سؤال.. ازاي السياحة بايظة و الفنادق أسعارهاا نااار

**amrezzat82** · 18-09-2013 09:55 PM

عندي سؤال.. ازاي السياحة بايظة و الناس بتشتكي كتيير من عدم الشغل فيها
و أنا بدور على الفنادق الأربعة نجوم فى العين السخنة فى موقعين بوكينج و ايكسبيديا أسعارهاا نااار الغرفه متوسطها الف جنيه و اكتر فى الليلة من غير اي حاجة!!
هو الأسعار كده هناك دايما ؟؟
يا ترى مفيش أقل من كده ؟؟ ولا أشوف اسبوع فى تايلاند ولا سنغفورا أرخص؟؟
محتااج خبراتكم

**Ahmed_Adham** · 18-09-2013 10:10 PM

الاسعار دي مش صح خالص اتصل مباشره بالفندق اللي يعجبك واسألهم عن الاسعار وهتلاقيها أقل من كده خصوصا الاسبوع الجاي بعد ما الدراسه تبدأ.

أرشحلك ستيلا دي ماري وده في نهايه طريق العين السخنه تاخد يوتيرن وتمشي بتاع 7 كيلو تلاقيه على يمينك وهتلاقي لوحه كبيره.

أو كورال سي وده يميزه الاكوابارك المجاني وده حوالي 30 كيلو من نهايه طريق السخنه باتجاه طريق الغردقه.

**Karim_Monir** · 18-09-2013 11:33 PM

لو بتدور في اسبوع العيد او اجازة 6 اكتوبر انسي اتقفلت السخنة مصريين :-)

**dedi** · 19-09-2013 03:57 AM

يا باش الاسعار زى النار فى الغردقة لما يكون فية سياحة بيبعوا باكج للاجانب باسعار ذهيدة جدا موش عارف مفروض يرخصوا الاسعار الان للمصريين علشان تشتغل الدنيا بس تقول اية قمة الذكاء

**canner** · 19-09-2013 09:59 AM

لما اتكلمت مع واحد شغال فى الفنادق على الموضوع ده قاللى ان كل اوضه ليها حد ادنى مش بيقدروا ينزلوا من عليه حتى لو فضلت فاضيه

و فعلا لو اتكلمت الفندق مباشرة ممكن تلاقيه اسعاره اقل من بوكينج و غيره و حصلت معايا قبل كده كذا مره و فيه مرات تانيه كان بوكينج ارخص فا مش ح تخسر حاجة من المحاولة

**A.Saad** · 19-09-2013 10:36 AM

حضرتك اعمل setting للبحث على booking
هتلاقى سعر الغرفة وهتلاقى نجوم الفندق وكمان درجة ال review اللى واخدها
وشوف ال reviews عليه وعلى tripadvisor

شرم ارشح لك st gerorge homestay
الليلة 450
عيبه ان الشاطيء بعيد عنه والباص ليه 4 مواعيد فقط ليه