت اومال لو الدنيا مش كساد حيعملوا فينا أيه، حسبنا الله و نعم الوكيل.

أنا صرفت النظر عن ان أفكر فى انسيجنيا دى خالص، لأن التوكيل مش محترم بصراحة.

**K.Ossama** · 31-10-2013 01:04 PM

متفق معاك فى نقطة عدم نزول الاسعار رغم نزول العملة وانخفاض الجمارك

المشاركة الأصلية كتبت بواسطة abdo taha

يعني شوف الفلوانس و كم الكماليات اللي فيها ما عشان وكيل محترم مش الحرامي ده

الفلونس والأسترا فى أوروبا سعر واحد. يبقى التوكيلين حرامية. رأيى ان مافيش توكيل فى مصر مش حرامى

المشاركة الأصلية كتبت بواسطة abdo taha

و الله بحس اوبل دي عاملة زي الولد الصغير و امه هى gm الولد الصغير يبقى نفسه يشوف العالم و يتعلم و يطور من نفسه زي اصحابه ( اللي هما الشركات الأوروبية التانية ) و تيجي الام تمنعه او تخليه يشوف بعضها بس مش سايباه يطور حاجة وده حال اوبل الشركة دي لو انفصلت عن gm هتبقى حاجة تانية خالص ، ربنا يتولانا برحمته

اختلف معاك.اوبل هما اللى مطورين المواتير الجديدة بتاعة الأسترا والانسيجنيا والألمان كتن عندهم من كام سنة احتجاجات عنيفة علشان خاطر gm كانت عاوزة تلغى رأى أوبل وتصميماتها ومواتيرها ونجحوا إنهم بمنعوا gm من العك ده.

**Abdo Taha** · 31-10-2013 08:34 PM

المشاركة الأصلية كتبت بواسطة K.Ossama

متفق معاك فى نقطة عدم نزول الاسعار رغم نزول العملة وانخفاض الجمارك

الفلونس والأسترا فى أوروبا سعر واحد. يبقى التوكيلين حرامية. رأيى ان مافيش توكيل فى مصر مش حرامى

اختلف معاك.اوبل هما اللى مطورين المواتير الجديدة بتاعة الأسترا والانسيجنيا والألمان كتن عندهم من كام سنة احتجاجات عنيفة علشان خاطر gm كانت عاوزة تلغى رأى أوبل وتصميماتها ومواتيرها ونجحوا إنهم بمنعوا gm من العك ده.

حتى برضه لو هما عرفوا يتغلبو في بعض الحاجات على GM برضه اوبل لسة مش بكامل حريتها و خلي بالك انا عارف موضوع الاحتجاجات ده و ان اوبل هى اللي مطورة المواتير الجديدة ال SIDI بس صدقني اوبل هتختلف كتير لو بقت لوحدها يعني حضرتك ينفع GM تنزل بعض عربيات اوبل و تقولك عليها شيفروليه او دايو يعني الانسجنيا بتنزل امريكا على انها بويك ريجال طب ازاي اسم اوبل ينافس في انحاء العالم اشمعنى BMW ليها اسمها و AUDI اللي هى مملوكة ل VW , يعني ايه ان الاسترا و الانسجنيا ( الموديل اللي فات ) يبقى شكل التابلوه بتاعه زي الكروز مش كل دي حجات تدايق برضه و على فكرة اوبل مهمة جدا ل GM لأنها بتطورلهم حاجات كتير فالمشكلة انها صعب تستغنى عنها ، يعني تعرف امتى حضرتك نقدر نتقبل الموضوع لو اوبل بقى ليها اسمها الخاص في العالم و تكنولوجيا و تصاميم خاصة بيها هى و مفيش دخل ل GM في تسويقها بأسامي شركاتها لكن ممكن مثلا تكون بعض قطع الغيار مشتركة في المواتير الفتيس زي ما VW عاملة في شركاتها و الايجابي في الموضوع ان رئيس مجلس الإدارة الجديد بدأ يظبط حاجات كتير في اوبل و على ما اعتقد اوبل هتنزل في بعض ددولشرق اسيا باسمها زي الصين ، و نفسي سيارات اوبل OPC تنزل بمواتير اقوى و منافسة ل BMW M و مرسيدس AMG و لو الكلام ده حصل الشركة هتعلى جامد ، اما من ناحية ان معظم التوكيلات حرامية فهما حرامية بس عم منصور مزودها حبتين عن الباقيين يعني حتة بلوتوث يرفع سعر العربية 10 او 15 الف و قطع الغيار اللي بيستهبل فيها و الصيانات يعني الفكترا 2008 يقولو المبخر فيه تسريب و لازم يتغير ب 8000 جنية و يلبسوك في الحيط طب ما هو شوية بدرة حطتهم في دورة التبريد منعت التسريب ليه التعقيد ، و يا رب ميغليش في سعر الانسجنيا عشان لو غلاها العربية كدة مش هتبيع الا قليل .

تحياتي لك و شكراً لهذة المناقشة الرائعة

**ALshahba** · 03-11-2013 04:42 PM

بالاسعار الغريبه دي ...... ممكن الواحد يرجع يفكر فى 508 تاني

ممكن يا جماعه حد يسرد لنا كماليات اوبل انسجنيا الجديده .... بما يحتويه من موتور وفتيس

شكرا للتواصل

**K.Ossama** · 03-11-2013 05:23 PM

المشاركة الأصلية كتبت بواسطة ALshahba

بالاسعار الغريبه دي ...... ممكن الواحد يرجع يفكر فى 508 تاني

ممكن يا جماعه حد يسرد لنا كماليات اوبل انسجنيا الجديده .... بما يحتويه من موتور وفتيس

شكرا للتواصل

ده رابط البروشور بتاع منصور اللى رفعه لنا د.ياسر
العزم بس بتاع الموتور مكتوب غلط، هو 260 فعلاً بس عند 1650-4250
والتسارع من 1-100 فى 9.2 ثانية

Insignia Brochure

-

الموضوع: أوبل انسجنيا 2014

LinkBack

أدوات الموضوع

عرض

-

-

المواضيع المتشابهه

تويوتا كورولا 2014 و لا كيا سبوتاج 2014

كورولا 2014-النترا 2014-لانسر شارك -فلوانس

مقارنة شكلية كيا سيراتو 2014 vs هيونداي النترا 2014

استفسار بخصوص عدم ظهور اوبل انسجنيا بديلة الفيكترا في مصر

Kia cerato 2014 الصور الرسمية - سيراتو 2014 الجديدة كليا !

الكلمات الدلالية لهذا الموضوع

المفضلات

المفضلات

ضوابط المشاركة