دى عاوز افهمها

**Ahmod** · 22-09-2013 12:48 AM

المشاركة الأصلية كتبت بواسطة dr_7ooda

وطبعا لازم تبقي عارف ان الجي ام حمل علي كهربة العربيه وخصوصا الانجكشن وله مخاطر فلازم تكون مجهز نفسك لكده

حضرتك تقصد ايه بمخاطر الجي ام ؟؟ حصل معاك مشكلة قبل كدة بسببه ؟

**salah_86** · 24-09-2013 04:37 PM

المشاركة الأصلية كتبت بواسطة dr_7ooda

اه هوا له مخاطر كتير

اولا الناس اللي بتشغله والعربيه مش دايره = البطاريه عمرها بيقل جدا وممكن يفضيها ولو سيمفوني تقيل ممكن يدمرها خالص

ثانيا كابلات الجي ام وفي معظم عربياتنا الجي ام بيبقي في الشنطه ولو حد بيغسل العربيه من جوا بالمياه ممكن يبل الدنيا والسلك ال + يعمل تيار مع ال _ الارضي اللي في اقرب مسمار في الشاسيه ولاقدر الله ممكن ده يعمل قفله يطير الدنيا
وده ممكن يحصل برضه مع الناس اللي بتضطر تشيل جراكن مياه او سوائل في الشنطه

ثالثا معظم الناس مبيجيبوش كيت توصيل الجي ام و بيجيبوا كابلات توصيل حمايتها ضعيفه ومع الفك وتركيب العتب والفرش ممكن الحمايه اللي علي السلك تتخربش وتتشال ويلمس جسم العربيه وده ممكن يعمل قفله او شراره تؤدي الي مالا يحمد عقباه لا قدر الله

رابعا الكهربا ودي بالزات في العربيات الجديده ودي بتبقي ان الكمبيوتر عامل حسابه علي كهربا معينه بتجيله يوزعها ولما بتقل الكهربا دي عند تشغيل الجي ام واللي هوا يعتبر سبب غير مفهوم لكمبيوتر العربيه بيحصل خلل في الوظائف اللي محتاجه كهربا زي النور العالي والواطي والانجكشن
وده السبب اللي بيخلي بتوع الكاسيت ينصحوا ببطاريات اقوي من الاصليه عشان العربيه ما تتأثرش ودي خطوه تعتبر خطوه مجهولة المصير

لااااااااااااا ياعم مش لاعب
انا كنت ابتديت افكر فى الجى ام الكينوود اما كدا مش جايب خصوصا ان الجى ام السونى ( فاكرة )؟
كان بيزن مع السماعات لما كنت برعش بالزينون
خلينى كدا حلو وعلى قدى

**dr_7ooda** · 24-09-2013 06:01 PM

المشاركة الأصلية كتبت بواسطة salah_86

لااااااااااااا ياعم مش لاعب
انا كنت ابتديت افكر فى الجى ام الكينوود اما كدا مش جايب خصوصا ان الجى ام السونى ( فاكرة )؟
كان بيزن مع السماعات لما كنت برعش بالزينون
خلينى كدا حلو وعلى قدى

ههههههههههههههههه

يا عم ماقصدش علي فكره
الغاوي هايستحمل اي حاجه في سبيل انه يحقق غيته
وفي ناس مركبه 3 و 4 جي امات من غير اي مشاكل ما شاء الله

وعلي فكره الجي ام الكينوود هوا هواه السوني بالظبط والسوني معمر وبتاع شغل عنه كمان

والزن ده من الار سي يا معلم مش من الجي ام

**salah_86** · 24-09-2013 07:55 PM

انت حيرتنى ايهما افضل الجى ام الكينوود ام السونى ام البايونير
ياوعدى عليا كنت صغنن زمان كنت فاكر ان الكاسيت لازم يبقى نوعه هو نوع السماعات هو نوع الجى ام بس كبرت بقى وفهمت

**volk** · 24-09-2013 08:07 PM

انا زيك برضوا محتار اجيب جي ام ايه

انا جايب سماعاتين بايونير 500 وات و معاهم سماعتين سيتي ساوند 470 وات و مركب كاست بايونير

