توكيل رينو : صفر على عشرة
توكيل رينو العبور صفر على عشرة !!!
توكيل رينو رفع أسعار الصيانة جداً !! صيانة الــ 10000 كم أرتفعت من 525 إلى 715 جنيه مرة واحدة !!
توكيل العبور قمة فى قلة الذوق والكذب والفهلوة ، عملت صيانة الــ 10000 كم فى العبور اأمس ، خرجت بإنطباعات سيئة جداً عن هذا التوكيل ، الفنى أوتقريباً عامل فى الأستقبال أسمه مصطفى قمة فى قلة الذوق ومستفز جداً وكداب قوى ومالهوش فى البدنجان نهائى ماينفعش دبلوم حتى !! المفروض يعينوا مهندسين محترمين خاصة فى الأستقبال ( الحقيقة البنت ممتازة جداً وذوق ومريحة فى التعامل ) المدعومصطفى ده شكله فنى غير مؤهل ومش عارف السيارة حتى بتآخد كمية زيت قد أيه ، وزعلان قوى من البداية أنى براجع الأوردر وهو بيستلم العربية قبل لما أمضى ، ومعلم على كل حتة فى العربية أن بها خدوش حتى من فهلوته مش معلم على أنها خدوش أم إنبعاجات أو خبطات طبعاً سيبهالك كده حسب الظروف لو أتخبطت جوه عندهم يقولك آه أنا أقصد خبطات ولو عدت يبقى خير وبركة ( شغل فهلوة وحركات عيال ) ، ومعلم أن العربية مفيهاش إيريال بالرغم من أنى وريتهوله على التابلوه برضه لم يثبته فى الأوردر !! وكل همه أنه يستعجلك فى التوقيع على الأوردر ورافض بمنتهى الجليطة يرجع كمية الزيت المتبقى( مع العلم أن سعر اللتر 95 جنيه )وكداب قوى ومرة يقوللك العربية بتآخد 5 لتر ولما عرفته أن الكتالوج بيقول 4.8 فقط يقول ماشى ومرة يقولك لأ لأ عربيتك بالذات خدت 5 لتر !! وواضح أنه لايفقه شئ نهائى وغير مريح بالمرة !! توكيل سئ جداً للمرة الثانية وناوى أنى مش رايح تانى التوكيل الزفت ده !!
توكيل صفر على عشرة لأن العربية خلصانة من بدرى ورامينها فى الشمس وجايبينها من غير ماتتغسل بالشحم والزيت على الكبوت ! حاجة تقرف !!!
توكيل يعتمد على الفهلوة وشغل العيال وغير مريحيين بالمرة وياسلام لو حولت تستفسر عن حاجة أما يديك وش خشب أو يحاول يستعبطك بأى ردود وخلاص مشى حالك يعنى !!
أنا غير راضى بالمرة عن هذا التوكيل !!