لغايه دلوقتي مش عارف اجيب جي ام نوعه ايه

و اخري في الفلوس 400 جنيه

**dr_7ooda** · 24-09-2013 11:40 PM

طيب نقول تاني

البايونير الانقي صوتا الاسوأ صيانة والاقل عمرا
السوني جيد الصوت جيد الصيانه جيد العمر
الكينوود جيد الصوت سيئ الصيانه جيد العمر
السيمفوني الاسوأ في الصوت الاقوي في البيز الارخص في الصيانه . جيد العمر

انا عن نفسي مشغل السماعات علي السوني والحمد لله مرتاح فيه

**NightmarE84** · 04-07-2014 07:39 PM

ممكن نعرف الكاسيت عامل ايه مع صاحب الموضوع والسماعات البيضاوى اخبارها ايه برضوا ؟؟؟

**midooo_119** · 05-07-2014 03:26 AM

المشاركة الأصلية كتبت بواسطة dr_7ooda

اه هوا له مخاطر كتير

مع احترامى لحضرتك الكلام ده مش صحيح

اولا الناس اللي بتشغله والعربيه مش دايره = البطاريه عمرها بيقل جدا وممكن يفضيها ولو سيمفوني تقيل ممكن يدمرها خالص

معاك لكن ده هيتوقف على 3 حاجات مشغل الجى ام فترة اد ايه والعربيه مش شغالة هل البطاريه شاحنه و لا لأ وحسب حالة البطارية

ثانيا كابلات الجي ام وفي معظم عربياتنا الجي ام بيبقي في الشنطه ولو حد بيغسل العربيه من جوا بالمياه ممكن يبل الدنيا والسلك ال + يعمل تيار مع ال _ الارضي اللي في اقرب مسمار في الشاسيه ولاقدر الله ممكن ده يعمل قفله يطير الدنيا
وده ممكن يحصل برضه مع الناس اللي بتضطر تشيل جراكن مياه او سوائل في الشنطه

لو حصل قفله فى الجى ام انت عارف فيه فيوز بيفصله فمش هيحصل الكلام ده

ثالثا معظم الناس مبيجيبوش كيت توصيل الجي ام و بيجيبوا كابلات توصيل حمايتها ضعيفه ومع الفك وتركيب العتب والفرش ممكن الحمايه اللي علي السلك تتخربش وتتشال ويلمس جسم العربيه وده ممكن يعمل قفله او شراره تؤدي الي مالا يحمد عقباه لا قدر الله

الله اعلم مش هفتى بس مين هيفك العتب و الفرش كل شوية

رابعا الكهربا ودي بالزات في العربيات الجديده ودي بتبقي ان الكمبيوتر عامل حسابه علي كهربا معينه بتجيله يوزعها ولما بتقل الكهربا دي عند تشغيل الجي ام واللي هوا يعتبر سبب غير مفهوم لكمبيوتر العربيه بيحصل خلل في الوظائف اللي محتاجه كهربا زي النور العالي والواطي والانجكشن
وده السبب اللي بيخلي بتوع الكاسيت ينصحوا ببطاريات اقوي من الاصليه عشان العربيه ما تتأثرش ودي خطوه تعتبر خطوه مجهولة المصير

اولا الجى ام بيتوصل عالبطاريه عالطول مالوش علاقه بالكمبيوتر .. ثانيا موضوع تجيب بطاريه اكبر ده موضوع تانى مالوش اى علاقه بالحمل الى عالبطارية ممكن تروح قسم البطاريات تفهمه بالتفصيل و موضوع تغيير البطاريه بأكبر مصيره مش مجهول ولا حاجه مصيره ان البطاريه مش هتعيش كتير

ارجو ان تتقبل ردى بصدر رحب

-

-

الموضوع: دى عاوز افهمها

LinkBack

أدوات الموضوع

عرض

-

-

-

-

-

-

المواضيع المتشابهه

حاجات عاوز افهمها ونا بستلم ال جين2 ضروووري؟؟

في حاجه مش عارف افهمها

عاوز أرش العربيه بس كنت عاوز اشتري انا الدهان و الحجات و احاسبه مصنعيه بس

في حاجه نفسي افهمها

الكلمات الدلالية لهذا الموضوع

المفضلات

المفضلات

ضوابط المشاركة